Mobil versiya RU AZ
_




AZƏRBAYCAN » CƏMİYYƏT

ANAMA-nın yaradılmasının 20 illik yubileyi qeyd edilib

19 İyul 2018, 12:40 (GMT +4)

Bakı, 19 iyul, SalamNewsİyulun 18-də Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) yaranmasının 20 illik yubileyinə həsr olunmuş tədbir keçirilib.

SalamNews xəbər verir ki, tədbir iştirakçıları əvvəlcə silah-sursat maketlərinin nümayiş etdirildiyi sərgi ilə tanış olublar.

Tədbirin rəsmi hissəsi Azərbaycan Respublikasının dövlət himninin səsləndirilməsi ilə başlayıb.

Azərbaycan Respublikası Prezidentinin hüquq mühafizə orqanları ilə iş və hərbi məsələlər üzrə köməkçisi - şöbə müdiri Fuad Ələsgərov Azərbaycan Respublikası Ərazilərinin Minalardan Təmizlənməsi üzrə Milli Agentliyin yaranmasının 20 illik yubileyi münasibətilə dövlətimizin başçısı İlham Əliyevin təbriklərini çatdırıb.

Agentliyin uğurlu fəaliyyətindən danışan Fuad Ələsgərov bildirib ki, ANAMA 1998-ci il iyulun 18-də ümummilli lider Heydər Əliyevin Fərmanı əsasında yaradılıb. Belə ki, Ermənistan–Azərbaycan, Dağlıq Qarabağ münaqişəsi ilə bağlı gərgin danışıqların getdiyi bir dövrdə ümummilli lider Heydər Əliyev işğaldan azad olunacaq torpaqlarımıza geri qayıdacaq məcburi köçkünlərin təhlükəsizliyini düşünür və bu istiqamətdə tədbirlər görürdü. Fəaliyyət göstərdiyi 20 il ərzində ANAMA qarşısında qoyulmuş tapşırıqları uğurla yerinə yetirib və öz sıralarına peşəkar kadrlar cəlb edib, maddi-texniki bazasını müasir standartlar səviyyəsinə yüksəldib.

Prezidentin köməkçisi vurğulayıb ki, 2017-ci ildə Azərbaycan Respublikası Prezidentinin işğaldan azad edilmiş Cəbrayıl rayonunun Cocuq Mərcanlı kəndinin bərpası ilə bağlı müvafiq sərəncamlarına uyğun olaraq, qısa müddətdə 3,5 milyon kvadratmetrdən çox ərazi minalardan təmizlənib. ANAMA fəaliyyətə başladığı dövrdən bir çox beynəlxalq təşkilatlar, eləcə də ayrı-ayrı dövlətlərin müvafiq strukturları ilə səmərəli əməkdaşlıq qurub, qarşılıqlı təcrübə mübadiləsi aparıb. Agentliyin yalnız Azərbaycanda deyil, başqa dövlətlərin ərazilərində də əməliyyatlara cəlb edilməsi onun əməkdaşlarının yüksək peşəkarlığının göstəricisidir.

Minalardan təmizləmə peşəsinin sahibləri əksər hallarda öz həyat və sağlamlıqlarını təhlükə altına ataraq şərəfli və humanist vəzifələrini icra edirlər. Onların fəaliyyətinə ölkə rəhbərliyi tərəfindən də xüsusi diqqət yetirilir, Agentliyin maddi-texniki təchizatı daim gücləndirilir, onun əməkdaşları dövlət mükafatları ilə təltif olunurlar.

“Azərbaycan Prezidenti İlham Əliyev ANAMA ilə səmərəli əməkdaşıq qurmuş xarici tərəfdaşların, donor ölkə və təşkilatların fəaliyyətini yüksək qiymətləndirir və əmin olduğunu bildirir ki, bu əməkdaşlıq bundan sonra da inkişaf edəcək”, - deyə Fuad Ələsgərov xüsusi vurğulayıb.

