AZƏRBAYCAN » CƏMİYYƏT
31 İyul 2021, 10:26 (GMT +4)

DİN: Ötən gün COVİD-19 pasportu olmayan 2 461 nəfər şənliklərə buraxılmayıb

Bakı, 31 iyul, SalamNews. İyulun 30-da Daxili İşlər Nazirliyinin (DİN), Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 289 toy şənliyinin monitorinqini həyata keçirib.

Bu barədə SalamNews-a DİN-in Mətbuat xidmətindən məlumat verilib.

Monitorinq 225 şadlıq sarayında, 64 şəxsi həyətyanı sahədə keçirilən şənlikləri əhatə edib.

Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə, 84 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub, 1 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə inzibati qaydada həbs edilib, 2 nəfər barədə material baxılması üçün məhkəməyə göndərilib, 2461 nəfər COVID-19 pasportu olmadığına görə şənliyə buraxılmayıb.