Mobil versiya RU AZ
_




AZƏRBAYCAN » SİYASƏT

Əli Həsənov: Azərbaycan və Gürcüstan vətəndaşları qızışdırıcı çağırışlara uymamalıdırlar

17 İyul 2019, 09:26 (GMT +4)

Bakı, 17 iyul, SalamNews.“Keşikçi qala” sərhəd məntəqəsində baş vermiş məlum hadisə ilə bağlı Azərbaycan Prezidentinin ictimai-siyasi məsələlər üzrə köməkçisi Əli Həsənov AZƏRTAC-a açıqlama verib. Açıqlamada deyilir:

-İyulun 14-də “Keşikçi qala” sərhəd məntəqəsində bir qrup Gürcüstan vətəndaşı tərəfindən Azərbaycanın sərhəd növbətçi dəstəsinə qarşı insident törədilib. Dövlət Sərhəd Xidməti tərəfindən həyata keçirilmiş təxirəsalınmaz tədbirlər nəticəsində insident aradan qaldırılıb və ərazidə təhlükəsizlik təmin edilib.

Qeyd etməliyik ki, ümumiyyətlə, son aylar ərzində Azərbaycan və Gürcüstan arasında strateji münasibətlərin ruhuna tamamilə zidd olan bu tipli təxribatların artan xətt üzrə inkişafı müəyyən suallar doğurmaya bilməz. Artıq hər iki tərəfin ekspertləri səviyyəsində müzakirələrdə belə fikirlər səslənir ki, görünür, iki qonşu dövlət arasında formalaşmış dostluq, strateji tərəfdaşlıq münasibətləri kimlərisə ciddi narahat edir və bu ölkələri, onların xalqlarını qarşı-qarşıya qoymağa çalışan qüvvələr var. Müzakirələrdə bu qüvvələrin kimliyi barədə də müəyyən fikirlər səsləndirilir.

Şübhəsiz, Azərbaycan sərhədçilərinə qarşı törədilən son təxribat dövlətlər arasındakı münasibətlərə birbaşa zərbə vurmaq məqsədi daşıyır və ona görə də hər iki ölkənin müvafiq qurumları ciddi araşdırmalar aparmalı, bu təxribatı törədən qüvvələri müəyyən edərək onlara qarşı təsirli tədbirlər görməli idilər. Artıq Gürcüstanın Azərbaycandakı səfiri Xarici İşlər Nazirliyinə dəvət olunub, ondan məsələ ilə bağlı müvafiq izahat istənilib. Gürcüstan Xarici İşlər Nazirliyi də hadisəni pisləyən açıqlama ilə çıxış edib və bu istiqamətdə ciddi araşdırmalar apararaq günahkarların məsuliyyətə cəlb ediləcəyinə söz verib.

Əlbəttə, biz əminik ki, Azərbaycan və gürcü xalqları bundan sonra da belə məqamlarda təmkinlə, müdrikcəsinə davranaraq emosiyalara meydan verməyəcək, müvafiq rəsmi instansiyalar isə prinsipial şəkildə bu hadisələrin törədilməsində, iki dost ölkə arasında münasibətlərin gərginləşdirilməsində maraqlı olan qüvvələri, şəxsləri aşkarlayaraq cəzalandırılmasını təmin edəcəklər. Qaranlıq dairələrin dövlətlərarası münasibətlər müstəvisində söz sahibinə çevrilməsinə imkan vermək olmaz və belə cəhdlərə birdəfəlik son qoyulmalıdır.

Bununla yanaşı, təəssüflə qeyd edilməlidir ki, baş verən hadisələrdə böyük güclərin geosiyasi maraqları və onların daxili siyasi qüvvələrlə manipulyasiya cəhdləri özünü aydın büruzə verir. Həmçinin istər Gürcüstanda, istərsə də Azərbaycanda əsasən xarici təsir altında olan bəzi maraqlı siyasi qruplar baş vermiş insidentdən yararlanmağa və hakimiyyət uğrunda mübarizədə belə həssas məqamlardan istifadə etməyə çalışırlar. Görünən odur ki, bəhs olunan qruplar mövcud vəziyyətdən bəhrələnmək istəyən üçüncü tərəflərin tarixi-dini stereotiplərlə manipulyasiyası üçün açıqdırlar və bəzən də bilərəkdən xarici təsir üçün könüllü alət rolunu oynayırlar. Biz əvvəllər də ölkəmizin strateji maraqlarına qarşı “beşinci kolon”un imkanlarından istifadə cəhdlərini ifşa etmişik və buna yol verməmək zərurəti haqqında danışanda məhz belə halları nəzərdə tuturuq.