Agentliyin direktoru Qəzənfər Əhmədov tədbirdə çıxış edərək qurumun tarixindən danışaraq ümummilli lider Heydər Əliyevin Sərəncamı ilə ANAMA-nın yaradılmasının Azərbaycanda mina və partlamamış hərbi sursat probleminin həlli istiqamətində mühüm addım olduğunu bildirib. Diqqətə çatdırıb ki, Agentliyin təsis edilməsi piyadalar əleyhinə minaların qadağan olunması haqqında qlobal kampaniyanın - Ottava Konvensiyasının başlanması ilə üst-üstə düşüb. Bu ulu öndər Heydər Əliyevin uzaqgörən siyasətinə və dünyada gedən proseslərə strateji yanaşmasının bariz sübutudur.

Qeyd edilib ki, Agentliyin iş tempinin dayanıqlı olması, mina təhlükəsi ilə mübarızə proqramının inkişafı və səmərəli işləməsi üçün şəraitin yaradılması Prezident İlham Əliyevin bu sahəyə daimi diqqət və qayğısı sayəsində mümkün olub. ANAMA-nın direktoru bu qayğıya görə Prezident İlham Əliyevə və Birinci vitse-prezident Mehriban Əliyevaya dərin minnətdarlığını bildirib.

Qarşıya qoyulmuş məqsədə nail olmaq üçün ANAMA bu illər ərzində beynəlxalq ekspertlərlə birlikdə sabit milli potensial yaratmağa müvəffəq olub. Hazırda ANAMA-nın milli potensialı humanitar minatəmizləmə üçün bütün əsas resurs və vasitələrə - minaaxtaranlara, minaaxtaran itlərə, mexaniki minatəmizləmə maşınlarına, regional bazalara, təlim mərkəzlərinə, təlim, tədqiqat və keyfiyyətin təminatı qurumuna, xüsusi və çevik əməliyyat qruplarına malikdir. ANAMA-nın mina təhlükəsinə dair maarifləndirmə və minadan zərərçəkənlərə yardım sahələrində də təcrübəsi var və hər iki sahə üzrə layihələr bu gün də uğurla həyata keçirilir.

Qəzənfər Əhmədov Agentliyin yaradılmasının 20 illiyi münasibətilə Prezident İlham Əliyevin imzaladığı Sərəncamla qurumun 20 əməkdaşının müxtəlif orden və medallarla təltif edilməsini kollektivə göstərilən yüksək diqqət və qayğı ilə yanaşı, böyük etimad olduğunu vurğulayıb. O, yüksək diqqət və qayğıya görə ANAMA-nın kollektivi adından dövlətimizin başçısına dərin minnətdarlığını bildirib.

Diqqətə çatdırılıb ki, Agentlik respublikanın sərhədboyu cəbhəxətti ərazilərində, eyni zamanda, keçmiş Sovet ordusuna məxsus hərbi poliqonların, anbarların ərazilərində mina və partlamamış hərbi sursatların təmizlənməsi əməliyyatlarını yerinə yetirir. Agentliyin 20 illik fəaliyyəti dövründə 529 milyon 314 min 780 kvadratmetr ərazi təmizlənib, 796 min 972 mina və partlamamış hərbi sursat aşkarlanaraq zərərsizləşdirilib.

Agentliyin direktoru bildirib ki, BMT-nin İnkişaf Proqramı ilə fəal əməkdaşlıq edən qurum müxtəlif layihələr həyata keçirir. ANAMA-nın həyata keçirdiyi mina təhlükəsizliyinə dair maarifləndirmə proqramının müsbət nəticəsi olaraq əvvəlki illərə nisbətən əhali arasında mina və partlamamış hərbi sursatlardan yaralanma, xəsarət alma sayı sıfıra enib. Bu il ABŞ-ın Marşal İrsi İnstitutunun Agentliyə verdiyi minaaxtaran itlərdən biri dünyada minaaxtaran itlər arasında keçirilmiş tədqiqata əsasən həmin təşkilat tərəfindən birinciliyə layiq görülüb.

