AZƏRBAYCAN » CƏMİYYƏT
13 Mart 2017, 10:28 (GMT +4)

Binəqədi rayonunda Ümumrayon Novruz iməciliyi keçirilib

Bakı, 13 mart, SalamNews. Binəqədi rayonu zeytunluq ərazisində Ümumrayon Novruz iməciliyi keçirilib. 

Binəqədi rayon İcra Hakimiyyətindən SalamNews-a verilən məlumata görə, aksiyada ümumilikdə 250 nəfərdən çox olmaqla RİH başçısı aparatınin kollektivi, rayonun idarə, müəssisə və təşkilatlarının nümayəndələri, Rayon Yaşıllaşdırma sahəsinin əməkdaşları, YAP Binəqədi rayon təşkilatının, Rayon Gənclər və İdman idarəsinin fəalları iştirak ediblər.

Aksiya zamanı ərazidə təmizlik-abadlıq işləri aparılıb, öncədən əkilmiş ağaclara aqrotexniki qulluq göstərilib, ərazilər alaq otlarından təmizlənib. Həmçinin ərazilər tullantılar, metal qırıntıları və digər lazımsız materiallardan təmizlənərək, səliqə-səhman yaradılıb.

O cümlədən, yolun sağ və sol istiqaməti boyunca əkilmiş ağaclara qulluq edilmiş, dibləri bellənərək suvarma işlərini həyata keçirilib. Novruz bayramı öncəsi aparılan iməclik sakinlərdə xoş təəssürat yaradıb.