Mobil versiya RU AZ
_

AZƏRBAYCAN » MƏDƏNİYYƏT

Bəhruz Axundov: Respublikada nəşriyyat və poliqrafiya sahəsində görülməli işlər çoxdur (MÜSAHİBƏ)

12 Yanvar 2017, 11:12 (GMT +4)

Bakı, 12 yanvar, SalamNews, Ş.Nəzərli. "Ölkəmizdə digər sahələrdə olduğu kimi, nəşriyyat və poliqrafiya sahəsində də ciddi uğurlar qazanılıb. Amma bu sahədə görülməli işlər hələ çoxdur." 

Bunu SalamNews-a müsahibəsində Azərbaycan Naşirlər və Poliqrafçılar Birliyinin sədri Bəhruz Axundov deyib.

Birliyin sədri ilə müsahibəni təqdim edirik.

- İxtisasınız jurnalistikadır, amma uzun illərdir fəaliyyətinizi nəşriyyat işi ilə bağlamısınız. Bunun səbəbi nədir?

- Ağdam Rayon Komsomol Komitəsində müxtəlif rəhbər vəzifələr tutmuşam, sonra ADU-nun (indiki BDU) jurnalistika fakültəsini birimişəm. Jurnalistikanın bir qolu olan nəşriyyat və poliqrafiya işini də 1981-ci ildə Bakıya köçdükdən sonra yavaş-yavaş, addım – addım öyrənmişəm. "Yeni kitab" məətbəsində, "Kommunist" (indiki "Azərbaycan") nəşriyyatında müxtəlif vəzifələrdə, indiki Təhsil Nazirliyinin mətbəəsində direktor olmuşam. Bir də ayılıb gördüm ki, bu sahə məni özünə əsir edib, eyni zamanda da jurnalistika ilə, yaradıcılıqla sıx əlaqəlidir, nəinki ayrıdır. Təvazökarlıq olmasa da, deyim ki, 1992-ci ilin sonlarında Azərbaycanda yaradılan son, müstəqil Azərbaycanın isə ilk dövlət nəşriyyatı olan "Təhsil"in yaradıcısı və direktoru olmuşam. 2007-ci ildən "Təhsil Nəşriyyat-Poliqrafiya" MMC-nin təsisçisi və baş direktoru vəzifəsini daşıyıram. Fəxr edirəm ki, müəssisəmizdə yüzlərlə adda dərslik və dərs vəsaiti, ictimai-siyasi, elmi-kütləvi, bədii-publisistik ədəbiyyat və akademik nəşr işıq üzü görüb. "Təhsil" nəşriyyatı 2005–2010-cu illərdə "İlin nəşriyyatı", çap olunan kitabların bir çoxu "İlin kitabı" və s. fəxri adlara layiq görülüb.

- Nailiyyətləriniz bununla kifayətlənir?

- Hamısını ona görə sadalamaq istəmədim ki, qorxuram zəhmətkeş kollektivimizin vicdanlı işi sayəsində əldə olunan ürəkaçan nəticələr təkcə rəhbərliyin adına çıxarılsın. Deməli, 6 dildə nəşr edilən "Qarabağ real tarix, faktlar, sənədlər" kitabı 2005-ci ildə beynəlxalq "Kitab sənəti" müsabiqəsinin qalibi olub. 2012-ci ildə Azərbaycan Respublikasının "Dövlət mükafatı"na layiq görülmüşdür (müəlliflər Yaqub Mahmudov, Kərim Şükürov), "Atlantlar" (müəllif Çingiz Əlioğlu) 2006-cı, "Novruz" (müəlliflər Ədalət Vəliyev, Vaqif Bəhmənli) və "Hophopnamə" (M.Ə.Sabir) 2012-ci ildə beynəlxalq "Kitab sənəti" müsabiqəsinin qalibi olub. Respublikanın nəşriyyat və poliqrafiya tarixində "Kitab sənəti" beynəlxalq müsabiqəsinin baş mükafatı olan "Qran-Pri"yə layiq görülmüş "Çərçivə" adlı ilk Azərbaycan kitabı da bizim zəhmətimizdir. 2012-ci ildə "Təhsil Nəşriyyat-Poliqrafiya" müəssisəsi Azərbaycan nəşriyyatları arasında ilk dəfə Beynəlxalq "Ticarət Liderləri Klubu"-nun "Keyfiyyətə görə" qızıl medal, xüsusi priz və diplomunu (İspaniya, Madrid), OMAK – Beynəlxalq Menecment Assosiasiyası klubunun 50 ölkənin 60-dan çox təşkilatı arasında "Naviasiya və keyfiyyətə görə Yeni ERA" Beynəlxalq mükafatını və xüsusi diplomlarını (Almaniya, Berlin), keyfiyyət və kommersiya prestijinə görə "Avropanın Qızıl mükafatı"nı (Fransa, Paris) alıb.

