Mobil versiya RU AZ
_

AZƏRBAYCAN » MƏDƏNİYYƏT

Nazirlikdə aparılan islahatlardan sonra görüləcək əsas işlər açıqlanıb

12 İyul 2018, 16:30 (GMT +4)

Bakı, 12 iyul, SalamNews.  İyulun 12-də Mirzə Fətəli Axundzadə adına Azərbaycan Milli Kitabxanasında mədəniyyət nazirinin müavini Rafiq Bayramovun sədrliyi ilə nazirlikdə aparılmış struktur islahatları və regional mədəniyyət idarələrinin baş məsləhətçilərinin – rayonlar üzrə nümayəndələrinin fəaliyyətinə həsr olunmuş müşavirə keçirildi.

Nazirlikdən SalamNews-a verilən məlumata görə, müşavirədə nazirliyin müvafiq struktur bölmələrinin əməkdaşları, 15 regional mədəniyyət idarəsinin rayonlar üzrə nümayəndələri iştirak edirdi.

Gündəlikdə duran məsələlər barədə məlumat verən Rafiq Bayramov Mədəniyyət Nazirliyində aparılan son islahatların əhəmiyyətindən danışdı. Prezident İlham Əliyevin 6 iyun 2018-ci il tarixdə Mədəniyyət Nazirliyinin fəaliyyətinin təmin edilməsi ilə bağlı fərman imzaladığını diqqətə çatdıran nazir müavini qeyd etdi ki, fərmana əsasən nazirliyin yeni strukturu təsdiq edilib, həmçinin Bakı Şəhər Mədəniyyət Baş İdarəsi və regional mədəniyyət idarələrində işçilərin say tərkibi müəyyən olunub.

Vurğulandı ki, müşavirənin əsas məqsədi həyata keçirilən islahatlar nəticəsində qarşıya qoyulan yeni hədəflərə nail olmaq və bu istiqamətdə atılacaq addımların müzakirə edilməsidir: “Artıq nazirlikdə yeni struktur tam formalaşıb. Bundan sonra regionlarla daha sıx işləyərək qarşımıza qoyulan məqsədlərə nail olacağıq. Buna görə də belə görüşlərin mütəmadi təşkil olunması vacibdir. Bu həm regionlardakı mədəniyyət müəssisələrinin fəaliyyətinin qiymətləndirilməsi, həm də gələcək fəaliyyət üçün istiqamətlərin müəyyən olunmasına töhfə verə bilər”.

Rafiq Bayramov qeyd etdi ki, regional idarələrin fəaliyyətinin təmin olunması üçün nazirliyin tərkibində Regional siyasət şöbəsi və iki sektor - Təhsil müəssisələri ilə iş və Regional idarələrin koordinasiyası və tabe qurumlarla iş sektoru yaradılıb. Həyata keçirilən son struktur dəyişikliklərindən sonra mədəniyyət sahəsinə ayrılan diqqət daha da artırılacaq.

Nazir müavini regional idarələrlə yeni yaradılan Regional siyasət şöbəsinin qurulacaq iş prinsipləri haqqında da danışdı, bu istiqamətdə idarəçiliyin daha da effektiv olacağını bildirdi.

Müşavirədə çıxış edən Regional siyasət şöbəsinin müdiri Pərviz İsgəndərli həyata keçirilən islahatlar nəticəsində regional idarələrlə qurulacaq işin prinsiplərindən söz açdı. Qeyd etdi ki, təkcə regional mədəniyyət idarələrinin yerləşdiyi rayonlar deyil, tabelikdə olan rayonlar üzrə nümayəndələr də bizimlə sıx əlaqələr qurmalıdırlar. Bildirildi ki, mədəniyyət sahəsində regional idarəçiliyə keçilməsi bir sıra məsələlərin həllinin effektivliyini təmin edib. Yeni strukturun müəyyən olunmasından sonra regionlarda mədəniyyətin inkişafına xüsusi diqqət ayrılıb: “Üzərimizə qoyulan böyük vəzifələr var. Biz bu məsələlərin həll olunması üçün yeni planlar hazırlamalıyıq. Ona görə də regionlarda mədəniyyətin inkişafı, göstərilən xidmətlərin səviyyəsinin artırılması üçün yerlərdən təkliflər gözləyirik. Belə olan halda mədəniyyət sahəsinin inkişafı daha effektli olacaq”.

