Mobil versiya RU AZ
_

AZƏRBAYCAN » İDMAN

2018-ci il daha böyük uğurlarla qarşınızda olacağıq - "Euro Fight” klubunun prezidenti (MÜSAHİBƏ)

20 Dekabr 2017, 14:16 (GMT +4)

Bakı, 20 dekabr, SalamNews. Məlum olduğu kimi, dekabrın 18-də Milli Olimpiya Komitəsində 2017-ci ilin idman yekunlarına həsr olunan mərasim keçirilib. Mərasimdə Azərbaycan Respublikasının prezidenti, Milli Olimpiya Komitəsinin prezidenti İlham Əliyev iştirak edərək 2017-ci ildə yüksək nailiyyətlər qazanan idmançılara və idman mütəxəssislərinə mükafatlar təqdim edib, bədən tərbiyəsi və idmanın inkişafında xidmətlərinə görə bir qrup idman ustalarına, idmançılara fəxri diplom və fəxri fərmanlar təqdim edib.

Dövlət başçısının mükafatlandırdığı idmançılar sırasında ölkəmizdə qeyri-olimpiya idman növlərinin inkişafına öz töhfəsini vermiş kikboksçularımız da yer alıb.

2017-ci ildə kikboksinqdə qazanılan uğurlar, gələcək hədəflərlə bağlı Azərbaycan Kikboksinq Federasiyasının tərkibində yer alan "Euro Fight” klubunun prezidenti, "Premium Travel” şirkətinin rəhbəri Aydın Əhmədov öz fikirlərini bölüşüb.

2017-ci ili başa vurmağa artıq sayılı günlər qalıb. Bu il sizin üçün necə yadda qaldı?

2017-ci il mənim üçün olduqca uğurlu il oldu. Bu il ərzində turizm sahəsində fəaliyyət göstərən şirkətimizin bir neçə ofisi açıldı, işçilər qəbul etdik, eyni zamanda prezidenti olduğum idman klubumuz yaddaqalan, möhtəşəm yarışlara imzasını atmağı bacardı. Belə yarışlardan birinə misal olaraq Sumqayıt şəhərində keçirilən peşəkar kikboksinq yarışını göstərə bilərəm. İlk dəfə olaraq açıq havada keçirilən beynəlxalq yarış öz rəngarəngliyi ilə yaddaşlarda dərin iz buraxdı. Hesab edirəm ki, son illərdə ölkəmizdə inkişaf edən hər iki sahə, həm turizm, həm də idman sahəsində uğur əldə etmək elə ölkənin uğuruna bir pay qatmaq deməkdir. Ümüd edirəm ki, 2018-ci il daha böyük uğurlarla qarşınızda olacağıq.

Sizin turizm sahəsində əldə etdiyiniz nailiyyətlər danılmazdır. Neçə ildir ki, bu sektordasınız?

18 yaşımdan etibarən bu sahədə çalışıram. İlk iş yerim BP şirkətində turizmlə əlaqədar olub. İki il ərzində öz sahəmin peşəkarına çevrildim. Sonra tikintiyə marağım artdı və bu yöndə də işləməyə başladıq. Hazırda şirkətimizin filialları, ofisləri sistemli olaraq işləyir.

Etiraf edirmisiniz ki, illərdi çalışdığınız turizm sektorunda qazandığınız uğurlara baxmayaraq, siz Aydın Əhmədov ən çox "Euro Fight” idman klubu ilə tanındı?

Əlbəttə…Deyərdim ki, "Euro Fight” öz müvəffəqiyyətləri ilə mənim brendimə çevrildi. Kikboksinq idman növünün inkişafına dəstək verməyə başlayanda bu qədər uğur qazanacağımıza inanmırdım. Amma ildən ilə klubumuzun idmançılarının istər ölkəmizdə keçirilən, istərsə də xaricdə baş tutan beynəlxalq yarışlarda qazandıqları medalları, kəmərləri gördükcə həvəslənməyə bilməzdim. Bu, bir növ mənə stimul verir. Hər dəfə kikboksçularımızın klubum adına qazandığı uğurun şahidi olanda sevincimin həddi hüdudu olmur. Bu qürur hissini sözlə ifadə etməkdə çətinlik çəkirəm. Təssəvvür edin Azərbaycanımızın adı ən mötəbər idman arenalarında səslənir, üçrəngli bayrağımız yüksəklərdə dalğalanır, bundan böyük fəxarət hissi varmı?!

