Mobil versiya RU AZ
_




AZƏRBAYCAN » ELM VƏ TEXNOLOGİYA

Afad Qurbanovun 90 illik yubileyinə həsr olunan respublika elmi konfransı keçirilib

24 May 2019, 17:24 (GMT +4)

Bakı, 24 may, SalamNews. Bu gün Azərbaycan Milli Elmlər Akademiyasında görkəmli dilçi-alim, türkoloq, elm və təhsil təşkilatçısı, ictimai-siyasi xadim, müasir Azərbaycan əlifbasının müəllifi və onomastika elmi məktəbinin banisi, Əməkdar elm xadimi, Dövlət mükafatı laureatı, AMEA-nın müxbir üzvü Afad Qurbanovun 90 illik yubileyinə həsr olunan AMEA və Azərbaycan Respublikası Təhsil Nazirliyinin birgə təşkilatçılığı ilə respublika elmi konfransı keçirilib.

Tədbirdə AMEA-nın prezidenti, akademik Akif Əlizadə, təhsil nazirinin müavini İdris İsayev və hər iki qurumun rəsmi nümayəndələri və əməkdaşları, Rusiya Elmlər Akademiyasının prezidentinin müavini, akademik Taliya Xabriyeva, Türk Dil Qurumunun rəhbəri, professor Gürer Gülsevin və digər xarici qonaqlar, o cümlədən ölkənin aparıcı alimləri, gənc tədqiqatçılar, media nümayəndələri iştirak ediblər.

Akademiyanın Əsas binasında təşkil olunan tədbiri AMEA-nın prezidenti, akademik Akif Əlizadə giriş sözü ilə açaraq görkəmli alimin həyat və yaradıcılığından, onun zəngin elmi və pedaqoji fəaliyyətindən danışıb. Vurğulayıb ki, Azərbaycan dilçiliyinin ən görkəmli nümayəndələrindən olan, Azərbaycan SSR Elmlər Akademiyasının üzvü, SSRİ Elmlər Akademiyasının Sovet Türkoloqları Komitəsinin sədr müavini, milli və beynəlxalq akademiyaların akademiki Afad Qurbanovun dilçilik elminin inkişaf etdirilməsində mühüm xidmətləri olub. Onun dilçiliyin bir sıra sahələrinin əsasını qoyduğunu, Azərbaycan dilçiliyi, onomologiya, ümumi dilçilik, türkoloji dilçilik, bədii mətnin linqvistik təhlilinə dair filoloji elmi məktəb yaratdığını diqqətə çatdırıb.

Görkəmli alimin 1962-ci ildə namizədlik, 1968-ci ildə isə doktorluq dissertasiyalarını müdafiə etdiyini söyləyən natiq onun 1965-ci ildə dosent, 1970-ci ildə isə professor elmi adına layiq görüldüyünü diqqətə çatdırıb. Akademik Akif Əlizadə professor A.Qurbanovun 1983-cü ildə Azərbaycan SSR Elmlər Akademiyasının müxbir üzvü seçildiyini, həmçinin dünyanın bir sıra milli və beynəlxalq akademiyalarının fəxri akademiki, o cümlədən Türk Dil Qurumunun fəxri üzvü olduğunu bildirib. Nəzərə çatdırıb ki, 1990-1994-cü illərdə Milli Məclisin deputatı olan Afad Qurbanov Azərbaycan Əlifbası Komissiyasına sədrlik edib.

Akademik Akif Əlizadə Azərbaycan dilçiliyinin istiqamətlərinin müəyyənləşdirilməsində, dilçiliyin aktual problemlərinin tədqiqində və tədrisində böyük xidmətləri olan görkəmli alimin bir sıra monoqrafiya və dərsliklərin müəllifi olduğunu da əlavə edib. Onun əsərlərində Azərbaycan dilçiliyinin inkişafı və perspektivləri, dilçiliyin linqvistik və fəlsəfi nəzəri əsaslar üzərində təşəkkül tapması, eləcə də elmlərin təsnifi və dilçilik tarixinin müəyyənləşdirilməsi problemlərinə aydınlıq gətirilib. A.Qurbanovun elmi fəaliyyətinin hər zaman yüksək qiymətləndirildiyini bildirən akademik 1981-ci ildə ona Azər­bay­can SSR Əməkdar elm xadimi fəxri adı verildiyini əlavə edib. Vurğulayıb ki, görkəmli alim "Azər­baycan dilinin onomastikası" monoqrafiyasına görə Azərbaycan Respub­likası Dövlət Müka­fatına layiq görülüb.

Akademik Akif Əlizadə Azərbaycan dilçilik elmində əvəzsiz xidmətləri olan Afad Qurbanovun xatirəsinin hər zaman yaddaşlarda yaşayacağını söyləyib.