Qeyd olundu ki, bölgələrdə göstərilən mədəni xidmətlərin səviyyəsinin artırılmasında ixtisaslı kadrların işə cəlb olunması vacib məqamlardandır. Buna görə də regional idarələrə tabe müəssisələrin ixtisaslı kadrlarla təmin olunması diqqət mərkəzində saxlanılacaq.

İnformasiya və ictimaiyyətlə əlaqələr şöbəsinin müdiri İntiqam Hümbətov çıxış edərək regional idarələrin və onlara tabe rayonların mətbuatla iş prinsiplərinin qurulmasından danışdı: “Aparılan islahatlardan sonra nazirliyin İnformasiya və ictimaiyyətlə əlaqələr şöbəsinin işi daha da genişlənəcək. Nazirlik tərəfindən həyata keçirilən tədbirlərin işıqlandırılması, regionlarda təşkil olunan tədbirlərin, sərgilərin mətbuatda, televiziyalarda geniş işıqlandırılması diqqətdə saxlanılacaq. Eyni zamanda regionlarda keçirilən tədbirlər və regionların mədəni həyatı ilə bağlı geniş məqalələr dərc olunmalıdır. Nazirliyin mətbu orqanları ilə də sıx əməkdaşlığı qurulmalıdır. Bunun üçün İnformasiya və ictimaiyyətlə əlaqələr şöbəsi olaraq hər cür dəstək verməyə hazırıq”.

Şöbə müdiri mətbuatla əməkdaşlıq üçün regional idarələrə bu sahə üzrə bacarıqlı kadrların işə cəlb olunmasının vacibliyini də qeyd etdi.

Sumqayıt Regional Mədəniyyət İdarəsinin Abşeron rayonu üzrə nümayəndəsi İlham Manafov, Şuşa rayonu üzrə nümayəndə Zahid Abbasov, Bərdə Regional Mədəniyyət İdarəsinin Yevlax rayonu üzrə nümayəndəsi Rafiq Məmmədov, Tərtər rayonu üzrə nümayəndə Ceyhun İsmayılzadə və başqaları çıxış edərək regionlarda həyata keçirilən tədbirlərdən danışdılar. Gələcək fəaliyyətin yüksəldilməsi üçün atılmalı olan məsələlər diqqətə çatdırıldı.

Tədbir struktur islahatları, regional mədəniyyət idarələrinin baş məsləhətçilərinin – rayonlar üzrə nümayəndələrinin fəaliyyətinin gücləndirilməsi məsələlərinin müzakirəsi ilə davam etdi, fikir mübadiləsi aparıldı.

Müşavirənin sonunda Rafiq Bayramov regionlarda keçirilən tədbirlərin səviyyəsinin daha da yüksəldilməsi, əhaliyə göstərilən mədəni xidmətlərin genişləndirilməsi istiqamətində tapşırıq və tövsiyələrini verdi.

 


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Mədəniyyət Nazirliyi Həmkarlar İttifaqının növbədənkənar iclası keçirilib

Mədəniyyət Nazirliyinin kollegiya üzvlərinin yeni tərkibi təsdiqlənib

Mədəniyyət Nazirliyi pedaqoji kadrların işə qəbulu üzrə növbəti müsabiqə keçirəcək

Beynəlxalq Musiqi Təhsili Cəmiyyətinin rəhbəri Mədəniyyət Nazirliyində olub

Mədəniyyət Nazirliyinin tabeliyindəki qoruqların fəaliyyətinə həsr olunan müşavirə keçirilib

Mədəniyyət Nazirliyinin şöbə müdiri vəzifələrinə yeni təyinatlar olub

Mədəniyyət Nazirliyi yanında Dövlət Xidmətinə rəis təyin edilib

Mədəniyyət Nazirliyi Aparatının yeni strukturu təsdiq edilib, təyinatlar həyata keçirilib

