Mobil versiya RU AZ
_

AZƏRBAYCAN » ELM VƏ TEXNOLOGİYA

AMEA-da elmi jurnalistikanın inkişafı müzakirə edilib

30 Noyabr 2017, 16:35 (GMT +4)

Bakı, 30 noyabr, SalamNews. Bu gün Azərbaycan Milli Elmlər Akademiyasının (AMEA) institut və təşkilatlarında fəaliyyət göstərən ictimaiyyətlə əlaqələr şöbələri rəhbərlərinin iştirakı ilə müşavirə keçirilib. AMEA-nın Əsas binasının kiçik akt zalında keçirilən tədbir AMEA Rəyasət Heyəti aparatı İctimaiyyətlə əlaqələr və elmin populyarlaşdırılması idarəsi tərəfindən təşkil olunub.

AMEA-dan SalamNews-a verilən məlumata görə, məqsəd elmi jurnalistikanın inkişafı, bu sahədə peşəkar qələm sahiblərinin yetişdirilməsi, elmi-populyar üslubda məqalələrin hazırlanması, elmin KİV-də təbliği sahəsində mövcud problemləri, onların həlli yollarını müzakirə etmək idi.

Tədbirdə çıxış edən İctimaiyyətlə əlaqələr və elmin populyarlaşdırılması idarəsinin rəisi Zülfüqar Fərzəliyev ötən il AMEA Rəyasət Heyətinin qərarı ilə akademiyanın hər bir institut və təşkilatında ictimaiyyətlə əlaqələr şöbəsinin yaradılmasının elmi jurnalistikanın inkişafı istiqamətində atılmış mühüm addımlardan olduğunu bildirib. Z.Fərzəliyev bu qərarın akademiyada müxtəlif elm sahələri üzrə jurnalistlərin hazırlanması, ixtisaslaşması baxımından əhəmiyyətini qeyd edib: “Azərbaycan elminin təbliğində onlar da populyarizator-alimlərlə birgə mühüm rol oynayırlar”.

İdarə rəisi AMEA-nın “Elm” qəzeti, www.elm.gov.az veb-portalı və Elm TV İnternet-televiziyasının fəaliyyətinə də toxunub. Elmi biliklərin, alimlərin elmi tədqiqatlarının geniş təbliğində bu mətbu orqan və e-medianın vacib rol oynadığını bildirərək, elmi müəssisə və təşkilatları digər kütləvi informasiya vasitələri ilə də daha sıx əlaqələrin qurulması və Azərbaycan elminin yüksək səviyyədə təbliği üçün bütün qüvvələrini səfərbər etməyə çağırıb.

İctimaiyyətlə əlaqələr və elmin populyarlaşdırılması idarəsinin rəis müavini Ülviyyə Rzayeva elmin, əldə olunan nailiyyətlərin təbliğində vacib şərtlərdən olan məqalələrin elmi-populyar üslubda hazırlanması sahəsindəki mövcud problemlərdən söz açıb. Ü.Rzayeva bildirib ki, məqaləni elmi-populyar üslubda hazırlamadan onun populyarlaşdırılmasına, geniş oxucu auditoriyası toplamasına nail olmaq mümkün deyil. O, elmi-populyar məqalələrin həm keyfiyyət, həm də kəmiyyət göstəricilərinin istənilən səviyyədə olmadığını da qeyd edib: “İnstitutlarda aparılan tədqiqatlardan, əldə olunan uğurlu nəticələrdən ilk olaraq ictimaiyyətlə əlaqələr şöbələrində çalışan elmi jurnalistlər məlumatlı olur. Bu materialları operativ olaraq hazırlamaq və KİV-də təbliğ etmək başlıca vəzifələrdəndir. Elmi fəaliyyətin, nailiyyətlərin vüsət alması üçün daha yüksək fəallıq nümayiş etdirmək lazımdır”.

Bu sahədə peşəkar kadr hazırlığı məsələlərinə də toxunan Ü.Rzayeva bu gün həm də yeni nəsil elmi jurnalistlərin yetişməkdə olduğunu vurğulayaraq problemin həllində bu amilin də nəzərə alınmasının vacibliyini bildirib: “Onlara dəstək olmaq, təcrübə ilə bölüşmək lazımdır. Hər institutda elmin populyarlaşdırılması sahəsində təcrübəsi olan alimlərimiz vardır, bu işdə onların da praktikasından yararlanmaq lazımdır”.

Rəis müavini elmi-populyar üslubda hazırlanan bütün materialların vahid informasiya resursunda toplanmasının məqsədəuyğunluğunu da ifadə edərək onlayn olaraq Elmi Jurnalistlər Klubunun -www.ejk.az adlı veb-saytın yaradılması təklifi ilə çıxış edib. Saytda yalnız AMEA üzrə deyil, həm də respublika üzrə elmi-populyar üslubda yazıb-yaradan müxbirlərin materiallarının yerləşdirilməsinin elmi jurnalistikanın inkişafı sahəsində görülən işlərin monitorinqinin aparılması, mövcud vəziyyətin qiymətləndirilməsi baxımından əhəmiyyətini qeyd edib. Ü.Rzayeva həmçinin populyarizator-alimlərlə görüşlərin, təlim və müsabiqələrin təşkili, bir sözlə, elmi-populyar jurnalistikanın inkişaf etdirilməsinə xidmət edən tədbirlərin həyata keçirilməsinin idarənin qarşısında duran vəzifələrdən olduğunu bildirib.

