DÜNYA » SİYASƏT
26 İyul 2019, 13:10 (GMT +4)

İsrail hökuməti ilə bütün razılaşmaların ləğvi ən yaxşı həll yoludur - Mahmud Abbas

Bakı, 26 iyul, SalamNews. İsrail hökuməti ilə bütün razılaşmaların ləğvi ən yaxşı həll yoludur.

SalamNews Əl-Mayadinə istinadla xəbər verir ki, bunu Fələstin prezidenti Mahmud Abbas söyləyib.

Fələstin Muxtariyyətinin başçısı bu gün rəsmi açıqlama verib.

"Fələstin xalqı həqiqi və təxirəsalınmaz addımlar atacaq. Qərarlarımız yerinə yetiriləcəkdir. Fələstin probleminin təcili həllinə ehtiyacımız var. Eyni zamanda bu strategiya səhv yolların düzəldilməsi üçün bir addımdır", açıqlamada deyilir.

Qeyd edək ki, Fələstin milli administrasiyasının rəhbəri PNA rəhbərliyinin İsrail ilə bütün razılaşmaların dayandırılmasına qərar verdiyini açıqlayıb.