DÜNYA » CƏMİYYƏT
31 İyul 2021, 12:17 (GMT +4)

İran Türkiyəyə saniyədə 4 ton su vuran İL-76 təyyarəsi göndərir

Bakı, 31 iyul, SalamNews. İran Türkiyədəki meşə yanğınları ilə mübarizə məqsədi ilə bu ölkəyə  amfibiya (yanğınsöndürən) təyyarəsi və iki helikopter göndərəcək.

SalamNews xəbər verir ki, "Sözcü" qəzetinin müxbiri Saygı Öztürkün iranlı səlahiyyətlilərə istinadən verdiyi xəbərə görə, 10 saniyədə 40 ton su ata bilən "IL-76" təyyarəsi  bu gün Dalaman Hava Limanına enəcək.

İranın göndərdiyi təyyarənin ölkədə də yanğın söndürmə məqsədləri üçün də istifadə edildiyi qeyd edilir.

İranlı səlahiyyətlilər açıqlamalarında "dost və qardaş Türkiyəni dəstəkləmək üçün təyyarə və helikopter göndərdiklərini" bildirib.