Mobil versiya RU AZ
_




AZƏRBAYCAN » İQTİSADİYYAT

“KOB klaster şirkəti”nin meyarları təsdiqlənib

25 İyun 2019, 09:22 (GMT +4)

Bakı, 25 iyun, SalamNews. Vergilər Nazirliyi Prezident İlham Əliyevin 2018-ci il 26 iyun tarixli "Azərbaycan Respublikası Kiçik və Orta Biznesin İnkişafı Agentliyinin fəaliyyətinin təmin olunması haqqında" Fərmanına əsasən, "KOB klaster şirkəti"nin meyarlarını təsdiq edib.

Nazirliyin Media və kommunikasiya mərkəzindən SalamNews-a bildirilib ki, meyarlara əsasən, paylarının (səhmlərinin) nəzarət zərfi dövlətə məxsus olan hüquqi şəxslər istisna edilməklə, Azərbaycan Respublikasının qanunvericiliyinə uyğun qaydada kommersiya hüquqi şəxs kimi dövlət qeydiyyatına alınan vergiödəyiciləri "KOB klaster şirkəti" kimi fəaliyyət göstərə bilərlər. Belə şirkətlər həyata keçiriləcək “KOB klaster” layihəsi çərçivəsində "KOB klaster şirkəti"nin qarşılıqlı asılı olmayan azı 10 mikro, kiçik və orta sahibkarlıq subyekti ilə təsərrüfat əqdlərini bağlaması, klaster üzrə hazırlanan məhsulun xammal və materialının dəyərinin 50 faizinin klaster iştirakçılarından təchiz olunmasını təmin etməlidirlər. Həmin şirkətlərin nizamnaməsində əhəmiyyətli qərarların Kiçik və Orta Biznesin İnkişafı Agentliyi (KOBİA) ilə razılaşdırmaqla yerinə yetirməli olduğu əskini tapmalıdır.

"KOB klaster şirkəti"nin fəaliyyət sahəsi aşağıdakı 3 istiqamətdən birinə uyğun olmalıdır:

- Azərbaycan Respublikasında istehsal edilməyən yeni rəqabətqabiliyyətli məhsul yaradılması;

- İstehlakın 50 faizdən çox hissəsinin idxal hesabına ödənilən məhsulun yaradılması;

- Qonaqlama və yerləşdirmə xidmətlərinin (mehmanxana, motel, kempinq və sair) göstərilməsi.

Meyarlarda "KOB klaster şirkəti"nin həyata keçirəcəyi layihə üzrə investisiyanın minimum həcmi də müəyyən edilib. Bakı şəhərində (Bakıətrafı qəsəbələr istisna olmaqla) fəaliyyət göstərən şirkətlər üçün bu məbləğ 5 milyon manat, Bakıətrafı qəsəbələr və Abşeron rayonu üçün 3 milyon manat, Sumqayıt və Gəncə şəhərləri üçün 2,5 milyon manat, digər şəhər və rayonlar üzrə 1,5 milyon manat nəzərdə tutulub.

Naxçıvan Muxtar Respublikası, Füzuli, Xocavənd, Ağdam, Tərtər, Ağcabədi, Goranboy, Göygöl, Gədəbəy, Daşkəsən, Qazax, Tovuz, Ağstafa, Lerik, Yardımlı, Balakən və Qusar rayonları üzrə bu məbləğ 0,5 milyon manat olacaq. Həmin regionlarda "KOB klaster şirkəti" statusunu almaq üçün şirkətlərdən fəaliyyət sahələrinə dair tələblər üzrə nəzərdə tutulan meyarlara cavab vermələri tələb olunmur.

"KOB klaster şirkəti"nə dair tələblərə əsasən, onların layihə çərçivəsində illik dövriyyəsi KOBİA tərəfindən qəbul edilən maliyyə-iqtisadi əsaslandırma üzrə nəzərdə tutulan investisiya həcminin 20 faizindən az olmamaqla müəyyən ediləcək. Əməliyyatların tam həcmdə qanunla müəyyən olunmuş qaydada sənədləşdirilməsi (elektron qaimə-faktura, elektron vergi hesab-fakturası, yük gömrük sənədləri, ciddi hesabat sənədi olan alış aktları) təmin edilməlidir. "KOB klaster şirkəti" əməliyyatlar üzrə hesablaşmaların nağdsız qaydada aparılmasına üstünlük verməlidir. Tələblərə görə, vergidən yayınma üzrə cinayət məsuliyyətinə cəlb edilmiş şəxslər həmin şirkətlərdə rəhbər və təsisçi ola bilməzlər.