Azərbaycana səfərə gələn Misirin Mədəniyyət Nazirliyinin rəsmisi BDU-da olub

22 Sentyabr 2018, 16:54 (GMT +4)
Azərbaycan paracüdoçusu İlham Zəkiyevə yeddinci dan qara kəmər təqdim olunub

22 Sentyabr 2018, 16:40 (GMT +4)
Çin ABŞ-la yeni ticarət məsləhətləşmələrindən imtina edib

22 Sentyabr 2018, 16:23 (GMT +4)
Dövlət Gömrük Komitəsində müşavirə keçirilib

22 Sentyabr 2018, 16:10 (GMT +4)
Prokurorluq orqanları əməkdaşları növbəti ağacəkmə kampaniyası keçiriblər

22 Sentyabr 2018, 16:04 (GMT +4)
İran hərbi parad zamanı 21 ballistik raketini nümayiş etdirib (FOTO)

22 Sentyabr 2018, 15:54 (GMT +4)
Milli Məclisdə Azərbaycan-Oman əlaqələrinin inkişafı məsələləri müzakirə edilib

22 Sentyabr 2018, 15:39 (GMT +4)
Füzuli Dövlət Dram Teatrına ağır itki üz verib

22 Sentyabr 2018, 15:22 (GMT +4)
Soyğunçuluq etməkdə şübhəli bilinən şəxslər saxlanılıblar

22 Sentyabr 2018, 15:05 (GMT +4)
Vladimir Putin Həsən Ruhaniyə başsağlığı verib

22 Sentyabr 2018, 14:55 (GMT +4)
Türkiyədə məktəblilərin olduğu avtobusun aşması nəticəsində 2 nəfər ölüb

22 Sentyabr 2018, 14:50 (GMT +4)
Müəllimə verilən dəyər yüksək olarsa, çətin açılan bağlı qapılar üçün açar tapmaq asanlaşar - Aygün Məcidova

22 Sentyabr 2018, 14:46 (GMT +4)
Beyləqanda yandırılmış ağaclarla bağlı polisə müraciət olunub

22 Sentyabr 2018, 14:40 (GMT +4)
İranda hərbi parad zamanı törədilən terrorda ölənlərin sayı 24-ə çatıb (VİDEO)

22 Sentyabr 2018, 14:35 (GMT +4)
İranda hərbi parada hücum edən terror qruplaşması müəyyənləşib

22 Sentyabr 2018, 14:15 (GMT +4)
Hatayda Yayladağında Azərbaycan küçəsi və Qarabağ parkı açılacaq

22 Sentyabr 2018, 14:08 (GMT +4)
İrandan Əhvaz terror hücumuna ilk reaksiya: Məsuliyyəti Amerika və bölgədəki terrorçu himayədarları daşıyır

22 Sentyabr 2018, 13:55 (GMT +4)
Milli Məclisin deputatı AŞPA-nın Gürcüstanda keçirilən tədbirində iştirak edəcək

22 Sentyabr 2018, 13:47 (GMT +4)
Polis əməliyyat keçirdi, qanunsuz silah-sursat yığıldı

22 Sentyabr 2018, 13:30 (GMT +4)
“Caspian Energy Forum Baku– 2018” çərçivəsində 8 şirkət əməkdaşlıqla bağlı razılıq əldə edib 

22 Sentyabr 2018, 13:20 (GMT +4)
Azərbaycan Prezidenti Vyetnam Kommunist Partiyasının Baş katibinə başsağlığı verib

22 Sentyabr 2018, 13:16 (GMT +4)
Azərbaycan Müdafiə Nazirliyi İran tərəfinə başsağlığı verib

22 Sentyabr 2018, 13:10 (GMT +4)
Azərbaycan XİN KTMT baş katibininin açıqlamasına münasibət bildirib

22 Sentyabr 2018, 12:53 (GMT +4)
Bakıda soyğunçuluq etməkdə şübhəli bilinən şəxslər saxlanılıblar

22 Sentyabr 2018, 12:38 (GMT +4)
Borca görə axtarışda olan 26 nəfər saxlanılıb

22 Sentyabr 2018, 12:29 (GMT +4)
İranda hərbi parada edilən hücumun ilk görüntüləri yayımlanıb (VİDEO)

22 Sentyabr 2018, 12:26 (GMT +4)
Havanın temperaturu aşağı düşəcək, yağış yağacağı gözlənilir

22 Sentyabr 2018, 12:08 (GMT +4)
Cüdo üzrə dünya çempionatı: Azərbaycanın üç idmançısı mübarizəyə qoşulub

22 Sentyabr 2018, 11:54 (GMT +4)
Türkiyə, Rusiya və İran XİN rəhbərləri cari ayın sonu görüşəcəklər

22 Sentyabr 2018, 11:53 (GMT +4)
BNA bəzi KİV-lərdə yayılan məlumatlara aydınlıq gətirib

22 Sentyabr 2018, 11:45 (GMT +4)
Azərbaycan nefti cüzi bahalaşıb

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66