Qeyd edilib ki, 2016-cı ilin aprelində Ermənistan silahlı qüvvələrinin atəşkəsi pozması nəticəsində sərhədyanı və cəbhəboyu rayonların ərazilərində ANAMA tərəfindən hərbi sursatların təmizlənməsi əməliyyatları aparılıb və 2 milyon 757 min 495 kvadratmetr ərazi yoxlanılıb, 268 müxtəlif növ mina və partlamamış hərbi sursat aşkarlanaraq zərərsizləşdirilib.

ANAMA bir sıra beynəlxalq layihələrdə, xüsusilə Türkiyədə müxtəlif illərdə aparılan təmizləmə əməliyyatlarında da yaxından iştirak edib.

Q.Əhmədov deyib ki, Agentlik Azərbaycan Hökuməti və NATO-nun birgə layihələri çərçivəsində Ağstafa rayonunda partlamamış hərbi sursatların təmizlənməsi və zərərsizləşdirilməsi üzrə əməliyyatlar aparır. Bundan başqa, Azərbaycan Prezidentinin tapşırığına əsasən, ANAMA tərəfindən Əfqanıstan Minatəmizləmə Departamenti üçün milli potensialın yaradılması, keyfiyyət yoxlaması və mina aksiyalarında informasiya sistemləri üzrə işlər görülüb.

“Regionlarda əhalinin təhlükəsiz şəkildə yaşayışını və təsərrüfatla məşğul olmasını təmin etmək məqsədilə Agentlik tərəfindən Füzuli, Tərtər, Ağstafa, Ağdam, Ağcabədi, Qazax, Gədəbəy, Goranboy, Göygöl, Xocavənd, Tovuz rayonlarında 27 min 927 hektar ərazi yoxlanılıb və 663 min 942 ədəd partlamamış hərbi sursat və mina aşkarlanaraq zərərsizləşdirilib”, - deyə Qəzənfər Əhmədov vurğulayıb.

BMT-nin Azərbaycan Respublikasındakı rezident əlaqələndiricisi və İnkişaf Proqramının rezident nümayəndəsi Qulam İshaqzai ANAMA-nın yaradılmasının 20 illik yubileyi münasibətilə təbriklərini çatdırıb. Bildirib ki, humanitar minatəmizləmə fəaliyyətlərində göstərdiyi beynəlxalq standartlara cavab verən peşəkarlığa, müfəssəl metodoloji proqramlarına görə ANAMA BMT-nin İnkişaf Proqramının Azərbaycandakı nümayəndəliyi tərəfindən "Mükəmməllik sertifikatı"na layiq görülüb. ANAMA-nın minatəmizləmə sahəsində dərin bilik və bacarığa sahib olduğunu qeyd edən Q.İshaqzai diqqətə çatdırıb ki, qurum bu istiqamətdə qazandığı uğurlu təcrübəni digər ölkələrlə bölüşməkdədir.

Tədbirdə çıxış edən İordaniya Haşimilər Krallığının şahzadəsi, Minalardan Təmizləmə və Reabilitasiya üzrə İordaniya Milli Komitəsinin sədri Mirad bin Raad əl-Hüseyn deyib ki, Agentlik son 20 il ərzində böyük işlər görüb. Bu yeni nailiyyətlərin qazanılması üçün başlanğıcdır. ANAMA İordaniyanın müvafiq qurumu ilə ərazilərin hərbi sursatlardan təmizlənməsi sahəsində fəal əməkdaşlıq edir.

Sonda ANAMA-nın 20 illik fəaliyyətindən bəhs edən film nümayiş olunub.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

