Mobil versiya RU AZ
_

AZƏRBAYCAN » ELM VƏ TEXNOLOGİYA

Akademik Akif Hacıyevin yubileyinə həsr olunan konfransa yekun vurulub

08 Dekabr 2017, 17:42 (GMT +4)

Bakı, 8 dekabr, SalamNews. Dekabrın 8-də Azərbaycan Milli Elmlər Akademiyasında görkəmli riyaziyyatçı alim, Əməkdar elm xadimi, akademik Akif Hacıyevin 80 illik yubileyinə həsr olunan "Riyaziyyat və mexanikanın müasir problemləri" mövzusunda beynəlxalq konfransa yekun vurulub.

SalamNews xəbər verir ki, Mərkəzi Elmi Kitabxanada təşkil edilən tədbiri giriş sözü ilə açan AMEA-nın prezienti, akademik Akif Əlizadə bildirib ki, görkəmli alim Akif Hacıyev Azərbaycanda riyaziyyat və mexanika elmlərinin inkişafında, yüksəkixtisaslı riyaziyyatçı alimlərin hazırlanmasında mühüm xidmətləri olan, özündən sonra dərin iz qoyan şəxsiyyətlərdən biridir.

A.Əlizadə alimin 2001-ci ildə Fizika-Riyaziyyat və Texnika Elmləri Bölməsinin akademik-katibi, 2013-cü ildə isə AMEA-nın vitse-prezidenti təyin olunduğunu, ömrünün sonunadək bu vəzifələri uğurla icra etdiyini, fizika və riyaziyyat sahəsində bir sıra mühüm nailiyyətlərə imza atdığını söyləyib.

A.Hacıyevin elm təşkilatçısı kimi əvəzsiz xidmətləri, riyaziyyat elminin inkişaf etdirilməsi və təbliği sahəsində çoxşaxəli, gərgin və məhsuldar əməyinin dövlət tərəfindən yüksək qiymətləndirildiyini deyən akademik Akif Əlizadə qeyd edib ki, alim Azərbaycan Respublikasının Prezidenti İlham Əliyevin Sərəncamları ilə "Şöhrət" ordeni ilə təltif edilib, "Əməkdar elm xadimi" fəxri adına layiq görülüb. Akif Hacıyevlə bağlı xatirələrini bölüşən Akademiya rəhbəri onun elmimizdə özünəməxsus yeri olan əvəzedilməz alim olduğunu və xatirəsinin hər zaman yaddaşlarda yaşayacağını bildirib.

AMEA-nın Fizika-Riyaziyyat və Texnika Elmləri Bölməsinin akademik-katibi, akademik Nazim Məmmədov mərhum Akif Hacıyevin həyat və yaradıcılığından danışıb. Bildirib ki, Akif Hacıyev ali məktəbi bitirdikdən sonra Azərbaycan Elmlər Akademiyasının Riyaziyyat və Mexanika İnstitutunun Funksiyalar nəzəriyyəsi şöbəsində elmi fəaliyyəti başlayıb: "Akif Hacıyev 1961-ci ildə funksiyalar nəzəriyyəsi sahəsində elmi-tədqiqat işlərini davam etdirməklə, Riyaziyyat və Mexanika İnstitutunun elmi katibi vəzifəsinə təyin olunub və altı il bu vəzifədə çalışıb. 1962-ci ildən başlayaraq funksiyaların yaxınlaşması nəzəriyyəsinə aid bir sıra məqaləsi çap olunub. O, 1964-cü ildə aspiranturada oxumadan Azərbaycan Dövlət Universitetinin Mexanika-riyaziyyat fakültəsinin müdafiə şurasında "Bəzi operatorlar ailələrinin yaxınlaşma xüsusiyyətləri" mövzusunda namizədlik dissertasiyasını müdafiə edib".

N.Məmmədov vurğulayıb ki, 1964-1974-cü illərdə A.Hacıyev xətti müsbət operatorlarla yaxınlaşma nəzəriyyəsi üzrə tədqiqatlarında bir sıra mühüm nəticələrə imza atıb. O, 1970-ci ildə İ.İ.İbrahimovla birlikdə sonlu parçada kəsilməz funksiyalara yaxınlaşan xətti müsbət operatorlar ardıcıllığının qurulmasına aid ümumi bir üsul təklif edib. Məşhur amerikan riyaziyyatçısı B.Wood bu operatorlara Gadzhiev-İbragimov operatorları adı verib və bu adla da onlar riyazi ədəbiyyata daxil olunub.

Natiq qeyd edib ki, A.Hacıyev 100-dən çox elmi əsərin, o cümlədən 4 monoqrafiyanın müəllifidir. Onun rəhbərliyi ilə 27 namizədlik və 1 doktorluq dissertasiyası müdafiə edilib. N.Məmmədov mərhum akademikin Azərbaycan Riyaziyyat Cəmiyyətinin fəaliyyətinin bərpa edilməsi və bu Cəmiyyətin nəzdində Azərbaycan Riyaziyyat Jurnalının təsis edilməsi üçün gördüyü təşkilati işləri də xüsusi qeyd edib.

