DÜNYA » SİYASƏT
21 Noyabr 2019, 12:38 (GMT +4)

Rusiya hərbi polisi ABŞ-ın Suriyadakı keçmiş bazasını tutub

Bakı, 21 noyabr, SalamNews. Rusiya hərbi polisi Suriyanın şimalında ABŞ-ın tərk etdiyi Sirrin bazasını tutub. SalamNews-un RİA Novosti-yə istinadən verdiyi xəbərə görə, bunu zabit Səfər Səfərov bildirib.

O, bu bazanı nəzarət nöqtələrindən biri adlandırıb. İndi Rusiya hərbçiləri Mənbicdən keçən humanitar yardım karvanlarını müşayiət edə bilərlər.

"Amerikalılar getdikdən sonra Mənbic kantonunun bütün ərazisinin məsuliyyəti bizim üzərimizə düşüb", Səfərov deyib.

Onun sözlərinə görə, bir müddət əvvəl baza ABŞ-a məxsus olub, burada hətta işləyən generator, avadanlıq, mebel və aktiv uçuş-enmə zolağı da var.