Mobil versiya RU AZ
_




AZƏRBAYCAN » İQTİSADİYYAT

QDİƏT üzv dövlətlərinin nəqliyyat sahəsi üzrə nazirlər toplantısı keçirilib

25 Oktyabr 2018, 17:36 (GMT +4)

Bakı, 25 oktyabr, SalamNews. Qara Dəniz İqtisadi Əməkdaşlıq Təşkilatının (QDİƏT) nəqliyyat sahəsi üzrə işçi qrupunun iclası bu gün öz işini nazirlər toplantısı ilə davam etdirib. 

SalamNews xəbər verir ki, nəqliyyat, rabitə və yüksək texnologiyalar naziri Ramin Quluzadənin rəhbərlik etdiyi toplantıda Türkiyənin nəqliyyat və infrastruktur naziri Məhmət Cahid Turhan, Qara Dəniz İqtisadi Əməkdaşlıq Təşkilatının Baş katibi Maykl Kristides, eləcə də, Rusiya, Ukrayna, Yunanıstan, Ermənistan, Gürcüstan, Moldova, Rumıniya və Bolqarıstandan sahə üzrə məsul şəxslər iştirak edib.

Toplantıda Azərbaycan Respublikası nəqliyyat, rabitə və yüksək texnologiyalar naziri Ramin Quluzadə çıxış edib. O, iştirakçıları salamlayaraq bildirib ki, iclas Azərbaycanın Qara Dəniz İqtisadi Əməkdaşlıq Təşkilatında sədrliyi çərçivəsində keçirilir.
“Sədrlik dövründə bizim üçün prioritet regionda nəqliyyat qovşaqlarının inkişafı və regional əməkdaşlığın stimullaşdırılmasıdır”, - nazir qeyd edib.

Onun sözlərinə görə, təşkilat yarandığı gündən nəqliyyat sahəsində əməkdaşlıq iqtisadi və ticarət əlaqələrini stimullaşdıra bilən əsas istiqamət kimi müəyyənləşdirilib.

“QDİƏT çərçivəsində həyata keçirilən layihələr tərəflərin regionda yüksək inkişafa malik nəqliyyat infrastrukturu yaratmasına çalışmasını nümayiş etdirir. Biz təşkilat tərəfindən bu istiqamətdə görülən işləri yüksək qiymətləndiririk”, - nazir vurğulayıb.
Ramin Quluzadə iclasda çıxışında Azərbaycan tərəfindən müvafiq sahədə həyata keçirilən işlərdən söz açıb.

“Azərbaycan Respublikası xarici investisiyalar, o cümlədən qeyri-enerji sahələrinə sərmayələr üçün əlverişli şərait yaradaraq investisiya potensialını genişləndirir. Nəqliyyat kompleksi infrastrukturunun inkişafı, ondan istifadənin sadələşdirilməsi və xidmət keyfiyyətinin artırılmasına yönələn nəqliyyat layihələrinə investisiya qoyuluşu xüsusi əhəmiyyət kəsb edir”, - o deyib.

Nazir, həmçinin vurğulayıb ki, bu gün Azərbaycan bir sıra irimiqyaslı regional nəqliyyat layihələrinin həm təşəbbüskarı, həm də iştirakçısıdır: “Məhz nəqliyyat sahəsinin inkişafı sayəsində ölkəmiz regionun iri tranzit və logistika mərkəzinə və vacib nəqliyyat qovşağına çevrilir”.

Bundan əlavə, nazir bildirib ki, Azərbaycanda müasir texnologiyaların tətbiqi ilə beynəlxalq və respublika əhəmiyyətli avtomobil yollarının yaxşılaşdırılması üzrə geniş işlər davam etdirilir. Avtomobil nəqliyyatı sahəsində yük və sərnişin avtonəqliyyat parkının yenilənməsi, milli daşıyıcıların mövqeyinin və texniki təchizatının möhkəmləndirilməsi, beynəlxalq daşımaların təşkili metodlarının təkmilləşdirilməsi, rəqəmli taxoqrafların və “bir pəncərə” sisteminin tətbiqi ilə bağlı işlər görülür.

“Dəniz donanmasının yenilənməsi üzrə işlər mütəmadi olaraq həyata keçirilir. Xəzər dənizi regionunda multimodal daşımaların geniş tətbiqi, ümumilikdə dəniz daşımalarının sadələşdirilməsi və həcminin artırılması üçün yeni tanker və bərələr alınır”, - R.Quluzadə əlavə edib.

Nazir, həmçinin ötən ilin oktyabrında istismara verilmiş Bakı-Tbilisi-Qars dəmir yolu xəttinin, yeni Bakı Beynəlxalq Dəniz Ticarət Limanının əhəmiyyəti, Ələt azad iqtisadi zonasının yaradılması üzrə işlər haqqında danışıb.