Nəşriyyat işinin ciddiliyini və bu sahə ilə bağlı mütəxəssislərin geniş informasiyaya ehtiyacını və digər aspektləri nəzərə alaraq "Naşir" jurnalı da buraxırıq. İndi 7 nömrə oxuculara təqdim edilib. Nəşrə istedadlı jurnalist Gülnar Məsimli rəhbərlik edir.

- Pedaqoji fəaliyyətinizlə bağlı nə deyə bilərsiniz?

- İnanın ki, bu, ölkədə poliqrafiya sahəsinin ciddi inkişafa ehtiyacı olduğu zərurətdən doğub. "Təhsil Nəşriyyat-Poliqrafiya" da iş, necə deyərlər, başdan aşır. Amma gələcəyi nəzərə almaq lazımdır, elektron KİV, texnika nə qədər sürətlə inkişaf etsə də, kitab, poliqrafiyanın öz yeri var. 2006-cı ildən Azərbaycan Dövlət Mədəniyyət və İncəsənət Universitetində müəllim, baş müəllim, 2011-ci ildən isə dosent vəzifəsində çalışıram. Həmkarlarımla müştərək "Azərbaycanca–Rusca, Rusca–Azərbaycanca atalar sözləri və zərbi-məsəllər lüğəti", "Nəşriyyat işinin əsasları", "Nəşriyyat-Poliqrafiya və jurnalistika terminlərinin izahlı lüğəti", ali məktəblər üçün hazırlanmış dörd tədris proqramının tərtibi və s. işlər məhz bizi əvəz edəcək gənc nəslin bilik qazanması üçün nəzərdə tutulub.

- Naşirlər və poliqrafçılar Birliyi barədə nə deyə bilərsiniz?

- Bizim təşəbbüsümüzlə 2012-ci ildə təsis edilmiş Azərbaycan Naşirlər və Poliqrafçılar Birliyinin sədrliyi mənə etibar olunub. Etimada görə həmkarlarıma minnətdaram, böyük məsuliyyətdir. Fərəhli haldır ki, ölkədə poliqrafiya ilə bağlı qanun hazırlanır. Əminəm ki, bu qanunun qəbulundan sonra ümumtəhsil müəssisələrinin keyfiyyətli dərsliklərlə və ekoloji baxımdan təmiz dərs ləvazimatları ilə, poliqrafiya və nəşriyyat işçilərinin sosial təminatı və digər məsələlərin təkmilləşdirilməsi prioritet xarakter alacaq. Konkret olaraq “Təhsil”ə gəlincə, deməliyəm ki, yüzdən çox kadrın iş müddətində bütün fəaliyyəti – naharetmə sistemi, əməkhaqqı səviyyəsi, istirahət və məzuniyyət qrafiki, iş şəraitinin səviyyəsinə nəzarət və digər məsələlərdə şəffaflıq kollektivdə ümumi ab-havaya müsbət təsir göstərir. Deyərdim ki, yüksək peşəkarlıqla yanaşı, dediyim qayğılar da arzuolunan nəticələri təmin edən səbəblərdəndir. Adi bir misal. Piratçılıq yolu ilə ekoloji baxımdan yolverilməz, çox ucuz materiallardan dərslik və dərs vəsaiti “istehsal edib” fidan balalara satanın vurduğu ziyanı təsəvvür edirsizmi? Bax, haqqında danışdığım qanunun qəbulu belə mühüm məqamların qarşısına sədd çəkmək üçün çox vacibdir. Kollektivimiz isə öz növbəsində, hər yeni dərs ili ərəfəsində qarşısında duran vəzifələri layiqincə yerinə yetirir. 

