Mobil versiya RU AZ
_

AZƏRBAYCAN » SİYASƏT

Azərbaycan, İran və Türkiyə XİN başçılarının Bakı Bəyannaməsinin mətni açıqlanıb

20 Dekabr 2017, 14:08 (GMT +4)

Bakı, 20 dekabr, SalamNews. Azərbaycan, İran və Türkiyə xarici işlər nazirlərinin beşinci üçtərəfli görüşünün yekunlarına dair Bakı Bəyannaməsinin mətni açıqlanıb.

Azərbaycan XİN-nin mətbuat xidmətindən SalamNews-a verilən məlumata görə, Azərbaycan Respublikasının xarici işlər naziri Elmar Məmmədyarovun dəvəti, İran İslam Respublikasının xarici işlər naziri Məhəmməd Cavad Zərif və Türkiyə Respublikasının xarici işlər naziri Mevlüt Çavuşoğlunun iştirakı ilə üç dövlətin xarici işlər nazirlərinin beşinci üçtərəfl görüşü dekabrın 20-də Bakı şəhərində keçirilib.

Nazirlər xarici işlər nazirlərinin bundan əvvəlki Üçtərəfli Görüşlərdə qəbul olunmuş Urmiya, Naxçıvan, Van və Ramsar Bəyannaməsindəki öhdəliklərini vurğuladılar;

Regionda sülh, təhlükəsizlik, rifah və əməkdaşlığa xidmət edəcək dərin tarixi köklər, din və mədəni ortaqlıqlara əsaslanan üç ölkənin xalqları arasında həmrəylik və əməkdaşlığı, habelə paylaşılan dəyərləri daha da gücləndirmək üçün öhdəliklərini bir daha təsdiq etdilər;

Xüsusilə iqtisadi tərəqqi və davamlı inkişafa töhfə verə biləcək sahələrdə əməkdaşlığın daha da genişləndirilməsi üçün öhdəliklərini xüsusi qeyd etdilər;

Regionda sülh və təhlükəsizliyin gücləndirilməsi üçün ümumi maraqlarını xüsusi vurğuladılar və bu konteksdə suverenlik, ərazi bütövlüyü, beynəlxalq səviyyədə tanınmış sərhədlərin pozulmamasına hörmət və bütün mübahisələrin sülh yolu ilə həlli daxil olmaqla beynəlxalq hüququn prinsipləri üzrə öhdəliklərini qeyd etdilər;

Bu xüsusda, Ermənistan-Azərbaycan Dağlıq Qarabağ münqişəsinin yuxarıda qeyd olunan prinsiplər əsasında ən qısa müddətdə həllinin vacibliyini bir daha qeyd etdilər;

Müxtəlif səviyyə və platformalarda, habelə BMT, İƏT, Asiyada Qarşılıqlı Fəaliyyət və Etimadın Yaradılması Konfransı, İqtisadi Əməkdaşlıq Təşkilatı kimi beynəlxalq və regional təşkilatlar çərçivəsində regional və beynəlxalq sülh, təhlükəsizlik və stabilliyin gücləndirilməsi məqsədilə ümumi maraqlar kəsb edən regional və qlobal məsələlərə dair sıx məsləhətləşmələrin davam etdirilməsini razılaşdılar;

Əl-Qüds Əl-Şəriflə əlaqədar 13 dekabr 2017-ci il tarixində İstanbulda keçirilmiş İƏT-in Fövqəladə Sammitinin bəyannaməsini və yekun komunikesini alqışladılar;

İqtisadi-ticarət əməkdaşlığının gücləndirilməsi, sərmayə və ticarətin təşviqi naminə mövcud potensialdan istifadə, o cümlədən enerji, nəqliyyat, bankçılıq, telekomunikasiya, sənaye, kənd təsərrüfatı, turizm və ətraf mühit sahəsində birgə layihə və proqramların həyata keçirilməsi ilə əməkdaşlığın təşviqinə dəstək verilməsini razılaşdılar;

Beynəlxalq tranzit dəhlizləri və coğrafi cəhətdən əlverişli yerləşən üç ölkənin tranzit potensialının artırılması, eləcə də beynəlxalq tranzit sisteminə inteqrasiya etmək üçün əhəmiyyətli addımların atılmasını xüsusi vurğulayaraq, nəqliyyat infrasturukturunun inkişafı və tranzit potensialının artrırılması naminə yeni layihələrin həyata keçirilmısi üçün əməkdaşlığın daha da genişləndirilməsinin əhəmiyyətini qeyd etdilər;

