Putin: ABŞ-ın rəngli inqilabları dəstəkləməsi Ukraynada bugünkü böhrana gətirib çıxarıb

İstanbul, 5 aprel, SalamNews. Rusiya ilə ABŞ arasında münasibətlər dərin böhran yaşayır.

SalamNews xəbər verir ki, bunu Rusiya prezidenti Vladimir Putin xarici dövlətlərin yeni səfirlərinin etimadnaməsini qəbulu mərasimində deyib.

Rusiya liderinin sözlərinə görə, ABŞ-ın öz xarici siyasətində rəngli inqilabları dəstəkləməsi,o cümlədən Ukraynada, bu günkü böhrana gətirib çıxarıb. 

Rusiya ABŞ-la münasibətlərin yalnız bərabərlik, suverenliyə hörmət və daxili işlərə qarışmamaq prinsipləri əsasında qurulmasının tərəfdarıdır. Biz həmişə Rusiya-Amerika münasibətlərinin yalnız bərabərlik, bir-birinin suverenliyinə və maraqlarına hörmət, daxili işlərə qarışmama prinsipləri əsasında qurulmasının tərəfdarı olmuşuq. Gələcəkdə bunu rəhbər tutacayıq", - deyə Rusiya Prezidenti vurğulayıb. 

Qeyd edək ki, Rusiya prezidentinə etimadnamələrini təqdim edən səfirlər arasında ABŞ-ın yeni səfiri Linn Treysi də var.