- Müsahibəyə görə təşəkkür edirik. 



Əlaqəli Xəbərlər

Vakant notarius vəzifələri üzrə müsahibə mərhələsinin vaxtı açıqlanıb

Könüllülərin Monako Qran Prisinə səfəri olacaq - İranə Əhmədova (MÜSAHİBƏ)

Azərbaycanın Pakistandakı səfiri  “Embassy Road”  proqramına növbəti müsahibə verib

Dağlıq Qarabağ münaqişəsinin həllində Azərbaycanın haqlı mövqeyi təmin edilməlidir - səfir (MÜSAHİBƏ)

Sığorta sektorunda aparılan islahatlarla AtaSığorta ASC dinamik inkişafını davam etdirir - Qoşqar Həsənov (MÜSAHİBƏ)

BƏƏ Azərbaycan üçün investisiya baxımından hədəf ölkələrdən biridir - səfir (MÜSAHİBƏ)

Mədəniyyət və turizm naziri “Rossiya 24” kanalına müsahibə verib

Azərbaycan ilə Ukraynanın ortaq çağırışları var - nazir (MÜSAHİBƏ)

Korporativ mədəniyyətin daim inkişaf etdirilməsini nəzarətdə saxlayırıq - Nuranə Əzizova (MÜSAHİBƏ)

İki ölkə prezidentləri arasında xüsusi münasibətlər var-İİR səfiri (MÜSAHİBƏ)

"Təhsil" nəşriyyatının əvvəlki şöhrətini qorumaq ikiqat məsuliyyətdir - Tural Axundov (MÜSAHİBƏ)

Vakant dövlət qulluğu vəzifələrinin tutulması üçün müsahibə elan edilib - DİM

Müəllimlərin işə qəbulu üzrə müsabiqənin müsahibə mərhələsi sabah başa çatacaq

Bakıda elit turizm təmsilçilərinin növbəti görüşü keçiriləcək (MÜSAHİBƏ)

Müəllimlərin işə qəbulu üzrə müsahibə mərhələsinə 5 min 225 nəfər buraxılıb

Müəllimlərin işə qəbulu üzrə müsabiqənin müsahibə mərhələsi davam edir - nazirlik

Müəllimlərin işə qəbulu üzrə müsabiqənin müsahibə mərhələsinə başlanılır

Dövlət qulluğu vəzifələrinin tutulmasına dair müsahibəyə 42 iş yeri çıxarılıb

Bakı İslam Universiteti təhsil və elm sahəsində əhəmiyyətli uğurlara imza atıb  - Elvin Talışınski (MÜSAHİBƏ)

Təhsil Nazirliyi müəllimlərin işə qəbulu üzrə müsahibə mərhələsində yenilik edib

14 Dekabr 2017, 18:44 (GMT +4)
Azərbaycan ilə əməkdaşlıq yüksək səviyyədədir - Rona Feyrhed

14 Dekabr 2017, 18:25 (GMT +4)
Azərbaycan və Böyük Britaniya arasında münasibətlər yüksək səviyyədədir -Şahin Mustafayev

14 Dekabr 2017, 18:05 (GMT +4)
Zaqatala Beynəlxalq hava limanı istifadəyə verilib (FOTOLAR)

14 Dekabr 2017, 17:55 (GMT +4)
Azərbaycan və Böyük Britaniya arasında protokol imzalanıb

14 Dekabr 2017, 17:50 (GMT +4)
Moskvada Fərhad Bədəlbəylinin 70 illik yubileyi münasibətilə təntənəli gecə təşkil olunub

14 Dekabr 2017, 17:42 (GMT +4)
Paytaxtı Şərqi Qüds olan Fələstinin tanınması üçün mübarizə edəcəyik - Çavuşoğlu

14 Dekabr 2017, 17:34 (GMT +4)
“İnnovativ Sahibkarlıq” mövzusunda təlim keçirilir

14 Dekabr 2017, 17:27 (GMT +4)
Bakıda “Uşaqlar üçün ədliyyə” layihəsinin yekun qiymətləndirilməsi üzrə hesabatın təqdimatı olub

