Mobil versiya RU AZ
_




AZƏRBAYCAN » İQTİSADİYYAT

“Azərsu” ötən il 68 min içməli suyun və 25 min tullantı suyunun nümunəsini analiz edib

14 Yanvar 2019, 18:00 (GMT +4)

Bakı, 14 yanvar, SalamNews. “İstehlakçılara verilən içməli suyun keyfiyyətinin, həmçinin kənarlaşdırılan tullantı sularının tərkibinin ekoloji standartlar çərçivəsində nəzarətdə saxlanılması “Azərsu” ASC-nin prioritet vəzifələrindəndir.

ASC-dən SalamNews-a verilən məlumata görə, səhmdar cəmiyyətin Mərkəzi Laboratoriyası Bakı şəhəri və regionlarda içməli suyun keyfiyyətini və tullantı sularının standartlara uyğunluğunu nəzarətdə saxlayır.

2018-ci ildə “Azərsu”yun Mərkəzi Laboratoriyası və istehsalat müəssisələrinin laboratoriyaları tərəfindən 68 min içməli su və 25 min tullantı su nümunəsinin analizləri aparılıb.

Ötən il analizlərin əsas hissəsi Mərkəzi Laboratoriya tərəfindən aparılıb. İl ərzində laboratoriyada içməli və tullantı sularının 35 min nümunəsi əsasında 174 min parametr təyin edilib. Bu 2017-ci illə müqayisədə nümunə sayında 21%, göstərici sayında isə 50% artım deməkdir. Keyfiyyətə nəzarət sahəsində müşahidə olunan ciddi artım göstəriciləri yeni su mənbələrinin istismara verilməsi, modul tipli sutəmizləyici qurğuların “Azərsu”yun xidmətinə verilməsi sayəsində mümkün olub.

Ümumilikdə, içməli su nümunələri Səhiyyə Nazirliyi Respublika Gigiyena və Epidemiologiya Mərkəzi ilə razılaşdırılmış qrafik əsasında su anbarları, nasos stansiyaları və su şəbəkələri, eləcə də təhsil və səhiyyə müəssisələri, mühüm dövlət obyektləri, mehmanxana, idman kompleksləri və digər obyektlərdən götürülmüş 33 min su nümunəsi üzrə 158 min göstərici təyin edilib. Eyni zamanda Ekologiya və Təbii Sərvətlər Nazirliyi ilə razılaşdırılmış qrafik əsasında təmizləyici qurğular, sənaye müəssisələri, şəhər kollektorları və s. nöqtələrdən götürülmüş 2400 tullantı su nümunəsinin 16 min parametri öyrənilib.

Hazırda “Azərsu”yun Mərkəzi Laboratoriyasında içməli suyun 51, tullantı sularının 54 olmaqla, ümumilikdə, 105 parametri üzrə analizlər aparılır.

Mərkəzi laboratoriyanın təcrübəsindən istifadə etməklə 2018-ci ildə regional laboratoriyaların yaradılması işlərinə başlanılıb və 4 regional laboratoriya fəaliyyətə başlayıb. Ümumilikdə, regionallarda 9 laboratoriyanın yaradılması istiqamətində işləri davam etdirilir. Regional laboratoriyalar Azərbaycanın ən ucqar ərazisində yerləşən mənbələrdəki suyun keyfiyyət göstəricilərini də nəzarətdə saxlamaq imkanı yaradır.

Qeyd edək ki, “Azərsu”yun Mərkəzi Laboratoriyası 16 sentyabr 2013-cü ildə fəaliyyətə başlayıb. İçməli su və tullantı suları bölmələrindən ibarət laboratoriyada Almaniya, Fransa, ABŞ, Yaponiya və digər ölkələrin beynəlxalq səviyyədə tanınmış şirkətlərinin avadanlıqları və cihazları quraşdırılıb. Bu cihaz və avadanlıqların köməyi ilə içməli su və tullantı sularının fiziki-kimyəvi və bakterioloji göstəricilərini təyin etmək, operativ, dəqiq və etibarlı analizlər aparmaq mümkündür. İstənilən ərazidə və şəraitdə analizlərin aparılması məqsədilə səyyar laboratoriya kimi fəaliyyət göstərən xüsusi təyinatlı nəqliyyat vasitələri alınıb.

Latviya Dövlət Akkreditasiya Qurumu (LATAK) tərəfindən beynəlxalq akkreditasiyadan keçən laboratoriya ötən dövrdə 4 səriştəlilik testi proqramına qoşulub. ABŞ-ın ERA və Böyük Britaniyanın FAPAS şirkətləri burada aparılan analizlərin standartlara uyğunluğunu təsdiqləyərək Mərkəzi Laboratoriyanı sertifikatla təltif edib.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

“Azərsun” Xocalı soyqırımı qurbanlarını silsilə tədbirlərlə anıb

Azərsun yerli məhsullara dəstək məqsədilə möhtəşəm aksiyaya start verib

“Azərsun Holdinq”də qanvermə aksiyası keçirilib (FOTO)