06 Dekabr 2019, 18:01 (GMT +4)
Bərdədə antisanitar şəraitdə məhsul istehsal edən pendir sexi aşkarlanıb

06 Dekabr 2019, 18:00 (GMT +4)
Pekin ABŞ-ın diplomatlara qoyulan məhdudiyyətlərə güzgü effekti ilə cavabını verir

06 Dekabr 2019, 17:53 (GMT +4)
Təhsil Nazirliyinin əməkdaşları autizm sindromlu uşaqlarla görüşüblər

06 Dekabr 2019, 17:49 (GMT +4)
BŞH Nəsiminin 650 illiyi münasibətilə keçirilən ağacəkmə aksiyasında iştirak edib

06 Dekabr 2019, 17:40 (GMT +4)
Təhsil naziri İordaniyanın yeni səfiri ilə görüşüb

06 Dekabr 2019, 17:39 (GMT +4)
ABŞ Yəmənə göndərildiyi iddia edilən raketlərin görüntülərini yayımlayıb (FOTO)

06 Dekabr 2019, 17:33 (GMT +4)
Putin “Şimal axını-2” borusunun tikintisini şərh edib

06 Dekabr 2019, 17:30 (GMT +4)
Azərbaycanda beynəlxalq və ölkədaxili sərnişin qatarlarının hərəkət cədvəli dəyişdirilir

06 Dekabr 2019, 17:21 (GMT +4)
Səfir Hidayət Orucova yubiley medalı təqdim edilib

06 Dekabr 2019, 17:19 (GMT +4)
Tramp Merkeli "fantastik qadın" adlandırıb

06 Dekabr 2019, 17:16 (GMT +4)
Lənkəran və Cəlilabadda “KOB Dostu” fəaliyyətə başlayıb

06 Dekabr 2019, 17:10 (GMT +4)
AQTA sədri Qoşqar Təhməzli Gürcüstana səfər edib

06 Dekabr 2019, 17:04 (GMT +4)
Facebook Ayətullah Xameneinin səhifəsini bağlayıb

06 Dekabr 2019, 17:01 (GMT +4)
Prezident: TRASEKA üzv ölkələrin iqtisadi potensialının artırılması işinə mühüm töhfələr verib

06 Dekabr 2019, 16:42 (GMT +4)
Poroşenko Zelenskiyə Putinlə təktəbək görüşlər barədə xəbərdarlıq verib

06 Dekabr 2019, 16:23 (GMT +4)
DGK və “Caspian European Club” B2G Forum təşkil edib

06 Dekabr 2019, 16:20 (GMT +4)
Kreml ABŞ-da rusların təqiblərinə qarşı çıxıb

06 Dekabr 2019, 16:08 (GMT +4)
Ayətullah Sistani xarici müdaxilə olmadan İraqda yeni baş nazirin seçilməsini istəyib

06 Dekabr 2019, 16:00 (GMT +4)
Sumqayıtda istehlak üçün yararsız olan 227 kq ət məhv edilib

06 Dekabr 2019, 15:44 (GMT +4)
"20th Century Fox" kinostudiyasının eks-prezidenti vəfat edib

06 Dekabr 2019, 15:34 (GMT +4)
AFFA-nın baş katibi Türkiyə millisinin baş məşqçisi ilə görüşüb

06 Dekabr 2019, 15:21 (GMT +4)
AzMİU ilə PMD Projects MMC arasında əməkdaşlıq müqaviləsi imzalanıb

06 Dekabr 2019, 15:12 (GMT +4)
ABŞ-da kor məhbus elektrik stulda edam edilib

06 Dekabr 2019, 15:00 (GMT +4)
Baş Nazirin müavini: Əkilən ağaclar Azərbaycanın ekoloji şəraitini yaxşılaşdıracaq

06 Dekabr 2019, 14:50 (GMT +4)
İspaniyada həkimlər 6 saat ürəyi dayanan xəstəni həyata qaytarıb

06 Dekabr 2019, 14:15 (GMT +4)
Nigeriyada neft boru kəmərinin partlaması nəticəsində 7 nəfər ölüb

06 Dekabr 2019, 14:13 (GMT +4)
SalamNews İA və İnterAz TV Nəsiminin 650 illik yubileyi münasibətilə ağacəkmə aksiyasında iştirak edib

06 Dekabr 2019, 14:06 (GMT +4)
Nazir Mikayıl Cabbarov Simonyanın təxribat xarakterli fikrinə cavab verib

06 Dekabr 2019, 14:00 (GMT +4)
Azərbaycanda sabaha gözlənilən hava proqnozu açıqlanıb

06 Dekabr 2019, 13:41 (GMT +4)
Salyanda piyadanı vurub hadisə yerindən qaçan sürücü tutulub

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66