Somalinin paytaxtında polis NBM-ində partlayış baş verib, 10 nəfər ölüb

Bakı, 26 noyabr, SalamNews, C.Nəzərov. Somalinin paytaxtı Moqadişoda polis nəzarət-buraxılış məntəqəsində (NBM) baş verən partlayış nəticəsində ən azı 10 nəfər ölüb.

SalamNews-un “Reuters” agentliyinə istinadən verdiyi xəbərə görə, bu barədə yerli polisin məlumatında deyilir.

“Partlayış polis NBM-ində Vaberi məhəlləsindəki tərəvəz bazarı yaxınlığında baş verib.”, - polis nümayəndəsi Məhəmməd Husseyn bildirib.

Onun sözlərinə əsasən, hadisə nəticəsində bir neçə polis və dinc sakindən ibarət ən azı 10 nəfər həlak olub, eyni sayda insan yaralanıb.

Partlayışla bağlı məsuliyyəti hələlik heç bir terror təşkilatı üzərinə götürməyib.