"Məşədi Dadaş" məscidində 20 Yanvar faciəsinin qurbanları anılacaq

Bakı, 16 yanvar, SalamNews, M.Sadiq. Hər il olduğu kimi bu il də paytaxtın "Məşədi Dadaş" məscidində 20 Yanvar faciəsi qurbanlarının xatirəsinə həsr olunmuş anım mərasimi keçiriləcək.

Bu barədə SalamNews-a məscinin axundu, ilahiyyatçı alim Hacı Şahin Həsənli məlumat verib.

İlahiyyatçının sözlərinə görə, mərasim yanvarın 20-də günorta namazı camaatla qılındıqdan sonra başlanacaq.

Məclis Qurani-kərim qiraəti, dualar və moizədən ibarət olacaq.

Qeyd edək ki, bu il 20 Yanvar faciəsindən 27 il keçir.