R.Quluzadənin sözlərinə görə, bu layihələr və digərləri Qara dəniz və Xəzər dənizi regionunda birbaşa beynəlxalq avtomobil bərə və dəmir yollarının yaradılmasına xidmət etməklə Azərbaycan Respublikasının mühüm nəqliyyat qovşağı kimi tranzit potensialını artırır.

“Nəqliyyat sahəsinin inkişafı iqtisadiyyatın digər sektorlarının inkişafına bilavasitə təsir göstərir, turizm imkanlarının artmasına xidmət edir. Hesab edirik ki, regionun nəqliyyat potensialından maksimum istifadə və yeni çağırışlara reaksiya üçün biz hamımız nəqliyyat əməliyyatlarını effektiv koordinasiya etməli, göstərilən xidmətlərin səviyyəsini artırmalı, innovasiyalar tətbiq etməli, rəqabətli mühiti inkişaf etdirməli, maneələri aradan qaldırmalı və tranziti sadələşdirməliyik”, - nazir deyib.

Qara Dəniz İqtisadi Əməkdaşlıq Təşkilatının Baş katibi Maykl Kristides bildirib ki, Azərbaycan təşkilata sədrliyi dövründə uğurlu işlərə imza atıb. Eyni zamanda, digər ölkələrin nəqliyyat sahəsində təşkilatla əlaqələrinin inkişafına dəstək olub.

Türkiyənin nəqliyyat və infrastruktur naziri Məhmət Cahid Turhan bildirib ki, Bakı-Tbilisi Qars dəmiryolu xətti qitələri birləşdirməklə yanaşı, Qara dəniz bölgəsinin Avropa və Asiya nəqliyyat şəbəkələri üçün də dəhliz rolunu oynayır.

Daha sonra nümayəndə heyətlərinin başçıları, müşahidəçilər və beynəlxalq təşkilatların nümayəndələrinin bəyanatları dinlənilib.

Tədbirdə Qara Dəniz İqtisadi Əməkdaşlıq Təşkilatı regionunda nəqliyyat sahəsində əməkdaşlığın mövcud vəziyyəti, gələcək inkişaf prespektivləri və digər məsələlər müzakirə olunub.
Məlumat üçün bildirək ki, ölkəmiz 1992-ci ildən etibarən Qara Dəniz İqtisadi Əməkdaşlıq Təşkilatının təsisçi üzvüdür. Təşkilatın 12 daimi və 17 müşahidəçi üzvü var. QDİƏT-in Baş Qərargahı İstanbul (Türkiyə) şəhərində yerləşir.

Azərbaycan QDİƏT çərçivəsində bir sıra prioritet sahələr, o cümlədən ticarət, gömrük, nəqliyyat, enerji, ətraf mühit, informasiya-kommunikasiya, elm-tədqiqat və texnologiyalar və s. sahələr üzrə qarşılıqlı maraqlar əsasında əməkdaşlıq edir.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

QDİƏT Parlament Məclisinin 53-cü Baş Assambleyası Bakıda keçiriləcək

Çavuşoğlu: Azərbaycanın QDİƏT-ə sədrliyi müddətində bir sıra məsələlər həll edilib

Elmar Məmmədyarov: "QDİƏT iclası mövcud əməkdaşlıq səviyyəsini müzakirə etməyə imkan yaradacaq

QDİƏT-ə sədrlik Azərbaycandan Bolqarıstana keçəcək

Mariya Zaxarova: Dağlıq Qarabağ münaqişəsi QDİƏT sammitində müzakirə olunacaq

Ermənistan Bakıda keçiriləcək QDİƏT Nazirlər Şurasının iclasında təmsil olunacaq

QDİƏT-in Parlament Məclisinə sədrlik Azərbaycana keçib

QDİƏT nəqliyyat sahəsi üzrə işçi qrupunun iclası keçirilib

QDİƏT-də sədrlik Azərbaycana keçib

UNEC-in tələbəsi QDİƏT-in keçirdiyi beynəlxalq elmi müsabiqənin qalibi olub

MŞ sədri QDİƏT-in Parlament Məclisi Baş Assambleyasının sessiyasında çıxış edib

AMŞ sədri QDİƏT komitəsinin iclasında iştirak edib

Əflatun Amaşov QDİƏT komitəsinin iclasında iştirak edəcək

Əflatun Amaşov QDİƏTPM-in İstanbulda keçirilən sessiyasında çıxış edib

Ərdoğan QDİƏT toplantısında Azərbaycan əleyhinə danışan Ermənistan nümayəndəsini tənqid edib

Ərdoğan: QDİƏT problemlərin həllində effektiv bir vasitəyə çevrilməlidir

İstanbulda QDİƏT sammiti keçirilir

Dmitri Medvedev QDİƏT sammitində iştirak edəcək

Əflatun Amaşov QDİƏTPM-in Tiflisdə keçirilən 48-ci iclasında məruzə edib

Əflatun Amaşov QDİƏT-in Parlament Məclisinin Gürcüstandakı iclasında iştirak edəcək