Klubunuzun baş məşqçisi Emil Hacıyev tanınmış kikboksçudur. Cənab Prezidentin təltif etdiyi gənc idmançılar sırasında yer alır və əməkdar idman ustasıdır. Deyə bilərikmi Emil məhz elə "Euro Fight” ın siması kimi daha çox tanındı və klubu tanıtdırdı?

Emil Hacıyev kikboksinq tarixində öz döyüşləri ilə yaddaqalan idmançıdır. Sevindirici haldır ki, məhz Emillə yollarımız birləşib. O, "Euro Fight” idman klubuna bir çox mükafatlar qazandırıb. Onlardan ən yaddaqalanı isə peşəkarlar arasında keçirilən K-1 dünya kəmərinə sahiblənməsi olub. Bundan əlavə Dünya kubokunun mükafatını ölkəmizə gətirib, dünyanın bir çox ölkələrində keçirilən yarışların qalibi olub. Yəni, bu mükafatları saymaqla bitməz. Ona görə də hesab edirəm onun rəhbərliyi altında yetişən tələbələr də ən azı Emilin yolunu davam etdirməyə müvəffəq olacaqlar.

Klubunuzun özünə aid bazası varmı? Məşqlər harada keçirilir, hazırda nə qədər idmançı yetişir?

Hal-hazırda Tofiq Bəhramov adına stadionda yer alan kikboksinq zalında, həftədə 3 gün olmaqla iki saat məşqlər keçirilir. Zalımızda 30-a yaxın idmançı var. Gələn il üçün əsas planımda olan məsələlərdən biri də odur ki, klubumuza aid baza olsun, özümüzəməxsus idman zalında məşqlər davam etdirilsin. Bununla da sıralarımızı genişləndirmiş olarıq. Bir nüansı da qeyd edim ki, biz burada daha çox qazanmaq yox, dəstək olmaq məqsədi ilə çalışırıq. Ən ümdə məqsədim yeniyetmə və gənclərdə idmana olan həvəsi artırmaq və inkişaf etdirməkdir. Bu istiqamətdə aparılan işlərin məntiqi nəticəsi kimi idmançıların peşəkarlıq səviyyəsinin artırılması üçün əlimizdən gələni etməyə çalışırıq.

Necə oldu ki, kikboksinqə marağınız yarandı?

Uşaq vaxtlarından idmana həvəsim böyük idi. Digər işlərimlə yanaşı idmana da zaman ayırmağa çalışırdım. Elə oldu ki, bir dostumuzun vasitəsi ilə Emillə tanış oldum və onda olan kreativ ideyalar məni daha çox idmana cəlb etdi. Beləcə, Azərbaycan Kikboksinq Federasiyasının prezidenti, millət vəkilimiz Adil Əliyevlə görüşüb klub yaratmağa qərar verdik. Klubumuz yaranandan sonrakı nailiyyətləri isə göz önündədir. Sağlam ruhlu, sağlam düşüncəli idmançılar yetişdirmək, Vətənimizə sağlam, şərəfli əsgər vermək hər birimizin borcudur. Həmçinin Azərbaycan Respublikası Milli Olimpiya Komitəsinin prezidenti, ölkə rəhbərimizin üzərimizə qoyduğu vəzifənin öhdəsindən layiqincə gəlməyə çalışırıq. Bu baxımdan da turizm sahəsindən əldə etdiyim gəlirlərin bir qismini bu sahəyə xərcləməyi özümə bir Vətən borcu hesab edirəm.

Siz Yeni Azərbaycan Partiyası Suraxanı rayon təşkilatının üzvüsünüz. Ölkənin avanqard, iqtidar partiyası olan YAP-ın bir siyasi fərdi olmanız barədə istərdim danışasınız.

