BMT ABŞ-ın Paris İqlim Sazişinə rəsmi olaraq nə zaman qayıdacağını açıqlayıb

Bakı, 21 yanvar, SalamNews. ABŞ rəsmi olaraq 19 fevral tarixindən Paris İqlim Sazişi çərçivəsində götürdüyü öhdəliklərini yerinə yetirməyə davam edəcək.

SalamNews -un TASS-a istinadən verdiyi xəbərə görə, bu barədə BMT baş katibi Antonio Quterreşin açıqlamasında deyilir.

"ABŞ üçün Paris Sazişi 19 fevral 2021-ci il tarixindən  qüvvəyə minəcək", - rəsmi saytda yayımlanan sənəddə deyilir.

Qeyd edək ki, ABŞ Prezidenti Co Bayden, BMT-nin Baş katibi Antonio Quterreşə  məktub göndərərək, ABŞ-ın Dünya Səhiyyə Təşkilatına geri döndüklərini də açıqlayıb.