QAFQAZ » HADİSƏLƏR
22 Oktyabr 2020, 13:43 (GMT +4)

Gürcüstan DİN Zuqdididə girov götürülmüş 43 nəfərin azadlığa buraxıldığını açıqlayıb

Bakı, 22 oktyabr, SalamNews. Gürcüstanın Zuqdidi şəhərində bankda naməlum şəxs tərəfindən saxlanılan azı 43 girov Gürcüstan hüquq-mühafizə orqanlarının əməkdaşları tərəfindən sərbəst buraxılıb və təhlükəsiz yerə aparılıb.

SalamNews xəbər verir ki, bu barədə ölkənin Daxili İşlər Nazirliyi məlumat yayıb.

Hadisə yerində istintaq tədbirləri davam edir.

"Hazırda bank binasında silahlı şəxs  tərəfindən ələ keçirilən 43 girov sərbəst buraxılıb, polis əməkdaşları onları təhlükəsiz yerə aparıb. Hadisə yerində istintaq əməliyyatı  davam etdirilir", - açıqlamada deyilir.