Sosial-iqtisadi inkişaf naminə Asiya və Avropa arasında rəqabətli tranzit nəqliyyatının kəmiyyət və keyfiyətini artırmaq üçün strateji cəhətdən əhəmiyyətli olan genişmiqyaslı beynəlxalq nəqliyyat layihələrində üç ölkənin iştirakının vacibliyini xüsusi vurğulayaraq, “Şərq-Qərb”, “Cənub-Qərb”, “Şimal-Cənub” maşrutlarında üç ölkənin tranzit potensialdan istifadəyə əlverişli şərtlər yaradan Bakı-Tbilisi-Qars dəmir yolunun işə düşməsini alqışladılar, Rəşt-Astara dəmir yolunun tikintisinin ən qısa müddətdə tamamlanması üçün lazımı addımların atılmasının vacibliyini qeyd etdilər;

Mülki aviasiya sahəsində yüksək potensiala nail olmaq üçün əməkdaşlığın gücləndirilməsi, eləcə də üç ölkənin coğrafi üstünlüklərindən daha da faydalanmağın əhəmiyyətini vurğuladılar;

Neft, qaz və neft-kimya sahəsində kommersiya əməkdaşlığının artırılmasına hazır olduqlarını ifadə etdilər;

Üç ölkənin bank şəbəkəsi arasında əlaqələrin inkişaf etdirilməsi və genişləndirilməsi, habelə beynəlxalq bankçılıq prosedurları, həmçinin, çirkli pulların yuyulması və terrorun maliyyələşdirilməsi üzrə təcrübə və informasiyanı paylaşmağı razılaşdılar;

Regionda rəqəmsal uçurumların aradan qaldırılması məqsədilə informasiya strukturunun yaradılması və idarə edilməsi üçün üç ölkə arasında davam edən əməkdaşlığın əhəmiyyətini vurğuladılar;

Qlobal və regional iqtisadi təşkilatlar çərçivəsində əməkdaşlığın zəruriliyini, bu təşkilatların diqqətini ticarət, nəqliyyat, turizm, kənd təsərrüfatı, kommunikasiya və enerji sahəsi kimi prioritet sahələrə cəlb edilməsi, eləcə də bu institutlar tərəfindən üç ölkənin ümumi marağında olan layihələrin həyata keçirilməsinin təşviq edilməsi və dəstək göstərilməsini qeyd etdilər;

2015-ci ilin sentyabr ayında BMT tərəfindən qəbul edilən 2030 dayanıqlı inkişaf gündəliyinin müvafiq məqsədlərinə nail olmaq naminə ətraf mühitin pozulmasının azaldılması və qarşısının alınması üçün əməkdaşlığın gücləndirilməsinin əhəmiyyətini xüsusi qeyd etdilər;

Beynəlxalq və ya regional təşkilatlarda üç ölkənin namizədliyinin müsbət mənada qiymətləndirilməsini razılaşdılar və bu mənada EXPO 2025-in Azərbaycan Respublikasında keçirilməsi üçün Bakının namizədliyini alqışladılar;

Etnik, irqi, dini və etiqada əsaslanan dözümsüzlüyün və ayrı-seçkiliyin bütün formalarını pisləyərək, müxtəlif mədəniyyətlər, sivilizasiyalar və xalqlar arasında dözümlülüyün tərbiyyə edilməsi, hörmət, dialoq və əməkdaşlığın əhəmiyyətini qeyd edərək, 2016-cı ilin 25-27 aprel tarixlərində Bakıda keçirilmiş BMT-nin Sivilizasiyalar Aliansının 7-ci Qlobal Forumunun əhəmiyyətini xüsusi qeyd etdilər;

Terrorizm, separatism və zorakı ekstremizmin bütün forma və təzahürləri, transmilli mütəşəkkil cinayət və narkotik vasitələrin və onların daşıyıcılarının, silahların qeyri-qanuni dövriyyəsi, insan alveri, mədəni və tarixi irsə qarşı cinayətlər, kibercinayətkarlıq və qeyri-qanuni miqrasiyaya qarşı mübarizə sahəsində əməkdaşlığın daha da gücləndirilməsinin əhəmiyyətini qeyd etdilər; İran İslam Respublikasının təşəbbüsü ilə “Dünya ekstremizm və zorakı ekstremizmə qarşı” başlıqlı BMT Baş Assambleyasının A/RES/68/127 nömrəli qətnaməsini qeyd etdilər;

Öz ərazilərindən hər hansı bir insan və ya şəxsi qrupların istənilən nəticələr altında, bir-birinə qarşı istənilən təhlükə və fəaliyyətə qarşı istifadə etməsinə icazə verməyəcəklərini qətiyyətlə bəyan etdilər; separatizmə xarici dəstəyi kəskin şəkildə qınadılar;