14 Dekabr 2017, 17:23 (GMT +4)
OPEC neft hasilatının azaldılmasına dair sazişə 115 faiz əməl edib

14 Dekabr 2017, 17:15 (GMT +4)
AZƏRTAC təqdim edir: Media və zamanın çağırışları

14 Dekabr 2017, 17:06 (GMT +4)
Mehriban Əliyeva Böyük Britaniya nümayəndə heyəti ilə görüşüb

14 Dekabr 2017, 16:54 (GMT +4)
Putin: Rusiya növbəti ildə ordusunun inkişafına xüsusi diqqət ayıracaq

14 Dekabr 2017, 16:42 (GMT +4)
GUAM PA-nın 10-cu iclası Tbilisidə keçiriləcək

14 Dekabr 2017, 16:33 (GMT +4)
TRT-nin Azərbaycan nümayəndəliyinin rəhbəri Mətbuat Şurasında olub 

14 Dekabr 2017, 16:21 (GMT +4)
Saakaşvilinin etdikləri gürcü və ukrayna xalqının üzünə tüpürməkdir -Putin

14 Dekabr 2017, 16:15 (GMT +4)
Bakıda içərisində 100 min manat olan seyf oğurlanıb

14 Dekabr 2017, 16:07 (GMT +4)
Gənclər Təşkilatlarının II Milli Konqresi keçiriləcək

14 Dekabr 2017, 15:52 (GMT +4)
Mədəniyyət və Turizm Nazirliyi ilə BP şirkəti arasında memorandum imzalanıb

14 Dekabr 2017, 15:43 (GMT +4)
Azərbaycan əhalisi 10 milyona yaxınlaşır

14 Dekabr 2017, 15:35 (GMT +4)
Cari ildə respublika ərazisində 12 min 371 yanğın hadisəsi qeydə alınıb

14 Dekabr 2017, 15:23 (GMT +4)
Rusiya və Səudiyyə Ərəbistanı atom enerjisi sahəsində əməkdaşlıqla bağlı yol xəritəsi imzalayıblar 

14 Dekabr 2017, 15:14 (GMT +4)
Dövlət qulluğuna qəbulla bağlı test imtahanı keçiriləcək

14 Dekabr 2017, 15:11 (GMT +4)
Böyük Britaniya Azərbaycan iqtisadiyyatına 27 mlrd. dollardan çox investisiya yatırıb

14 Dekabr 2017, 15:03 (GMT +4)
BMT ABŞ-a İranla bağlı çağırış edib

14 Dekabr 2017, 14:51 (GMT +4)
Putin: Ölkənin müasir, siyasi sistemi çevik olmalıdır

14 Dekabr 2017, 14:42 (GMT +4)
Azercell ölkədə ilk VoLTE texnologiyalı zəngi reallaşdırıb

14 Dekabr 2017, 14:34 (GMT +4)
Astara(İran)-Astara(Azərbaycan) dəmir yolu xəttinin istismara veriləcəyi tarix açıqlanıb

14 Dekabr 2017, 14:22 (GMT +4)
Rusiyanın ABŞ-dakı seçki prosesinə müdaxiləsi uydurmadır – Putin

14 Dekabr 2017, 14:21 (GMT +4)
Güləş üzrə Azərbaycan çempionatı yeni qaydalarla keçiriləcək

14 Dekabr 2017, 14:10 (GMT +4)
Şabranda dini maarifçilik mövzusunda konfrans keçirilib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66