Mobil versiya RU AZ
_

AZƏRBAYCAN » İQTİSADİYYAT

Aydın Əliyev BP şirkətinin regional prezidentini qəbul edib

25 Sentyabr 2017, 15:30 (GMT +4)

Bakı, 25 sentyabr,  SalamNews. Bu gün Dövlət Gömrük Komitəsinin sədri, gömrük xidməti general-polkovniki Aydın Əliyev BP şirkətinin Azərbaycan, Gürcüstan və Türkiyə üzrə regional prezidenti Qəri Counzun rəhbərlik etdiyi nümayəndə heyəti ilə görüşüb.

Qonaqları səmimiyyətlə salamlayan Dövlət Gömrük Komitəsinin sədri Aydın Əliyev 1994-cü ilin sentyabr ayında ümummilli lider Heydər Əliyevin uzaqgörən siyasəti nəticəsində Bakıda dünyanın ən iri neft şirkətləri ilə imzalanmış "Əsrin müqaviləsi"nin müstəqil Azərbaycanın ictimai-siyasi, iqtisadi həyatında çox mühüm tarixi anlardan biri olduğunu diqqətə çatdırıb.

Sentyabrın 14-də isə Bakıda, Heydər Əliyev Mərkəzində Xəzər dənizinin Azərbaycan sektorunda "Azəri", "Çıraq" yataqlarının və "Günəşli" yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında düzəliş edilmiş və yenidən tərtib olunmuş Sazişin imzalanmasını da məmnunluqla xatırlayan DGK sədri bu əlamətdar hadisəni 2050-ci ilə qədər uzadılan "Azəri-Çıraq-Günəşli" nəhəng neft yatağının işlənilməsində yeni dövr kimi xarakterizə edib. Xəzər dənizi hövzəsində hasil edilən neftin əlverişli geostrateji mövqeyə malik ölkəmizin ərazisi vasitəsilə dünya bazarına çıxarılmasının respublikamızın inkişafı baxımından həm iqtisadi, həm də strateji əhəmiyyət daşıdığını qeyd edən A.Əliyev ümumiyyətlə, respublikamızda neft sektorunun inkişafı naminə BP şirkətinin gördüyü işlərdən məmnunluqla söhbət açıb.

Azərbaycanda fəaliyyət göstərən ən iri neft şirkəti kimi BP ilə gömrük orqanları arasında mövcud əlaqələrdən bəhs edən Komitə sədri, bu istiqamətdə gömrük orqanlarının üzərinə düşən vəzifələri layiqincə yerinə yetirdiyini, gömrük nəzarətinin və gömrük rəsmiləşdirilməsinin daha operativ surətdə aparılmasını təmin etmək üçün ardıcıl tədbirlərin həyata keçirildiyini bildirib.
Azərbaycan Gömrüyünün keçdiyi inkişaf yoluna da qısaca nəzər salan A. Əliyev gömrük orqanlarının peşəkar kadrların hazırlanması, gömrük işi sahəsində informasiya texnologiyalarının tətbiqi, beynəlxalq əlaqələrin və əməkdaşlığın gücləndirilməsi və digər sahələrdə əldə etdiyi mühüm nailiyyətlərdən də bəhs edib.

Gömrük işinin səmərəli təşkili məqsədilə son illərdə Prezident İlham Əliyev tərəfindən həyata keçirilən mütərəqqi islahatlardan bəhs edən Aydın Əliyev, ölkə başçısının təşəbbüsü ilə tətbiq olunan yeniliklər hesabına gömrük işinin bütün sahələrində mühüm nailiyyətlər əldə olunduğunu, sahibkarlar üçün daha əlverişli biznes mühitinin yaradıldığını və xarici ticarət əməliyyatlarının daha da stimullaşdırıldığını bildirib və qeyd edib ki, Dövlət Gömrük Komitəsinin fəaliyyətində biznes-gömrük əməkdaşlığına xüsusi önəm verilir, bu məqsədlə vaxtaşırı olaraq işgüzar dairələrin nümayəndələri ilə görüşlər keçirilir, ölkədə baş verən iqtisadi proseslər, idxal-ixrac əməliyyatlarının vəziyyəti barədə həm sahibkarlar məlumatlandırılır, həm də onların fikirləri öyrənilir və təklifləri dəyərləndirilir.

Komitə sədri xüsusilə gömrük işini öyrənən gənclərin yüksək ixtisas alması, bilik və təcrübəsini artırması işinə diqqət yetirildiyini də söyləyib. Bu ilin iyulunda Azərbaycan Respublikasının Qusar şəhərində "Gömrük idarəçiliyində aktual məsələlər və çağırışlar" mövzusunda II Beynəlxalq Tələbə Konfransının da kadr potensialının artırılması işində irəliyə doğru növbəti mühüm addım olduğunu vurğulayan Aydın Əliyev bu konfransa göstərdiyi dəstəyə görə BP şirkətinin rəhbərliyinə minnətdarlığını bildirib. DGK sədri bu istiqamətdə BP şirkəti ilə əməkdaşlığın davam etdiriləcəyinə əmin olduğunu da ifadə edib.