Tədbirdə çıxış edən AMEA Rəyasət Heyəti aparatının İctimaiyyətlə əlaqələr və elmin populyarlaşdırılması idarəsinin İctimaiyyətlə əlaqələr şöbəsinin rəisi Səbuhi Qəhrəmanov respublikamızda elmi-populyar ədəbiyyatın inkişaf etdirilməsi və təbliği sahəsində mövcud problemlərə toxunub. Elmi-populyar kitab və jurnalların nəşrinin önəmliyini qeyd edən S.Qəhrəmanov Azərbaycanda elmi-populyar ədəbiyyatı inkişaf etdirə biləcək yazar, naşir və jurnalistlərin sayca azlıq təşkil etdiyini bildirib. Şöbə rəisi problemlərin aradan qaldırılması üçün müvafiqkursların, təlimlərin təşkilinin vacibliyini vurğulayıb. O, həmçinin ən yaxşı elmi-populyar məqalələrdən ibarət toplunun nəşri, “Elm və uşaq” elmi-populyar jurnalının təsisi kimi təkliflər də irəli sürüb.

Müşavirədə AMEA İqtisadiyyat İnstitutunun İctimaiyyətlə əlaqələr şöbəsinin müdiri, iqtisadiyyat üzrə fəlsəfə doktoru Mahir Zeynalov, İnformasiya Texnologiyaları İnstitutunun İctimaiyyətlə əlaqələr şöbəsinin rəhbəri Rasim Mahmudov, Geologiya və Geofizika İnstitutunun İctimaiyyətlə əlaqələr şöbəsinin müdiri Səid Hüseynov, Tarix İnstitutunun İctimaiyyətlə əlaqələr şöbəsinin müdiri Nazim Xəlilov, Folklor İnstitutunda ictimaiyyətlə əlaqələrə məsul şəxs Elçin İmaməliyev, Elm Tarixi İnstitutunda ictimaiyyətlə əlaqələrə məsul şəxs Cavidan Qasımlı və digərləri çıxış edərək görülən işlər haqqında məlumat veriblər.

Sonra elmin KİV-də təbliği, akademiya institutlarının veb-saytlarının informasiya təminatı və digər məsələlərlə bağlı geniş fikir mübadiləsi aparılıb, təkliflər səsləndirilib. AMEA-nın elm.gov.az portalında hər bir institut və təşkilatın veb-səhifəsinin informasiya təminatı üzrə müvafiq tapşırıqlar verilib. Hər ilin birinci rübündə ictimaiyyətlə əlaqələr şöbələrinin rəhbərləri tərəfindən illik hesabatların verilməsi qərara alınıb.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

AMEA-nın prezidenti Bolqarıstanlı həmkarı ilə görüşüb

AMEA-nın bir qrup əməkdaşı mükafatlandırılacaq

AMEA əməkdaşları üçün tikilən binada işlər davam etdirilir

AMEA Mərkəzi Elmi Kitabxanası SalamNews-u təltif edib

AMEA Rəyasət Heyətinin növbəti iclası keçirilib

AMEA-nın professorlarının koordinasiya şurası yaradılıb

Akademik Nərgiz Paşayeva AMEA-nın vitse-prezidenti seçilib

Akif Əlizadə yenidən AMEA prezidenti seçilib

AMEA Rəyasət Heyətinin 2017-ci il üzrə fəaliyyətinə dair hesabat təsdiq edilib

AMEA "Web of Science” bazasından geniş istifadə edir

Akif Əlizadə: "AMEA-da elm və təhsil vahid sosial institut kimi formalaşır"

AMEA-nın magistraturalarına ixtisaslaşma seçimi başlayıb

AMEA ilə Monqolustan Elmlər Akademiyası arasında saziş imzalanıb

AMEA Rəyasət Heyəti üzvlüyünə seçkilər keçiriləcək

AMEA-da Pekin Xarici Dillər Universiteti ilə memorandum imzalanıb

"Elm günü”nün təsis edilməsi AMEA qarşısında ciddi vəzifələr qoyur: Nərgiz Qəhrəmanova

AMEA-nın adlı mükafatlarına layiq görülmüş alimlərin adları açıqlanıb

AMEA-nın Yüksək Texnologiyalar Parkı Çinin “Hua Pei” şirkəti ilə əməkdaşlıq edəcək