Qafqazda yeni münaqişə ocağı yaratmaq istəyənlərin diplomatik münasibətləri pozmaq, silaha sarılmaq kimi təxribatçı bəyanatları artıq xeyli vaxtdır ki, eşidilməkdədir. Məqsəd, əlbəttə ki, Cənubi Qafqazda yeni münaqişə ocağı alovlandırmaq yolu ilə öz ambisiyalarını Azərbaycana və Gürcüstana qəbul etdirməkdən ibarətdir. Bunun üçün onlar bir tərəfdən Gürcüstanda daxili siyasi çəkişmələri qızışdırmağa, o biri tərəfdən Azərbaycanda daxili radikal qrupların bu ölkədəki proseslərlə bağlı təxribatçı çağırışlarını təşkil etməklə iki dost ölkə arasında mili-vətəndaş ehtiraslarını qızışdırmaq və bu fonda qarşıdurma yaratmağa can atırlar. Lakin onlara 2015-ci ildə Türkiyə ilə Rusiya arasında az qala qarşıdurmaya səbəb olmuş təyyarə insidentini xatırlatmaqla böyük diplomatik qalmaqaldan tərəflərin necə müdrikcəsinə çıxması nümunəsini xatırlatmaq istərdik. Həmin dövrdə də hər iki tərəfdə münasibətləri hərb meydanında ayırd etməyə çağırışlar olunurdu. Lakin Moskva və Ankara təxribata getmədilər, məsələnin kökünü araşdırdılar, günahkarlar tapıldı və ciddi fəsadlar vəd edən insident aradan qaldırıldı.

Buna görə də Azərbaycan və Gürcüstan vətəndaşları qızışdırıcı çağırışlara uymamalıdırlar. İndi emosional çağırışlar, impulsiv davranış deyil, təmkin və müdriklik nümayiş etdirməyin zamanıdır.

Azərbaycan sərhədlərinin demarkasiya və delimitasiyası ilə bağlı müzakirələr yalnız Gürcüstanla aparılmır. Tarixə nəzər salsaq görərik ki, bu məsələdə insident yaşanan yeganə sərhəd xətti də son hadisənin baş verdiyi “Şəmkir” sərhəd dəstəsinin ərazisi olmayıb. Amma Azərbaycan ictimaiyyəti onu da çox gözəl bilir ki, mübahisələr, insidentlər zamanı bizim diplomatlarımız və sərhədçilərimiz bəzən ağır, yorucu görünən müzakirələrdə heç vaxt təmkinlərini itirməyiblər, milli maraqlarımızı əzmlə, peşəkarlıqla qoruyublar, Azərbaycanın haqlı mövqeyindən zərrə qədər də geri addım atmayıblar və bundan sonra da belə olacaq.