Səmimi qəbula görə Dövlət Gömrük Komitəsi sədri Aydın Əliyevə təşəkkür edən BP şirkətinin Azərbaycan, Gürcüstan və Türkiyə üzrə regional prezidenti Qəri Counz Azərbaycanda fəaliyyət göstərməsindən məmnunluğunu ifadə edib. "Əsrin müqaviləsi"ndən sonra ilkin neftin əldə olunması, bu istiqamətdə layihələrin uğurla həyata keçirilməsi yolunda BP şirkəti tərəfindən çox mühüm işlər görüldüyünü xatırladan qonaq ötən illər ərzində Dövlət Gömrük Komitəsi ilə birbaşa qurulan müsbət əlaqələrdən də bəhs edib, qarşılıqlı əməkdaşlığı yüksək qiymətləndirib.

Şirkətin həyata keçirdiyi irimiqyaslı layihələrin icrasında gömrük orqanlarının müstəsna rolundan danışan Qəri Counz gömrük sistemi ilə əməkdaşlığın yüksək səviyyədə olduğunu, uzun illərdən bəri mövcud olan bu işgüzar əlaqələrin 2050-ci ilə qədər uzadılan "Azəri-Çıraq-Günəşli" nəhəng neft yatağının işlənilməsi dövründə daha da genişlənəcəyinə əminliyini ifadə edib. İxtisaslı kadrların yetişdirilməsi məsələsinə də toxunana şirkət təmsilçisi, son dövrlərdə Azərbaycanda BP şirkətinin həyata keçirdiyi lahiyələrin icrasında iştirak edən yerli mütəxəssislərin sayının sürətlə artdığını, bunun da ölkənin peşəkar kadr potensialının güclənməsindən xəbər verdiyini diqqətə çatdırıb.

Görüşdə, həmçinin hər iki qurum arasında əlaqələrin səmərəliliyinin artırılması məqsədilə gələcəkdə keçiriləcək, xüsusilə gömrük sahəsində təhsil alan tələbələrin iştirak etdiyi tədbir və proqramlarda qarşılıqlı əməkdaşlığın gələcək perspektivləri müzakirə edilib.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Aydın Əliyev Gömrük Komitəsinin sədri vəzifəsindən azad edilib

DGK sədri Aydın Əliyev “AmCham”ın üzvləri ilə görüşüb 

Ötən il gömrükdə 9 minə yaxın qanun pozuntusu qeydə alınıb - Aydın Əliyev

Aydın Əliyev :"Büdcəyə 2 milyard 130 milyon manat həcmində vəsait daxil olub" 

Aksiz dərəcələrinin böyük miqdarda artırılmasından söhbət getmir-Aydın Əliyev

DGK sədri Aydın Əliyev Göyçayda vətəndaşların müraciətlərini dinləyəcək

"Yaşıl Dəhliz" sisteminin tətbiqi sadə məsələ deyil - Aydın Əliyev

Aİ-nin maliyyə dəstəyi ilə tikiləcək Logistika Mərkəzi ilə bağlı iş aparılır - Aydın Əliyev

Aydın Əliyev “Şöhrət” ordeni ilə təltif edilib

Aydın Əliyev: Bu ilin dörd ayı üçün yerinə yetirdiyimiz proqnoz tapşırığı 750 milyon manatı keçib

Aydın Əliyev: İlin birinci rübündə Azərbaycandan meyvə-tərəvəz ixracının həcmi artıb

DGK spesifik rüsumların tətbiqinə başlayıb - Aydın Əliyev

Aydın Əliyev: Azərbaycan adı ilə hər hansı ölkənin məhsullarının Rusiyaya ixrac olunmasına şərait yaratmayacağıq

Azərbaycan hökuməti Avropa İttifaqı və BMT-nin İnkişaf Proqramı ilə sıx əməkdaşlıq edir - Aydın Əliyev