-Mən universitetdə oxuduğum illərdə Yeni Azərbaycan Partiyasına üzv oldum. Təkcə iqtidar partiyası olduğu üçün deyil, eyni zamanda Ulu Öndər Heydər Əliyevin gənclərə göstərdiyi diqqət və qayğını hiss etdiyim üçün məhz YAP-a üz tutdum. Partiyamızın təşkil etdiyi bütün tədbirlərdə aktiv iştirak edirdim və bu gün də iştirak edirəm. YAP-ın sədri, cənab prezidentin rəhbərlik etdiyi siyasi partiyanın bir üzvü olmaq hər birimiz üçün qürurvericidir.

Keçid edək turizm sahəsinə. Burada hansı yeniliklər var? Daha çox hansı ölkədən turistlər buraya təşrif buyurur?

Bu ilin əvvəlindən etibarən Azərbaycana gələn turistlərin sayında artım müşahidə edilirdi. Bunu açıqlanan həm rəsmi, həm də qeyri-rəsmi hesabatlar da təsdiq edir. Ölkə qanunvericiliyində baş verən dəyişikliklər və turistlərin sayının artması turizm firmalarının fəaliyyətinə də təsirsiz ötüşməyib. Əsasən ölkəmizə gələn turistlərin əsas hissəsini ərəb ölkələrindəndir. Bununla yanaşı Avropa ölkələrindən, Rusiya və Türkiyədən gələn turistlərin sayında da artım müşahidə edilir. Azərbaycandan isə xaricə səfərlər zamanı müştərilər əsasən Türkiyəyə üstünlük verirlər. Müştərilərimizə təklif etdiyimiz tur paketləri daha çox onların cibinə uyğun şəkildə hesablanır. Avropa ölkələrindən isə Çexiyaya əsasən müalicəvi səfərlər olur. Həm də yeni il öncəsi Çexiyaya səfərlər çox olacaq. Turistlərin buraya sayı artdıqca otellərdə boş nömrələr tapmaq da çətinləşir. Məsələn, artıq Yeni il bayramına otellərdəki nömrələrin 90%-dən çoxu tutulub. Ölkəmizdə yeni otellərə xüsusən də 4 ulduzlu otellərə ehtiyac çoxdur. Dubay, Qətər və Küveytdən olan turistlər əsasən mərkəzə yaxın otelləri seçirlər. İraq vətəndaşları isə əsasən kənarda olan bir qədər ucuz otellərə üstünlük verirlər.

Son olaraq istərdik gənc iş adamı kimi, perspektivli şəxs olaraq gənclərimizə, biznesmenlərimizə öz məsləhətlərinizi verəsiniz.

Bir işdə uğur qazanmaq istəyirsinizsə, ilk öncə uduzmağı bacarmalısınız. Bunu bacarsanız qazanmağı gələcəkdə qazanmağı bacaracaqsınız. Tək özünüzü deyil, ətrafınızı da düşünməyə çalışın. Yanınızda olan insanlar ruhlandıqca sizə daha çox nailiyyət qazandıracaqlar.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Aydın Əhmədov: Məktəbəqədər təhsil sahəsində yeni dövlət standartları hazırlanıb

12 Dekabr 2018, 18:25 (GMT +4)
Səfər Mehdiyev: Gömrük əməkdaşları Heydər Əliyev ideyalarına daim sadiqdirlər

12 Dekabr 2018, 18:11 (GMT +4)
Nazirliyin kollektivi ulu Öndərin əziz xatirəsini yad ediblər

12 Dekabr 2018, 18:04 (GMT +4)
AQTA Özbəkistandan Azərbaycana gətirilən 31 ton kişmişi zərərsizləşdirib

12 Dekabr 2018, 17:58 (GMT +4)
“Nar”dan Yeni il ərəfəsində sərfəli rouminq təklifləri

12 Dekabr 2018, 17:56 (GMT +4)
Dolların sabaha olan rəsmi məzənnəsi açıqlanıb

12 Dekabr 2018, 17:50 (GMT +4)
Ötən ay qlobal neft tədarükü sutkalıq 100,6 milyon barrelə çatıb

12 Dekabr 2018, 17:44 (GMT +4)
Elmar Məmmədyarov Hindistanın Azərbaycandakı səfirini diplomatik fəaliyyətinin başa çatması münasibətilə qəbul edib

