“Gənclik” metro stansiyasının keçidlərində foto sərgisi açılıb (FOTOLENT)

Bakı, 15 iyul, SalamNews, Ş.Nəzərli. “Bakı Metropoliteni” QSC və “Kapital Bank”ın təşkilatçılığı ilə bu gün metronun “Gənclik” stansiyasının keçidlərində foto sərgisi açılıb.

SalamNews xəbər verir ki, sərgidə 38 müəllifin 92 foto əsəri nümayiş olunur. Ağ-qara və rəngli formatda təqdim olunmuş fotolar sərbəst mövzuda çəkilib.

Metropolitenin marketinq və xidmət şöbəsinin rəisi Lalə Babayevanın sözlərinə görə, bundan əvvəlki sərgi iyunun 1-də Uşaqların Beynəlxalq Müdafiə Günü münasibəti ilə “Nəriman Nərimanov” stansiyasında keçirilib. Sayca ikinci olan indiki sərgi noyabr ayının 15-nə kimi davam edəcək.

L.Babayeva onu da bildirib ki, foto sənəti həvəskarlarının marağı nəzərə alınaraq bu qəbildən olan sərgilər mütəmadi xarakter daşıyacaq.