Bakıda iş axtaranlar üçün vakansiyalar elan edilib

Bakı, 3 oktyabr, SalamNews, C.Nəzərov. 9-11 oktyabr tarixlərində Bakı Ekspo Mərkəzində doqquzuncu “Karyera” Azərbaycan Beynəlxalq Sərgisi keçiriləcək.

SalamNews xəbər verir ki, bu il “Karyera” sərgisində "Azercell", "Azersun Holding", "Formula1 Baku European Grand Prix", "Gilan Holding", "Halliburton" (ABŞ), SOCAR, "SOCAR Polymer" şirkətləri, Bakı Metropoliteni və digərləri iştirak edir.

İş axtaranları aşağıdakı ixtisaslar üzrə vakansiyalar gözləyir:

"Azercell": çağrı mərkəzi əməkdaşı, IT mütəxəssisi, marketinq meneceri

"Azersun Holding": proqramçı, ixracat üzrə mütəxəssis, satınalma üzrə mütəxəssis, direktor asistenti

Bakı Metropoliteni: energetika sahəsində mühəndis, elektriklər, mexaniklər, avtomatçılar. Ali təhsil tələb olunmur.

"Gilan Holding": IT mütəxəssisi, mühasib, ofis meneceri, HR menecer, auditor, maliyyə analitiki, satınalma üzrə mütəxəssis, kulinar

"SOCAR Polymer": "Engineering IPMT" – aparıcı mühəndis-konstruktor HSE, mülki supervayzer, boru kəməri üzrə aparıcı mühəndis, aparıcı kontrakt mühəndisi, ehtiyat hissələri üzrə koordinator

"Sumgayit PMC": HSE rəhbər, QA/QC supervayzer

HR departamenti – təlim və inkişaf üzrə mütəxəssis

Bildirək ki, "Formula1 Baku European Grand Prix" sərgidə öz vakansiyalarını təqdim etməklə yanaşı, həm də 2016-cı ilin iyul ayında Bakıda baş tutacaq “Formula-1” (F1) sinfi avtomobil yarışları üzrə Avropa Qran-pri yarışlarına könüllülərin toplanışını həyata keçirəcək.

“Karyera” sərgisinə giriş iş axtaran hər bir şəxs üçün açıqdır.

Sərgi günlərində ziyarətçiləri mütəmadi olaraq “Koroğlu” metrosuna və geriyə çatdıran xüsusi avtobuslar təşkil ediləcək.