AMEA-nın bir neçə institutunda struktur və kadr dəyişiklikləri olub

AMEA Türk Dünyası Elmlər Akademiyaları Birliyinə sədrlik edəcək

25 Sentyabr 2018, 17:58 (GMT +4)
Tanınmış veteran jurnalist Oqtay Cəfərovun 85 illik yubileyi qeyd edilib

25 Sentyabr 2018, 17:52 (GMT +4)
"Qaçqınkom"un sədri məcburi köçkünləri qəbul edib

25 Sentyabr 2018, 17:50 (GMT +4)
Azərbaycanla Pakistan arasında hərbi əməkdaşlıq və regionda təhlükəsizlik məsələləri müzakirə olunub

25 Sentyabr 2018, 17:47 (GMT +4)
“Saudi Aramco” neft ticarətini 50 faiz artırmağı hədəfləyir

25 Sentyabr 2018, 17:43 (GMT +4)
British Council Azərbaycanda yeni proqrama start verir

25 Sentyabr 2018, 17:37 (GMT +4)
Səfər Mehdiyev İsveçrə Konfederasiyasının səfiri ilə görüşüb

25 Sentyabr 2018, 17:27 (GMT +4)
İlham Məmmədzadə  TOP 10 PR mütəxəssisləri siyahısına daxil edilib

25 Sentyabr 2018, 17:21 (GMT +4)
Azercell-in dəstəyilə şagird, valideyn və müəllimlər üçün təlimlər təşkil olunacaq (FOTO)

25 Sentyabr 2018, 17:18 (GMT +4)
Sahib olduğumuz ən qiymətli və mühüm dəyər məhsulların keyfiyyəti və istehlakçıların etibarıdır - Azərsun Holdinq

25 Sentyabr 2018, 17:10 (GMT +4)
Bakıda 7 müntəzəm marşrut xətti müsabiqəyə çıxarılıb

25 Sentyabr 2018, 17:03 (GMT +4)
Azərbaycan ilə İran arasında hərbi əməkdaşlıq müzakirə edilib

25 Sentyabr 2018, 17:01 (GMT +4)
Dünya Ürək Günü ilə əlaqədar xeyriyyə aksiyası keçirilib

25 Sentyabr 2018, 16:53 (GMT +4)
Yaponiyanın ən tanınmış avanqard teatrı “YARAT”da tamaşa təqdim edəcək

25 Sentyabr 2018, 16:41 (GMT +4)
Monqolustan Prezidenti ARDNF-in təcrübəsini yüksək qiymətləndirib

25 Sentyabr 2018, 16:40 (GMT +4)
“Türk Hava Yolları” Azərbaycanda yeni kampaniya keçirir

25 Sentyabr 2018, 16:35 (GMT +4)
Sülhlə olsun ya da döyüşlə İdlibə girəcəyik – Suriya rəsmisi

25 Sentyabr 2018, 16:33 (GMT +4)
Cənubi Koreya əhalisinin 87 faizi Kim Çen Inın Seula mümkün səfərini alqışlayır

25 Sentyabr 2018, 16:30 (GMT +4)
Romada Azərbaycan Xalq Cümhuriyyətinin 100 illiyinə həsr olunmuş konfrans keçirilib

25 Sentyabr 2018, 16:29 (GMT +4)
Azərbaycanlı qız Facebook-un ən yaxşı 100 iştirakçısı arasına seçilib

25 Sentyabr 2018, 16:27 (GMT +4)
Azərbaycan ilə Türkiyə arasında hərbi əməkdaşlığın inkişaf perspektivləri müzakirə olunub

25 Sentyabr 2018, 16:23 (GMT +4)
Yasamalda avtomobildən 6 min manat oğurlayan şəxs saxlanılıb

25 Sentyabr 2018, 16:14 (GMT +4)
AZAL yeni tipli təyyarələr üçün trenajorlar alacaq

25 Sentyabr 2018, 16:03 (GMT +4)
Qida Təhlükəsizliyi Agentliyi: Yayılan səs yazısında yer alan məlumatlar reallığı əks etdirmir və əsassızdır

25 Sentyabr 2018, 15:43 (GMT +4)
Biləsuvarda qanunsuz ov edən şəxslər cərimələnib

25 Sentyabr 2018, 15:31 (GMT +4)
Azərbaycanın dövlət saytlarına giriş məhdudlaşıb

25 Sentyabr 2018, 15:30 (GMT +4)
Mədəniyyət naziri Qusarda vətəndaşlarla görüşüb

25 Sentyabr 2018, 15:21 (GMT +4)
“Loqos” Psixoloji maarifləndirilmə sahəsində daha yeni bir fəaliyyətə imza atıb (FOTO)

25 Sentyabr 2018, 15:20 (GMT +4)
Bakı Şəhər Halqası Akademiyası gəncləri karyera yarmarkasına dəvət edir

25 Sentyabr 2018, 15:19 (GMT +4)
İsrailə cavab olaraq – Rusiyanın elektron müharibə sistemləri Suriyaya gətirilib (FOTO)

25 Sentyabr 2018, 15:12 (GMT +4)
Azərbaycanın Birinci vitse-prezidenti İtaliya Senatının sədri ilə görüşüb

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66