Aydın Əliyevə general-polkovnik ali xüsusi rütbəsi verilib

Aydın Əliyev: Dağlıq Qarabağda bizim mədəni və dini abidələrimiz dağıdılır

Aydın Əliyev: Peşəkar kadrların hazırlanması bizim üçün ən vacib məsələdir

DGK ixracın tənzimlənməsilə bağlı hökumətə təklif irəli sürüb - Aydın Əliyev

Gömrük orqanlarında kadr çatışmazlığı problemi var - Aydın Əliyev

DGK sədri Aydın Əliyev Lənkəranda vətəndaşları qəbul edəcək

22 Oktyabr 2018, 18:02 (GMT +4)
Dünya Ticarət Mərkəzləri Assosiasiyası və Azexport arasında  memorandum imzalanıb

22 Oktyabr 2018, 17:53 (GMT +4)
Zakir Qaralov Ağdaşda vətəndaşlar üçün qəbul keçirəcək

22 Oktyabr 2018, 17:46 (GMT +4)
Mənəvi Dəyərlərin Təbliği Fondu müsabiqə elan edir

22 Oktyabr 2018, 17:38 (GMT +4)
Azərbaycan Rumıniyaya 100 ton soğan ixrac edəcək

22 Oktyabr 2018, 17:35 (GMT +4)
Tsaritsino tarix muzeyində Azərbaycan mədəniyyəti təmsil olunub

22 Oktyabr 2018, 17:28 (GMT +4)
Azərbaycan fransalı merin adını arzu olunmayan şəxslər siyahısına daxil edəcək

22 Oktyabr 2018, 17:19 (GMT +4)
Tanınmış yazar Türkiyədə keçirilən kitab festivalında iştirak edib

22 Oktyabr 2018, 17:11 (GMT +4)
“Ailə institutunun inkişafı ilə bağlı təşəbbüslər” mövzsunda seminar keçirilib

22 Oktyabr 2018, 17:02 (GMT +4)
Azərbaycan ordusunun Hava Hücumundan Müdafiə bölmələrinin təlimləri davam edir (VİDEO)

22 Oktyabr 2018, 16:57 (GMT +4)
Gəmiçilik 4 yeni tanker sifariş edəcək

22 Oktyabr 2018, 16:43 (GMT +4)
Sepah oğurlanan sərhədçilərə görə generallarından birini Pakistana göndərib

22 Oktyabr 2018, 16:41 (GMT +4)
Azərbaycanda sığorta şirkətlərinin reytinqi açıqlanıb

22 Oktyabr 2018, 16:30 (GMT +4)
"Mübarızə" bədii filmin qala-gecəsi keçiriləcək (VİDEO)

22 Oktyabr 2018, 16:22 (GMT +4)
AMEA və "Caspian European Club" təşkilatı birgə biznes forum keçirəcək

22 Oktyabr 2018, 16:16 (GMT +4)
“UNEC-də bir gün” layihəsinə yenidən start verilir

22 Oktyabr 2018, 15:57 (GMT +4)
"Nar" Tərtərdə 4G şəbəkəsini qurub

22 Oktyabr 2018, 15:41 (GMT +4)
Almaniyalı nazir Avropa dövlətlərini Səudiyyəyə silah satmamağa çağırıb

22 Oktyabr 2018, 15:36 (GMT +4)
Kaşıkçı cinayəti ilə bağlı diplomatik missiyanın əməkdaşları dindirilir

22 Oktyabr 2018, 15:20 (GMT +4)
Gün ərzində 99 cinayət faktı qeydə alınıb

22 Oktyabr 2018, 15:12 (GMT +4)
"Qarabağ" - "Vorskla" oyununun təyinatları açıqlanıb

22 Oktyabr 2018, 15:03 (GMT +4)
“DOST” mərkəzləri işəgötürən və işçilərə metodiki köməklik göstərəcək

22 Oktyabr 2018, 14:53 (GMT +4)
Prezident İlham Əliyev İmişlidə “ASAN Həyat” kompleksinin açılışında iştirak edib

22 Oktyabr 2018, 14:49 (GMT +4)
Kaşıkçının paltarını geyinib konsulluqdan çıxan Səudiyyə kəşfiyyatçısının görüntüləri yayımlanıb (FOTO)

22 Oktyabr 2018, 14:45 (GMT +4)
Səyyar “ASAN xidmət” davam edir

22 Oktyabr 2018, 14:37 (GMT +4)
Səudiyyəli nazir İrana qarşı sanksiyaların neftin qiymətinə təsirindən danışıb

22 Oktyabr 2018, 14:18 (GMT +4)
Sabaha olan hava proqnozu açıqlanıb

22 Oktyabr 2018, 14:06 (GMT +4)
Azərbaycanda avtomobillərin ön şüşəsinə texniki baxış talonunun vurulması ləğv edilib

22 Oktyabr 2018, 13:45 (GMT +4)
Sığorta şirkəti rekord ödəniş həyatə keçirib

22 Oktyabr 2018, 13:36 (GMT +4)
Paytaxt məktəbliləri daha bir uğura imza atıblar

22 Oktyabr 2018, 13:22 (GMT +4)
Doqquz ayda rabitə xidmətlərinin dəyəri 7,7 faiz artıb

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66