DÜNYA » İDMAN
18 Sentyabr 2021, 16:36 (GMT +4)

“Bursaspor”un baş məşqçisi Namik Ələskərovla xüsusi görüş keçirib

Bakı,  18 sentyabr, SalamNews, R.Nadirli. Milli komandamızın üzvü Namik Ələskərovun şərəfini qoruduğu "Bursaspor" Türkiyə 1-ci liqasının 6-cı turunda səfərdə "Tuzlaspor"la qarşılaşacaq.

SalamNews xəbər verir ki, Bursa təmsilçisinin baş məşqçisi Fatih Təkkə bu matçdan öncə həmyerlimizlə özəl görüş keçirib. 44 yaşlı mütəxəssis Namikə "hazır ol" mesajı verib və növbəti oyunda ona start heyətində şans verəcəyini bildirib.

Qeyd edək ki, Namik Ələskərov 5-ci turda "Samsunspor"la görüşdə (4:1) meydana 2-ci hissədə daxil olaraq 2 məhsuldar ötürmə ilə yadda qalıb.