26 Noyabr 2020, 19:31 (GMT +4)
Elxan Şahinoğlu: Azərbaycan-İran sərhədi dostluq sərhədinə çevriləcək

26 Noyabr 2020, 19:28 (GMT +4)
Azərbaycan Fransaya nota verib, səfir XİN-ə çağırılıb

26 Noyabr 2020, 18:23 (GMT +4)
“Azercell” “iPhone 12 Pro Max” və “iPhone 12 Mini”nin satışlarına başlayıb

26 Noyabr 2020, 17:59 (GMT +4)
Mikayıl Cabbarov: Qarabağda investisiya qoyulması üçün geniş imkanlar yaradılacaq

26 Noyabr 2020, 17:50 (GMT +4)
Azərbaycan manatının dövretmə sürəti cüzi artıb

26 Noyabr 2020, 17:43 (GMT +4)
Bu il əhali abonentlərinin 90 %-dən çoxu qazda güzəştli limiti keçməyib

26 Noyabr 2020, 17:36 (GMT +4)
Koronavirus: Azərbaycanda sutkalıq yoluxma və sağalma sayı açıqlanıb

26 Noyabr 2020, 17:24 (GMT +4)
Polietilen torba və plastik stəkan satanlar cərimələnəcək

26 Noyabr 2020, 17:10 (GMT +4)
Türkiyədə axtarışda olan şəxs Sumqayıtda həbs edilib

26 Noyabr 2020, 16:54 (GMT +4)
İsrail Tramp gedənə qədər işğal edilən Fələsitin ərazilərilə bağlı addım atacaq

26 Noyabr 2020, 16:35 (GMT +4)
Hulusi Akar: Fransa Dağlıq Qarabağ probleminin həll edilməməsinin tərəfdarıdır

26 Noyabr 2020, 16:22 (GMT +4)
Azərbaycanda hava şəraitinin dəyişəcəyi barədə xəbərdarlıq edilib

26 Noyabr 2020, 16:08 (GMT +4)
Çavuşoğlu və Stoltenberq Dağlıq Qarabağ məsələsini müzakirə edib

26 Noyabr 2020, 15:57 (GMT +4)
DİN koronavirusla bağlı vətəndaşlara xəbərdarlıq edib

26 Noyabr 2020, 15:44 (GMT +4)
Almaniyada ordumuzun tarixi qələbəsi münasibəti ilə aksiya keçirilib

26 Noyabr 2020, 15:32 (GMT +4)
Milli Məclisin sədri Laçınla bağlı açıqlama verib

26 Noyabr 2020, 15:29 (GMT +4)
İranda koronavirusa yoluxduğu qeydə alınanların sayı 900 mini ötüb

26 Noyabr 2020, 15:18 (GMT +4)
Milli Məclisin Fransaya etiraz bəyanatının tam mətni açıqlanıb

26 Noyabr 2020, 15:10 (GMT +4)
Dohada BMT-nin terrorla mübarizə ofisi açılacaq

26 Noyabr 2020, 15:04 (GMT +4)
Milli Məclis Fransaya etiraz etmək üçün işçi qrup yaradıb

26 Noyabr 2020, 14:57 (GMT +4)
Neftçala sakinindən silah götürülüb

26 Noyabr 2020, 14:42 (GMT +4)
Azərbaycan İƏT-ə üzv ölkələri Qarabağdakı layihələrdə iştiraka dəvət edib

26 Noyabr 2020, 14:35 (GMT +4)
Ermənilər Laçında da evləri yandıraraq tərk edirlər

26 Noyabr 2020, 14:23 (GMT +4)
“Azərenerji” daha bir mühüm layihənin həyata keçirilməsinə başlayıb

26 Noyabr 2020, 14:18 (GMT +4)
Əmlak Məsələləri Dövlət Xidməti ABŞ şirkəti ilə əməkdaşlığa başlayır

26 Noyabr 2020, 13:58 (GMT +4)
Bakıda kişi müəmmalı şəkildə qətlə yetirilib

26 Noyabr 2020, 13:43 (GMT +4)
Bakıda motosiklet, Lənkəranda avtomobil qaçırılıb

26 Noyabr 2020, 13:35 (GMT +4)
Azərbaycanda sabaha gözlənilən hava proqnozu açıqlanıb

26 Noyabr 2020, 13:24 (GMT +4)
Rusiyada son sutkada 520-dən çox insan COVID-19-dan ölüb

26 Noyabr 2020, 13:14 (GMT +4)
Fransadakı soydaşlarımız ölkə senatını Azərbaycanın haqlı mövqeyinə zidd addımları rədd etməyə çağırıb

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66