Sonra təhsil nazirinin müavini İdris İsayev çıxış edərək görkəmli alimin həyat və yaradıcılığından, elmi və pedaqoji fəaliyyətindən bəhs edib. A.Qurbanovun dilçiliklə yanaşı, türkologiya sahəsində də böyük və tanınmış alim olduğunu deyən natiq bildirib ki, o, Azərbaycan SSR Elmlər Akademiyasının, digər beynəlxalq akademiyaların üzvü olub, SSRİ Elmlər Akademiyasının Sovet Türkoloqları Komitəsinin sədr müavini vəzifəsində çalışıb.

Professor Afad Qurbanovun elmlə yanaşı, təhsil sahəsində də mühüm nailiyyətlərinin olduğunu vurğulayan İ.İsayev qeyd edib ki, o, Azərbaycan SSR Ali və Orta İxtisas Təhsili Nazirliyinin və Maarif Nazirliyinin Azərbaycan dili üzrə Tədris-Metodiki Şuralarının sədr müavini vəzifələrində çalışıb. Vurğulayıb ki, A.Qurbanov 1959-cu ildən ömrünün sonuna qədər Azərbaycan Pedaqoji İnstitutunda (indiki Azərbaycan Dövlət Pedaqoji Universiteti) müəllim, dekan, kafedra müdiri, filologiya və pedaqogika elmləri üzrə müdafiə şurasının sədri vəzifələrində çalışıb, 1981-1989-cu illərdə isə bu ali təhsil ocağının rektoru olub. Rektor və Azərbaycan SSR Ali Məktəbləri Rektorlar Şurasının Rəyasət Heyətinin sədr müavini işlədiyi müddətdə Azərbaycan Dövlət Pedoqoji İnstitutunun intibah dövrü və tamamilə yenidən qurulması, yeni kafedraların, regionda ilk hərbi fakültənin yaradılması, çoxmərtəbəli tədris binasının tikintisi, habelə sədri olduğu filologiya və pedoqogika üzrə o zaman yeganə olan respublika müdafiə şuralarının işinin keyfiyyətinin artırılması A.Qurbanovun adı ilə bağlıdır.

İ.İsayev Afad Qrubanovun Azərbaycan elmi və təhsilinin inkişafında əvəzsiz xidmətləri olduğunu, onun fəaliyyətinin bundan sonra da bu sahələrdə xüsusi əhəmiyyətə malik olacağını bildirib.

Tədbirdə çıxış edən akademik Taliya Xabriyeva A.Qurbanovun Azərbaycan dilçilik elmi və təhsil sisteminin inkişafında əvəzsiz xidmətləri olduğunu, onun elmi fəaliyyətinin müasir dövrdə də bəhrəsini verdiyini bildirib. Sonra akademik T.Xabriyeva Rusiya Elmlər Akademiyasının prezidenti, akademik Aleksandr Sergeyevin konfrans iştirakçılarına ünvanladığı təbrik məktubunu səsləndirib.

Konfransda Azərbaycan Dövlət Pedaqoji Universitetinin rektoru, professor Cəfər Cəfərov "Afad Qurbanovun təhsil təşkilatçılığı", professor Gürer Gülsevin "Afad Qurbanov və ortaq türk dili", AMEA-nın Humanitar Elmlər Bölməsinin akademik-katibi, akademik Teymur Kərimli "Afad Qurbanov və onomastika elmi məktəbi", AMEA-nm Nəsimi adına Dilçilik İnstitutunun direktoru, akademik Möhsün Nağısoylu "Afad Qurbanov və dilçilik elminin inkişafı", AMEA-nın A.A.Bakıxanov adına Tarix İnstitutunun direktoru, akademik Yaqub Mahmudov "Tarixdə Afad Qurbanov (Qaraqurbanlılar) şəcərəsi", Azərbaycanda Atatürk Mərkəzinin müdiri, akademik Nizami Cəfərov "Afad Qurbanov və ümumi dilçilik", professor Şükrü Halük Akalın "Afad Qurbanov və müasir Azərbaycan Əlifbası" mövzusunda məruzələrlə çıxış ediblər.

Çıxışlardan sonra Afad Qurbanovun xatirəsini əbədiləşdirən material­ların təqdimatı olub. "Azərmarka" MMC-nin direktoru Leyla Güləliyeva dilçi alimin yubileyi münasibətilə hazırlanmış poçt markasını nümayiş etdirib. Daha sonra Afad Qurbanovla bağlı xatirə kitabının və onun 13 cildlik seçilmiş əsərlərinin təqdimatı olub.

