DÜNYA » SİYASƏT
10 Avqust 2019, 15:08 (GMT +4)

ABŞ Türkiyə ilə Suriya üzrə əldə edilən razılaşmanı alqışlayır 

Bakı, 10 avqust, SalamNews. Türkiyə və ABŞ Ankaradakı danışıqlarda Suriyanın şimal-şərqində davamlı təhlükəsizlik mexanizminin yaradılması istiqamətində əhəmiyyətli irəliləyiş əldə etdilər.

SalamNews xəbər verir ki, bu barədə ABŞ dövlət katibi Mayk Pompeo "Twitter"də yazıb.

Dövlət katibi Türkiyə ilə ABŞ arasında Suriya üçün Birgə Əməliyyat Mərkəzinin yaradılması haqqında razılaşmanı alqışlayıb.

“Şadam ki, ABŞ və Türkiyə arasındakı danışıqlar Suriyanın şimal-şərqində ümumi təhlükəsizlik problemlərinin həlli üçün davamlı bir mexanizm yaratmaqda əhəmiyyətli irəliləyişə səbəb oldu. Təhlükəsizlik zonalarının yaradılması sülhə doğru böyük bir addım olardı", deyə Pompeo yazıb.