Milli və beynəlxalq səviyyədə insan hüquqlarının təşviqi və müdafiəsi üzrə öhdəliklərini vurğuladılar və bəyan etdilər ki, dünyada bütün insanların hüquqlarının təşviq və müdafiəsinə əməkdaşlıq və dialoq vasitəsilə daha yaxşı nail olmaq olar;

Çoxtərəfli danışıqlar və diplomatiyanın uğurlarını əks etdirən Birgə Hərtərəfli Fəaliyyət Planının (JCPOA) əhəmiyyətini vurğuladılar; etiraf etdilər ki, JCPOA-nın uğurla yerinə yetirilməsi JCPOA-da təmin olunan faydalardan tam yararlanmaq məqsədilə onlara icazə verilməsi üçün bütün iştirakçılar tərəfindən öhdəliklərin tam yerinə yetirilməsini tələb edir; BMT TŞ-nin 2231 (2015) saylı qətnaməsinin tərkib hissəsi olan Beynəlxalq Atom Enerjisi Agentliyi tərəfindən təsdiq edildiyi kimi İran İslam Respublikasının JCPOA-da öhdəliklərinə əməl etməsini nəzərə alaraq, bütün BMT üzvlərinə JCPOA-in həyata keçirilməsinə töhfə verəcəklərinə dair öhdəliklərini xatırlatdılar;

İslam Dünyasının qarşılaşdığı çağırışlara qarşı durmaq məqsədilə islam həmrəyliyinin təşviq edilməsinin əhəmiyyətini qeyd etdilər və islam qardaşlığının, anlayış və dözümlülüyün gücləndirilməsi üçün daha fəal və səmərəli əməkdaşlıq edilməsi niyyətini ifadə etdilər. Bu xüsusda, islam mədəniyyəti və dünyada mənəvi dəyərlərin təşviqi baxımından 2017-ci il 12-22 may tarixlərində Bakıda yüksək səviyyədə keçirilmiş 4-cü İslam Həmrəyliyi Oyunlarının əhəmiyyətini qeyd etdilər.

Bundan əvvəlki görüşlərdə qəbul olunan qərarların, o cümlədən 2016-2018-ci illər üzrə Üçtərəfli Sahəvi Əməkdaşlıq Fəaliyyət Planının təqib edilməsinin əhəmiyyətini vurğuladılar;

Üçtərəfli formatda regional və qlobal məsələlərə dair əlaqələndirmə və əməkdaşlığın davam etdirilməsi üçün mütəmadi keçirilən görüşlərin əhəmiyyətini bir daha qeyd etdilər;

Növbəti görüşün Türkiyədə keçirilmısinə dair razılıq əldə olunub.



Əlaqəli Xəbərlər

İran Xarici İşlər Nazirliyi ABŞ-ın Qüdslə bağlı qərarı barədə bəyanat yayıb

Azərbaycan Xarici İşlər Nazirliyi və Müdafiə Nazirliyi birgə bəyanat yayıb

“Gənc Elçilər” Xarici İşlər Nazirliyində məlumat turunda iştirak edib

Kanada Azərbaycan Tədqiqatları İnstitutu Rusiyanın Xarici İşlər Nazirliyinə məktub göndərib

Türkiyə səfiri İsrail Xarici İşlər Nazirliyinə çağırılıb

Azərbaycan Xarici İşlər Nazirliyi Şuşa şəhərinin işğalı ilə bağlı bəyanat yayıb

Yunanıstanın Azərbaycandakı səfiri Xarici İşlər Nazirliyinə çağırılıb

Xarici İşlər Nazirliyi "Şən və Hazırcavablar" Klubu ilə bağlı bəyanat yayıb

Rusiya və İran səfirləri Böyük Britaniyanın Xarici İşlər Nazirliyinə çağırılıblar

Elmar Məmmədyarov Hamburqda Finlandiyanın Xarici İşlər Nazirliyinin dövlət katibi ilə görüşüb

Türkiyənin Tehrandakı səfiri İran Xarici İşlər Nazirliyinə çağırılıb

Türkiyənin Bağdaddakı səfiri İraq Xarici İşlər Nazirliyinə çağırılıb

Xarici İşlər Nazirliyinin səlahiyyətləri artırılıb

Prezident İlham Əliyev Yaponiya Xarici İşlər Nazirliyinin parlamentar vitse-nazirini qəbul edib 

ASGA Xarici İşlər Nazirliyinə müraciət edib

Türkiyə Xarici İşlər Nazirliyinin 88 əməkdaşı vəzifəsindən kənarlaşdırılıb

Ukraynanın İCTV kanalının çəkiliş qrupu Xarici İşlər Nazirliyinə rəsmən müraciət edib - Hikmət Hacıyev