Meyarlara görə, "KOB klaster şirkəti" maliyyə-iqtisadi əsaslandırma üzrə fəaliyyətə başladığı barədə KOBİA və Vergilər Nazirliyinə 3 gün müddətində məlumat verməlidir. "KOB klaster şirkəti" fəaliyyətə başladığı vaxtdan hər təqvim ili başa çatdıqdan sonra 3 ay müddətində meyarların tələblərinin tam həcmdə yerinə yetirilməsi vəziyyəti barədə Kiçik və Orta Biznesin İnkişafı Agentliyinə və vergi orqanına arayış təqdim etməlidir.

"KOB klaster şirkəti"nin həyata keçirəcəyi layihə üzrə nəzərdə tutulan investisiyanın obyekti kimi əvvəllər sahibkarlıq fəaliyyətində istifadə edilmiş aktivlər, o cümlədən əsas vəsaitlər çıxış etmir və həmin aktivlərin dəyəri "KOB klaster şirkəti"nin həyata keçirəcəyi layihə üzrə investisiyanın həcminə daxil edilmir. Meyarlarla müəyyən olunmuş investisiya qoyuluşu çərçivəsində gömrük qanunvericiliyinə uyğun olaraq idxal gömrük sənədləri əsasında əldə edilmiş aktivlər və ya Vergi Məcəlləsinə uyğun olaraq elektron qaimə-faktura və ya elektron vergi hesab-fakturası əsasında əldə edilmiş aktivlər çıxış edə bilər.

"KOB klaster şirkəti"nin bu meyarlara cavab verməsi Kiçik və Orta Biznesin İnkişafı Agentliyi tərəfindən Vergilər Nazirliyi ilə razılaşdırılmaqla təqdim olunmuş şəhadətnamə ilə təsdiq edilir.

 


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

KOB-lar dövlət satınalmaları ilə bağlı məlumatlandırılır

Böyük Britaniyada "kobra" anti-böhran toplantısı keçiriləcək

KOBİA Koreyanın KOSME Agentliyi ilə əməkdaşlığın genişləndirilməsində maraqlıdır

KOBİA-nın informasiya və məsləhət xidmətlərindən yüzlərlə sahibkar yararlanıb

BMT KOBİA ilə əməkdaşlıq etmək niyyətindədir

Bakı Baş Gömrük İdarəsində "KOB Dostu" fəaliyyətə başlayıb

KOBİA və “Ernst & Yanq Holdinqs” şirkəti əməkdaşlıq edəcək

Bu gündən Şamaxıda “KOB Dostu” fəaliyyətə başlayıb

“KOB könüllüləri” sahibkarları məlumatlandırıb

KOB-lar I Sənətkarlıq Festivalında iştirak edir

KOBİA-nın səlahiyyətləri artırılıb

KOBİA tikiş sexinin sənədləşdirilməsində sahibkara dəstək göstərib

KOBİA İsveçrənin Kiçik və Orta Sahibkarlar Assosiasiyası ilə əməkdaşlıq edəcək

Gənclər Fondu KOBİA ilə birgə forum keçirib (FOTOLAR)

KOBİA qadın sahibkarlığının inkişafının təşkilati modellərini dəstəkləyəcək

KOBİA kiçik və orta biznes subyektlərinin dəstəklənməsinə yönələn modellər hazırlayır

KOBİA Özəl İnvestisiya Fondu yaradacaq

Şəkidə “KOB Dostu” fəaliyyətə başlayıb

KOB dostları özünüməşğulluğa dəstək göstərir

KOBİA turizm sahəsində fəaliyyət göstərən sahibkarlarla görüş təşkil edib

23 İyul 2019, 18:10 (GMT +4)
Narkotiklərin qanunsuz dövriyyəsi ilə mübarizədə “Qaynar xətt” yaradılacaq

23 İyul 2019, 17:53 (GMT +4)
Cavad Zərif Boris Consonu baş nazir seçilməsi münasibətilə təbrik edib

23 İyul 2019, 17:51 (GMT +4)
"Qaçqınkom"da Ağdamın işğal günü ilə bağlı tədbir keçirilib