12 Dekabr 2018, 17:35 (GMT +4)
Hikmət Hacıyev: Azərbaycan qlobal təhlükəsizlik məsələlərinin müzakirə olunduğu strateji dialoq platforması rolunu oynayır

12 Dekabr 2018, 17:23 (GMT +4)
Kiçik sahibkarlar üçün sürətli amortizasiya tətbiq olunur

12 Dekabr 2018, 17:22 (GMT +4)
ABŞ Yəmən müharibəsində Səudiyyə və BƏƏ-ə verdiyi dəstəyin xərcini geri alır

12 Dekabr 2018, 17:10 (GMT +4)
BMT baş katibi Yəmən üzrə siyasi məsləhətləşmələrdə iştirak edəcək

12 Dekabr 2018, 16:52 (GMT +4)
Misirin Sinay Yarımadasında əməliyyat zamanı 27 silahlı zərərsizləşdirilib

12 Dekabr 2018, 16:47 (GMT +4)
Naxçıvan yenidən investisiya reytinqinin lideri olub

12 Dekabr 2018, 16:27 (GMT +4)
Bakcell müsabiqədə qalib gələn məktəbliləri mükafatlandırıb

12 Dekabr 2018, 16:15 (GMT +4)
Ermənistanda hərbçi intihara cəhd edib

12 Dekabr 2018, 16:12 (GMT +4)
Saxta sənədlərlə Azərbaycana keçmək istəyən 5 əcnəbi saxlanılıb

12 Dekabr 2018, 16:01 (GMT +4)
ABŞ İran qarşısında yeni tələb irəli sürüb: Süni peyk istehsal etməsinlər

12 Dekabr 2018, 15:58 (GMT +4)
Azərbaycan mülki aviasiya sahəsi üzrə Avropa və MDB regionunda ən yüksək nəticə əldə edib

12 Dekabr 2018, 15:48 (GMT +4)
Azərbaycan ilə Rusiya arasında hərbi-texniki əməkdaşlığın perspektivləri müzakirə olunub

12 Dekabr 2018, 15:31 (GMT +4)
Ərdoğan: Suriyanın şimalında yeni hərbi əməliyyat üç gün ərzində başlayacaq

12 Dekabr 2018, 15:13 (GMT +4)
Bakı Şəhər İcra Hakimiyyəti Atatürk parkında aparılan söküntü işləri ilə bağlı məlumat yayıb

12 Dekabr 2018, 15:06 (GMT +4)
Milli-mənəvi dəyərlərin təbliği ilə bağlı yeni layihəyə start verilib 

12 Dekabr 2018, 15:02 (GMT +4)
Tereza Mey vəzifəsi uğrunda mübarizə aparacağını bəyan edib

12 Dekabr 2018, 14:52 (GMT +4)
Gəncədə Ulu Öndər Heydər Əliyevin xatirəsi ehtiramla yad edilib

12 Dekabr 2018, 14:51 (GMT +4)
Danışıqlara baxmayaraq Səudiyyə koalisiyası son 2 sutkada Yəmənə 52 aviazərbə endirib

12 Dekabr 2018, 14:37 (GMT +4)
MEK-də Heydər Əliyevin irsinə dair ümumilikdə 1000-dən çox sənəd mühafizə olunur

12 Dekabr 2018, 14:30 (GMT +4)
Gömrükçülər ulu Öndərin əziz xatirəsini ehtiramla yad ediblər

12 Dekabr 2018, 14:23 (GMT +4)
UNEC-də Elmmetrika şöbəsi fəaliyyətə başlayıb

12 Dekabr 2018, 14:16 (GMT +4)
Yol polisi texniki baxışa görə sürücülərə müraciət edib

12 Dekabr 2018, 14:06 (GMT +4)
Tereza Meyə qarşı etimadsızlıq göstərilə bilər

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66