AZƏRBAYCAN » İQTİSADİYYAT
12 İyul 2019, 16:02 (GMT +4)

Mərkəzi Bank növbəti depozit hərracı keçirəcək

Bakı, 12 iyul, SalamNews.İyulun 15-də Azərbaycan Mərkəzi Bankı (AMB) tərəfindən vəsaitlərin cəlb edilməsi üzrə depozit hərracı keçiriləcək.

SalamNews-un məlumatına görə, saat 11:00-11:15 aralığında təşkil ediləcək hərrac "Blumberq" ticarət sistemi platformasında həyata keçiriləcək. Hibrid formalı hərracla bağlı məlumatın platformada göndərilmə vaxtı 10:00-dır.

Hərracda məbləğ 100 000 000 (yüz milyon) manat, müddət 14 gün, faiz dərəcəsi isə 6,51% - 8,49%-dir.