Sonra çıxış edən İdarəetmə Sistemləri İnstitutunun direktoru, akademik Telman Əliyev, akademik Yusif Məmmədov, AMEA-nın müxbir üzvü Bilal Bilalov, Riyaziyyat və Mexanika İnstitutunun elmi işlər üzrə direktor müavini, AMEA-nın müxbir üzvü Vaqif Quliyev, Bakı Dövlət Universitetinin Mexanika-riyaziyyat fakültəsinin dekanı, fizika-riyaziyyat üzrə elmlər doktoru, professor Nizaməddin İsgəndərov, Milli Aviasiya Akademiyasının Hüquqşünaslıq kafedrasının müdiri, hüquq üzrə elmlər doktoru, professor İbrahim Quliyev akademik Akif Hacıyevin elmi-pedaqoji fəaliyyətindən danışıblar, alimlə bağlı xatirələrini bölüşüblər.

Tədbirdə çıxış edən Riyaziyyat və Mexanika İnstitutunun direktoru, AMEA-nın müxbir üzvü Misir Mərdanov alimin elmi fəaliyyətindən danışıb. Qeyd edib ki, Akif Hacıyev XX əsrin 70-ci illərində yaxınlaşmalar nəzəriyyəsi sahəsindəki tədqiqatlarını davam etdirərək, sonlu parçada kəsilməz funksiyalara yaxınlaşan xətti müsbət operatorlar ardıcıllığının öyrənilməsində mühüm elmi nəticələr alıb. Natiq vurğulayıb ki, qeyri-məhdud çoxluqlarda təyin olunmuş kəsilməz funksiyalar sinfində Korovkin tipli teoremləri isbatlayan görkəmli alim vahid dairədə analitik olan funksiyalar fəzasında təyin olunmuş xətti operatorların tədqiqi və həmin operatorların approksimativ xassələrinin araşdırılması istiqamətində böyük uğurlar qazanıb.

Natiq bildirib ki, AMEA Rəyasət Heyətinin müvafiq qərarı ilə dekabın 6-da akademik Akif Hacıyevin 80 illik yubileyinə həsr olunan beynəlxalq konfrans öz işinə başlayıb. Konfransda Türkiyə, Rusiya və İrandan olan alimlərin iştirak etdiyini diqqətə çatdıran M.Mərdanov vurğulayıb ki, bölmə iclaslarında 250-dən çox elmi məruzə dinlənilib. İnstitut direktoru qeyd edib ki, Türkiyədən gələn qonaqlar arasında Akif Hacıyevin tələbələri olmuş alimlər də var. O, iki gün davam edən beynəlxalq konfransda iştirak edən hər kəsə təşəkkürünü bildirib.

Sonda mərhum akademikin qardaşı Aqil Hacıyev çıxış edərək alimlə bağlı xatirələrini bölüşüb. O, konfransın təşkilinə görə ailəsi adından AMEA rəhbərliyinə, həmçinin tədbirdə iştirak edənlərə təşəkkürünü bildirib.



Əlaqəli Xəbərlər

AMEA-nın Yüksək Texnologiyalar Parkı Britaniya şirkəti ilə əməkdaşlıq perspektivlərini müzakirə edib

AMEA: Palçıq vulkanlarının 21%-dən çoxunun sahəsində neft ayrılmaları var

AMEA-nın magistrantları 317 fənn üzrə imtahan verəcəklər

AMEA Rəyasət Heyətinin növbəti iclası keçirilib

AMEA-nın prezidenti Monqolustanın ölkəmizdəki səfiri ilə görüşüb

AMEA-nın “Science City” yaşayış kompleksi üçün xüsusi ödəniş qaydaları müəyyənləşib

AMEA-da Orfoqrafiya Komissiyasının iclası keçirilib

AMEA doktorantura və dissertanturaya qəbul elan edib

AMEA ilə Əlcəzair Elm və Texnologiyalar Akademiyası arasında əlaqələr genişləndirilir

AMEA elm və təhsilin inteqrasiyasını ən vacib istiqamət kimi qəbul edir

AMEA-da biznes fəaliyyəti prioritet istiqamətlərdəndir

AMEA-da bütün magistrantlar işlə təmin olunur - Akif Əlizadə

AMEA-da elmi jurnalistikanın inkişafı müzakirə edilib

Akademik Vasim Məmmədəliyevin 75 illik yubileyi AMEA-da qeyd olunacaq

AMEA tərcüməçi axtarır

LDU AMEA-nın Mikrobiologiya İnstitutu ilə əməkdaşlıq edəcək

AMEA-da yeni orfoqrafiya lüğətinin hazırlanması haqda qərar qəbul edilib

AMEA və Clarivate Analytics təşkilatı arasında əməkdaşlıq əlaqələri genişlənir

AMEA-nın bir qrup əməkdaşına mənzil verilib

AMEA-da Lütfi Zadə ilə vida mərasimi başlayıb (FOTOLAR)