Sonda görkəmli alimin həyat və elmi fəaliyyəti haqqında qısametrajlı film nümayiş edilib.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Afad Qurbanovun yubileyi münasibətilə elmi konfrans keçiriləcək

“Türkologiyamızın Afad Qurbanovu” kitabının geniş təqdimatı keçirilib

Müasir Azərbaycan əlifbasının müəllifi görkəmli dilçi-alim Afad Qurbanovun 90-illik yubileyidir

“Dilçilik elmində Afad Qurbanov irsi” kitabının təqdimatı olub

22 Avqust 2019, 18:01 (GMT +4)
Dövlət İmtahan Mərkəzinin hazırlıq kurslarına qeydiyyat davam edir

22 Avqust 2019, 17:57 (GMT +4)
Egey dənizində təxminən bir ton ağırlığında beş metrlik köpək balığı tutulub

22 Avqust 2019, 17:55 (GMT +4)
“Nəqliyyat Agentləri” könüllülük proqramının iştirakçıları üçün təlim keçirilib

22 Avqust 2019, 17:53 (GMT +4)
Rəsmi Moskva Xan-Şeyxunun azad edilməsinə münasibət bildirib

22 Avqust 2019, 17:41 (GMT +4)
“Azərişığ"ın rəhbərliyi  Qərb bölgəsindən olan vətəndaşların müraciətlərini dinləyib

22 Avqust 2019, 17:41 (GMT +4)
Bərdədə top mərmisi tapılıb (FOTO)

22 Avqust 2019, 17:31 (GMT +4)
Taxta bazarındakı yanğında FHN-nin iki əməkdaşı xəsarət alıb

22 Avqust 2019, 17:25 (GMT +4)
BMT-in Yəmən üzrə rəsmisi husilərin lideri ilə görüşüb

22 Avqust 2019, 17:23 (GMT +4)
Baş prokuror Qubada vətəndaş qəbulu keçirəcək

22 Avqust 2019, 17:12 (GMT +4)
“Kənddən Şəhərə” yarmarkası davam edir

22 Avqust 2019, 17:11 (GMT +4)
Çində güclü yağışlar nəticəsində ölənlərin sayı 11 nəfərə çatıb

22 Avqust 2019, 17:01 (GMT +4)
Magistraturanın boş qalan yerlərinə qəbul olunanların qeydiyyatı sabah başa çatır

22 Avqust 2019, 16:50 (GMT +4)
“Azəriqaz”: Ölkədə qazlaşdırma səviyyəsi ümumilikdə 96%-ə yaxınlaşır

22 Avqust 2019, 16:36 (GMT +4)
Bakıda taxta bazarı yanır (FOTO/VİDEO)

22 Avqust 2019, 16:30 (GMT +4)
XİN: Rusiya İdlib üzrə Türkiyə ilə qarşılıqlı fəaliyyətini davam etdirəcək

22 Avqust 2019, 16:22 (GMT +4)
Əlilliyi olan şəxslərin özünüməşğulluğuna dəstək məqsədi ilə aparılan işlərin təqdimatı olub

22 Avqust 2019, 16:17 (GMT +4)
Suriya Ordusu tərəfindən mühasirədə qalan Türkiyə post patrul mövqeyinə atəş açılıb

22 Avqust 2019, 16:13 (GMT +4)
Vergilər Nazirliyi: Elektron qeydiyyat xidmətindən istifadə edənlərin sayı artır

22 Avqust 2019, 16:13 (GMT +4)
Türkiyədə ilin əvvəlindən 635 terrorçu zərərsizləşdirilib

22 Avqust 2019, 15:52 (GMT +4)
Bakı polisi avtomobillərinə səsgücləndirici quraşdıran sürücülərə çağırış edib

22 Avqust 2019, 15:40 (GMT +4)
Belçika millətçiləri Trampa Valoniyanı 1 avroya almağı təklif edirlər

22 Avqust 2019, 15:20 (GMT +4)
ABŞ-ın təzyiqlərindən sonra Paraqvay HƏMAS və Hizbullahı terror təşkilatı elan edib

22 Avqust 2019, 15:10 (GMT +4)
Peşə təhsili müəssisələrinə qəbul olunanların qeydiyyatı başlayır

22 Avqust 2019, 15:10 (GMT +4)
Ukraynanın ABŞ-dakı səfirliyi G7 liderlərinə müraciət edib

22 Avqust 2019, 14:57 (GMT +4)
Zaqatalada bir həftə əvvəl ağacdan yıxılan kişi xəstəxanada ölüb

22 Avqust 2019, 14:47 (GMT +4)
Nazir müavini: bütün vasitələrdən istifadə etməklə yanğınların söndürülməsinə çalışırıq

22 Avqust 2019, 14:31 (GMT +4)
Məhəmməd Cavad Zərif: Müharibəni başladan biz olmayacağıq 

22 Avqust 2019, 14:23 (GMT +4)
Avropa İttifaqı Rusiyanın G8-ə qayıtmasına qarşı çıxır

22 Avqust 2019, 14:18 (GMT +4)
Azərbaycan ilə Çin arasında hərbi-texniki əməkdaşlıq məsələləri müzakirə olunub

22 Avqust 2019, 14:08 (GMT +4)
ETSN: Ağac kəsən şəxs cəzalanıb

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66
12