“Azərsun” Gənclər Gününə həsr olunmuş sosial aksiyaya qoşulub

“Azərsun Holdinq”in kollektivi Şəhidlər Xiyabanını ziyarət edib

“Azərsun Holdinq”də 20 yanvar faciəsinin qurbanları anılıb

“Azərsun Holdinq” ümummilli liderin xatirəsini yad edib

Prezident İlham Əliyev “Azərsu” ASC-ə 5 milyon manat ayırıb

“Azərsun Holdinq” Sumqayıt şəhərinin 70 illiyində iştirak edib

“Azərsun” Beynəlxalq Ətraf Mühit sərgisində iştirak edib

“Azərsu”nun “Qaynar xətt”inin fəaliyyəti müvəqqəti dayandırılacaq

"Azərsun Holdinq" mükafata layiq görülüb

"Azərsu” sədri Gəncədə vətəndaşları qəbul edib

“Azərsu” ASC-nin sədri Qazaxda vətəndaşları qəbul edib

"Azərsu" gücləndirilmiş iş rejiminə keçəcək

ETSN Bakıda ağacların qurudulmasına görə “Azərsu” barədə protokol tərtib edib

"Azərsun Holding"in komandası “Gilan Kuboku”nun qalibi olub

“Azərsu” Bakının Xətai rayonunda yeni layihələr həyata keçirir

“Azərsu” Şamaxı və Ağsunun 5 kəndində içməli su layihələrinin icrasına başlayıb

“Azərsu” ASC-nin sədri Beyləqanda vətəndaşları qəbul edib

26 Fevral 2020, 16:30 (GMT +4)
İtaliyada koronavirusa görə "Mission Impossible" filminin çəkilişi dayandırılıb

26 Fevral 2020, 16:17 (GMT +4)
Azercell ADA Universitetinin təqaüd proqramına dəstək olur

26 Fevral 2020, 16:15 (GMT +4)
Nyu-Delhidə qarşıdurmalar zamanı ölənlərin sayı 20-yə çatıb

26 Fevral 2020, 16:05 (GMT +4)
MN: Azərbaycan Ordusunda koronavirusa qarşı ciddi tədbirlər həyata keçirilir

26 Fevral 2020, 15:55 (GMT +4)
ABŞ-da prezidentliyə namizəd səfirliyi Qüdsdən Təl-Əvivə qaytaracağını bildirib

26 Fevral 2020, 15:51 (GMT +4)
Aprel şəhidi Nəcməddin Savalanov yaşasaydı bu gün 35 yaşı olacaqdı

26 Fevral 2020, 15:44 (GMT +4)
Xocalı ilə bağlı bəyanat Belarus XİN-ə və ölkədəki səfirliklərə təqdim edilib

26 Fevral 2020, 15:24 (GMT +4)
MSK: Ümumilikdə 328 seçki məntəqəsində nəticələr ləğv edilib

26 Fevral 2020, 15:11 (GMT +4)
Cənubi Koreyada koronavirusa yoluxanların sayı artıb 

26 Fevral 2020, 15:00 (GMT +4)
Dövlət Gömrük Komitəsinin sədri vətəndaşları qəbul edəcək

26 Fevral 2020, 14:59 (GMT +4)
İraqın Səlahəddin əyalətində əməliyyat zamanı 39 İŞİD-çi zərərsizləşdirilib

26 Fevral 2020, 14:52 (GMT +4)
Bu gün Cəlilabad xəstəxanasına koronavirusa görə 29 nəfər daxil olub (RƏSMİ)

26 Fevral 2020, 14:48 (GMT +4)
Türkiyə İdlib məsələsində güzəştə getməyəcək - Ərdoğan

26 Fevral 2020, 14:40 (GMT +4)
ABŞ Dövlət Departamenti Xocalı faciəsi ilə bağlı bəyanat verib

26 Fevral 2020, 14:27 (GMT +4)
Külli miqdarda xarici valyutanın ölkədən çıxmasının qarşısı alınıb

26 Fevral 2020, 13:54 (GMT +4)
Çoxistifadəli ekopaketlər polietilen torbaların istifadəsini azalda bilər

26 Fevral 2020, 13:47 (GMT +4)
İranda koronavirusdan ölənlərin sayı 19-a yoluxanlar isə 139-a çatıb

26 Fevral 2020, 13:44 (GMT +4)
Polşada qrip virusundan ümumilikdə 30-a yaxın insan ölüb

26 Fevral 2020, 13:35 (GMT +4)
Azərbaycan və Türkiyə prezidentləri arasında telefon danışığı olub

26 Fevral 2020, 13:30 (GMT +4)
Xəzərdə zəlzələ olub

26 Fevral 2020, 13:28 (GMT +4)
Türkiyə Azərbaycan torpaqlarının davam edən işğalını pisləyir - Türkiyə XİN

26 Fevral 2020, 13:20 (GMT +4)
“Nar”ın 4G istifadəçilərinin sayı 1 milyonu ötüb

26 Fevral 2020, 13:15 (GMT +4)
“Azərsun” Xocalı soyqırımı qurbanlarını silsilə tədbirlərlə anıb

26 Fevral 2020, 13:10 (GMT +4)
Xocalı faciəsinin 28-ci ildönümü - İNFOQRAFİKA

26 Fevral 2020, 13:04 (GMT +4)
Bakıdakı məktəblərdə ilk dərslər Xocalı soyqırımına həsr edilib

26 Fevral 2020, 12:53 (GMT +4)
İndoneziyada 6,2 bal gücündə zəlzələ baş verib

26 Fevral 2020, 12:49 (GMT +4)
Suriya Ordusu İdlibin cənubunda 8 kəndi radikal qruplaşmalardan azad edib

26 Fevral 2020, 12:43 (GMT +4)
Nəsimi rayonunda ağac və kolları kəsən şirkət cəzalandırılıb

26 Fevral 2020, 12:32 (GMT +4)
Prezident İlham Əliyev ABŞ Dövlət katibinin enerji diplomatiyası üzrə müavininin müşavirini qəbul edib

26 Fevral 2020, 12:31 (GMT +4)
Milli valyutada olan əmanətlər artıb

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66