18 Yanvar 2018, 15:56 (GMT +4)
DQİDK-nın dəstəyi ilə Cocuq Mərcanlıda ilk layihə tədbiri keçirilib

18 Yanvar 2018, 15:51 (GMT +4)
Bakı metrosunda işarəvermə avadanlıqları dəyişdirilir (FOTO)

18 Yanvar 2018, 15:46 (GMT +4)
Latviya, Litva və Estoniya Vestfaliya Sülh Mükafatının laureatı olublar

18 Yanvar 2018, 15:40 (GMT +4)
“Kaspersky Lab” casus proqram təminatı aşkar edib

18 Yanvar 2018, 15:33 (GMT +4)
İƏT Parlament İttifaqı Konfransının sessiyasında Ermənistanın işğalçılıq siyasəti bir daha pislənilib

18 Yanvar 2018, 15:26 (GMT +4)
Ukrayna parlamentində Donbasın reinteqrasiyası ilə bağlı qanun qəbul edilib

18 Yanvar 2018, 15:18 (GMT +4)
Dövlət İmtahan Mərkəzi işçi axtarır

18 Yanvar 2018, 15:15 (GMT +4)
Elmar Məmmədyarovla ATƏT-in Minsk qrupu həmsədrləri arasında görüş keçirilib

18 Yanvar 2018, 15:12 (GMT +4)
BDU-da 20 Yanvar şəhidlərinin anım mərasimi keçirilib

18 Yanvar 2018, 15:07 (GMT +4)
20 yanvarda qəhrəmanlıq göstərən azərbaycanlı dənizçilər haqqında film hazırlanıb

18 Yanvar 2018, 15:00 (GMT +4)
Çingiz Hüseynzadə Avropa Olimpiya Komitəsinin İcraiyyə Komitəsinin iclasında iştirak edir

18 Yanvar 2018, 14:53 (GMT +4)
Yanvar-dekabrda dəmir yolu ilə 14 milyon tondan çox yük daşınıb

18 Yanvar 2018, 14:48 (GMT +4)
Qazaxıstanda avtobusda 52 nəfərin ölməsi ilə nəticələnən yanğının səbəbi açıqlanıb

18 Yanvar 2018, 14:42 (GMT +4)
Külli miqdarda valyutanın qanunsuz yolla ölkədən çıxarılması cəhdinin qarşısı alınıb

18 Yanvar 2018, 14:37 (GMT +4)
Gənclər təşkilatı 20 Yanvar faciəsinin ildönümü ilə əlaqədar internet aksiya keçirəcək

18 Yanvar 2018, 14:30 (GMT +4)
Nalbandyan simasını itirməmək, özünün təhlükəsizliyi üçün danışıqlara gedir - rusiyalı politoloq

18 Yanvar 2018, 14:22 (GMT +4)
SOCAR-AQŞ “Bulla”da yeni quyu qazır

18 Yanvar 2018, 14:16 (GMT +4)
Peskov: Putin yalanı və qeyri-peşəkarlığı sevmir

18 Yanvar 2018, 14:11 (GMT +4)
KXDR 12 minə qədər hərbçinin iştirakı ilə hərbi parad keçirəcək

18 Yanvar 2018, 14:02 (GMT +4)
Azərbaycan yığması FİFA reytinqində geriləyib

18 Yanvar 2018, 13:54 (GMT +4)
“Akademik Məmməd Cəfər Cəfərov: böyük ömrün anları və addımlar” mövzusunda tədbir keçirilib

18 Yanvar 2018, 13:46 (GMT +4)
Türkiyə Baş Qərargah rəisi Rusiyaya səfər edib

18 Yanvar 2018, 13:30 (GMT +4)
“Türk Hava Yolları” Azərbaycanda endirim kampaniyası keçirir

18 Yanvar 2018, 13:23 (GMT +4)
Azər Türk Bankın aktivləri açıqlanıb

18 Yanvar 2018, 13:16 (GMT +4)
Rusiya Çinə S-400 zenit-raket sistemlərinin tədarükünə başlayıb

18 Yanvar 2018, 12:58 (GMT +4)
Ermənistan qeyri-döyüş itkilərini Azərbaycanın üzərinə atmağa çalışır - Azərbaycan MN

18 Yanvar 2018, 12:54 (GMT +4)
Azərbaycanda qeyri-neft sektoru üzrə ixrac 1 milyard 538 milyon dollar olub

18 Yanvar 2018, 12:49 (GMT +4)
DİN Sarayda törədilən qətllə bağlı məlumat yayıb

18 Yanvar 2018, 12:43 (GMT +4)
Balakəndə piyadanı vuraraq qaçan sürücü tutulub

18 Yanvar 2018, 12:39 (GMT +4)
SOCAR 2017-ci ildə dövlət büdcəsinə ödənişləri artırıb

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66