23 İyul 2019, 17:43 (GMT +4)
Tramp: Conson İngiltərənin baş naziri postunda uğur qazanacaq 

23 İyul 2019, 17:43 (GMT +4)
Tələbələrin köçürülməsi üzrə elektron sənəd qəbulu başa çatıb

23 İyul 2019, 17:39 (GMT +4)
“Nar” şəbəkəsi gücləndirilmiş iş rejiminə keçirilib

23 İyul 2019, 17:30 (GMT +4)
KOB-lar dövlət satınalmaları ilə bağlı məlumatlandırılır

23 İyul 2019, 17:28 (GMT +4)
İslam Ölkələri Gənc Sahibkarlar Şəbəkəsinin Baş Assambleyası Bakıda keçiriləcək

23 İyul 2019, 17:16 (GMT +4)
Xabarovskda düşərgədə baş verən yanğında ölənlərin sayı 4-ə yüksəlib 

23 İyul 2019, 17:07 (GMT +4)
Bakı-2019: Azərbaycanın beş güləşçisi finala yüksəlib

23 İyul 2019, 16:57 (GMT +4)
Balakəndə meşədə narkotik becərən dəstə üzvləri saxlanılıb

23 İyul 2019, 16:47 (GMT +4)
Vergilər nazirinin birinci müavini Neftçala rayonunda vətəndaşları qəbul edəcək

23 İyul 2019, 16:45 (GMT +4)
Boris Conson Böyük Britaniyanın yeni baş naziri olacaq

23 İyul 2019, 16:41 (GMT +4)
Milli Məclisin deputatı Latviyaya gedəcək

23 İyul 2019, 16:33 (GMT +4)
Dövlət Komitəsinin sədri vətəndaşları qəbul edib

23 İyul 2019, 16:21 (GMT +4)
Azərbaycan sülhməramlılarının bir qrupu Əfqanıstana yola salınıb (FOTO)

23 İyul 2019, 16:18 (GMT +4)
Yəmən Səudiyyə Ərəbistanı aviabazasını cavab atəşinə tutub 

23 İyul 2019, 16:11 (GMT +4)
DGK-nın sədri Koreya Respublikasının Azərbaycandakı səfiri ilə görüşüb

23 İyul 2019, 16:08 (GMT +4)
Nigeriyada etiraz aksiyasında 6 nəfər polis tərəfindən güllələnib

23 İyul 2019, 16:00 (GMT +4)
EYOF: Azərbaycan üzgüçüsü yarımfinala çıxıb

23 İyul 2019, 15:52 (GMT +4)
Pərvanə İbrahimova növbəti dəfə «Ən yaxşı mətbuat katibi» seçilib

23 İyul 2019, 15:37 (GMT +4)
Mübariz Qurbanlı: Sosial mediada dinlə bağlı yayılan yazılar bəzi hallarda bizi qane etmir

23 İyul 2019, 15:12 (GMT +4)
İran Fars körfəzində koalisiya yaratmaq ideyasına münasibət bildirib

23 İyul 2019, 14:50 (GMT +4)
Bakının bəzi küçə və prospektlərdə nəqliyyatın hərəkət istiqaməti dəyişdiriləcək

23 İyul 2019, 14:44 (GMT +4)
Prezidentin yeni Fərmanı ilə DOST xidmətləri sırasına övladlığagötürmə üzrə xidmətlər də əlavə edilib

23 İyul 2019, 14:36 (GMT +4)
Bakı Avtovağzalından istifadə qaydaları ilə bağlı video hazırlanıb

23 İyul 2019, 14:30 (GMT +4)
Rusiya MN Seulun hava məkanının pozulması ilə bağlı ittihamlara cavab verib 

23 İyul 2019, 14:21 (GMT +4)
“Azərişıq” növbəti karvanı Goranboy və Sabirabada yola salıb (FOTO)

23 İyul 2019, 14:12 (GMT +4)
Bakıda şirniyyat sexinin fəaliyyəti məhdudlaşdırılıb

23 İyul 2019, 13:52 (GMT +4)
Diplomat: Təhdidlər Britaniya gəmisini azad etməyə kömək etməyəcək

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: [email protected]
Tel./Fax: (+99412) 555 1 313
(+7499) 120 63 66
12