İranın Xarici İşlər Nazirliyinin rəsmisi Şərqşünaslıq İnstitutunda olub

İlham Əliyev Fransa Xarici İşlər Nazirliyinin dövlət katibi ilə görüşüb

Yaponiya Xarici İşlər Nazirliyi Dağlıq Qarabağ münaqişəsi ilə bağlı bəyanat yayıb

18 Yanvar 2018, 09:58 (GMT +4)
Pentaqon: ABŞ Suriyada yeni ordu qurmur

18 Yanvar 2018, 09:49 (GMT +4)
“YARAT” Müasir İncəsənət Mərkəzində Zabit Səmədovla görüş keçirilib

18 Yanvar 2018, 09:43 (GMT +4)
Azərbaycan nefti ucuzlaşıb

18 Yanvar 2018, 09:39 (GMT +4)
Xalq artisti Eldar Quliyevin doğum günüdür

18 Yanvar 2018, 09:32 (GMT +4)
Ötən gün Azərbaycanda 110 cinayət faktı qeydə alınıb

18 Yanvar 2018, 09:25 (GMT +4)
Atəşkəs rejimi 126 dəfə pozulub

18 Yanvar 2018, 09:24 (GMT +4)
Bu gün Azərbaycan və Ermənistan XİN başçıları görüşəcək

18 Yanvar 2018, 09:21 (GMT +4)
Dünya birjalarında neft bahalaşıb

18 Yanvar 2018, 09:19 (GMT +4)
İranda ardıcıl iki zəlzələ olub

18 Yanvar 2018, 09:15 (GMT +4)
Leyla Əliyeva Heydər Əliyev Mərkəzində sərginin açılışında iştirak edib (FOTOLAR)

18 Yanvar 2018, 09:09 (GMT +4)
Türkiyə sərhədlərində terrorçu ordunun yaradılmasına imkan verilməyəcək

18 Yanvar 2018, 09:00 (GMT +4)
Sakit okeanın Yaponiya sahillərində 5,3 bal gücündə zəlzələ olub

17 Yanvar 2018, 18:24 (GMT +4)
Peşə məktəblərində çalışan müəllimlərin maaşı iki dəfə artırılıb

17 Yanvar 2018, 18:00 (GMT +4)
Novruzəli Orucovun oğluna hökm oxunub

17 Yanvar 2018, 17:51 (GMT +4)
Fransa Prezidentinin müşaviri Ermənistan-Azərbaycan münaqişəsi barədə məlumatlandırılıb

17 Yanvar 2018, 17:42 (GMT +4)
Prezident Administrasiyasının yeni şöbə müdiri təyin edilib

17 Yanvar 2018, 17:34 (GMT +4)
Rusiya XİN rəhbəri türkiyəli həmkarı ilə telefon danışığı keçirib

17 Yanvar 2018, 17:27 (GMT +4)
DTX-nin Müvəqqəti saxlama yeri və istintaq təcridxanasına başçəkmə həyata keçirilib

17 Yanvar 2018, 17:22 (GMT +4)
Dolların sabaha olan məzənnəsi açıqlanıb

17 Yanvar 2018, 17:15 (GMT +4)
JuHİ Azərbaycan mediası ilə bağlı yekun hesabatını açıqlayıb

17 Yanvar 2018, 17:06 (GMT +4)
Minsk Qrupunun fəaliyyətinin canlandırılması üzrə çağırışını dəstəkləyirik - rəsmi Bakı

17 Yanvar 2018, 16:56 (GMT +4)
Koreyanın Azərbaycandakı səfiri BDU-da olub

17 Yanvar 2018, 16:50 (GMT +4)
Bakı Nəqliyyat Agentliyinin Sakit Qocayev küçəsi ilə bağlı layihə təklif edib

17 Yanvar 2018, 16:44 (GMT +4)
Xəzər Dəniz Gəmiçiliyi tender elan edib

17 Yanvar 2018, 16:37 (GMT +4)
Şahin Bağırov CEO Lunch Baku-da iştirak edib

17 Yanvar 2018, 16:32 (GMT +4)
Dini ekstremizmə qarşı mübarizəyə dair Tədbirlər Planı təsdiqlənib

17 Yanvar 2018, 16:26 (GMT +4)
Qubada modul tipli məktəb istifadəyə verilib

17 Yanvar 2018, 16:22 (GMT +4)
Vüsal Qasımlı BP-nin nümayəndə heyətini qəbul edib

17 Yanvar 2018, 16:16 (GMT +4)
PAŞA Bank Euromoney beynəlxalq forumunda iştirak edib

17 Yanvar 2018, 16:15 (GMT +4)
Zaqatala şəhərində yeni yeraltı piyada keçidi inşa edilib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66