Somalidə hotelə hücum zamanı 14 nəfər həlak olub, 25 yaralı var

Bakı, 25 yanvar, SalamNews, C.Nəzərov. Somalinin paytaxtı Moqadişoda terrorçuların hotelə hücumu nəticəsində ən azı 14 nəfər ölüb, 25 nəfər yaralanıb.

SalamNews-un xəbərinə görə, bu barədə “Al Jazeera” televiziya kanalının “Twitter” səhifəsində məlumat yerləşdirilib.

Bundan əvvəl Moqadişoda bir qrup terrorçunun, ehtimalən, minalanmış avtomobillə hotelin qapılarını taran edərək binaya girdiyi bildirilib.

Xəbər vediyimiz kimi, hücumla bağlı məsuliyyəti “əş-Şəbab” terror qruplaşması üzərinə götürüb.