Gəncədə beynəlxalq “Episkeptis” dekorativ-tətbiqi sənət sərgisi keçiriləcək

Bakı, 13 iyul, SalamNews, Ş.Nəzərli. “Miras” Mədəni İrsin Öyrənilməsinə Kömək İctimai Birliyi və Gəncə şəhər Uşaq Rəssamlıq Məktəbinin təşkilatçılığı ilə iyulun 16-17-də Gəncədə beynəlxalq “Episkeptis” (“qonaq”, “kimisə dostcasına ziyarət edən şəxs” - yunan) dekorativ-tətbiqi sənət sərgisi keçiriləcək.

Sərginin kuratoru Məhbarə Abbasovanın SalamNews-a verdiyi məlumata görə, tədbirdə S.Q.Stroqanov adına Moskva Dövlət Sənaye-İstehsalat Akademiyasının müəllim və tələbə kollektivinin bədii şüşə əsərləri və Gəncənin dekorativ-tətbiqi sənət rəssamlarının şüşə üzərində vitraj, milli geyim nümunələri, zərgərlik və s. mövzularda işlənmiş əsərləri nümayiş olunacaq.

Ekspozisiyada ümumilikdə 15 rəssamın 30 əsəri nümayiş etdiriləcək.