Müdrik gürcü və Azərbaycan xalqları arasında dostluq əlaqələrinin çox dərin tarixi kökləri var, indiyə qədər bu xalqları qarşı-qarşıya qoymaq, ədavətə sövq etmək kimsəyə müyəssər olmayıb. Münasibətlərimizin tarixi təcrübəsi göstərir ki, bizim talelərimiz də xeyli dərəcədə oxşar və bir-birinə bağlıdır. Bu tarixi təcrübə bizi qarşı duran tərəflər deyil, tərəfdaş olmağı, müstəqilliyimizi birlikdə qorumağı, sivil dünyaya birlikdə inteqrasiya etməyi öyrədir. Biz iqtisadi sahədə uğurlu əməkdaşlıq nümunəsini ortaya qoymaqla, hər iki ölkəyə böyük dividendlər gətirən mühüm enerji və nəqliyyat layihələrini reallaşdırmaqla fəal tərəfdaşlığın ən bariz nümunəsini bütün dünyaya nümayiş etdirmişik. Ölkələrimiz üçün taleyüklü məqamlarda dost dəstəyinin, bu dostluğa sadiqliyin hansı anlama gəldiyini əməli işimizlə göstərmişik. Əminik ki, bundan sonra da dost Azərbaycan və gürcü xalqları arasında ədavət toxumları səpmək istəyənlərin cəhdləri heç bir nəticə verməyəcək. Radikal mövqe tutaraq xalqları, dövlətləri təxribata çəkmək, bir-birinə qarşı qoymaq meyilləri müdriklik, əsrlərin sınağından çıxmış qarşılıqlı etimad mühiti qarşısında məğlub olacaq və regionumuzun yeni reallıqlarını unudaraq orta əsrlərin xiffətini çəkənlərin ekstremist təşəbbüsləri iflasa uğrayacaq.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Əli Həsənov: Dövlətin təhlükəsizliyi və milli maraqlar hər şeydən üstün olmalıdır

Əli Həsənov: Azərbaycana və mövcud hakimiyyətə qarşı irəli sürülən ittihamlar hədəfsiz olur

Əli Həsənov: Böyük Britaniya Azərbaycanın Avropada ən etibarlı tərəfdaşlarından biridir

Əli Həsənov: İlham Əliyevin seçkilərdə yenidən qələbə qazanmasının əsasında ciddi amillər dayanır

Əli Həsənovun əsərləri Buxarestdə rumın dilində nəşr edilib

Əli Həsənov: Bob Woodwardın kitabında yayılan məlumat yalan və saxtadır

Əli Həsənov: Xocalı soyqırımını törədənlər illərlə Ermənistanı idarə etdilər

Əli Həsənov: Xocalı soyqırımının dünyada tanınması tarixi zərurətdir

Çeçenistan Respublikasının naziri Əli Həsənovun bəyanatını şərh edib

Əli Həsənov: Azərbaycan Avropa ilə Asiyanı birləşdirən İpək Yolunun qurucu dövlətlərindən biridir

Ermənistan rəhbərliyi işğalçı siyasətilə öz xalqını da təhdid edir - Əli Həsənov

Əli Həsənov: Polis üçün əsas siyasi mənsubiyyət məsələsi deyil, ictimai asayişin təmin edilməsidir

Əli Həsənov: 10 ay ərzində 2 tondan çox müxtəlif növ narkotik vasitələr dövriyyədən çıxarııb

Əli Həsənov: Prezident İlham Əliyev şair Mikayıl Müşfiqlə bağlı məsələni şəxsi nəzarətinə götürüb

Prezidentin köməkçisi Əli Həsənov bizə çox böyük etimat göstərdi - Toğrul Allahverdili 

Azərbaycan və Türkiyə mediası dövlətlərimizin mənafeyini birgə müdafiə edir - Əli Həsənov

Əli Həsənov Gəncə hadisələrinə münasibət bildirib

Əli Həsənovun kitabı Düşənbədə tacik və rus dillərində çap olunub

Biz bu gün vətəndaş cəmiyyəti institutlarının fəaliyyəti ilə öyünürük - Əli Həsənov

Əli Həsənov indoneziyalı jurnalistlərlə görüşüb

23 Avqust 2019, 18:18 (GMT +4)
DYP havaların isti keçməsi ilə əlaqədar sürücülərə müraciət edib

23 Avqust 2019, 17:55 (GMT +4)
Göyçayda evdən 14500 manat oğurlanıb

23 Avqust 2019, 17:48 (GMT +4)
İdlibdə azad edilən qəsəbədə qruplaşmaların böyük yeraltı əməliyyat otaqları aşkarlanıb (VİDEO)

23 Avqust 2019, 17:43 (GMT +4)
Çin ABŞ-dan idxal edilən mallara əlavə rüsum tətbiq ediləcəyini elan edib 

23 Avqust 2019, 17:30 (GMT +4)
Dövlət Agentliyinin sədri vətəndaşları qəbul edib

23 Avqust 2019, 17:20 (GMT +4)
Putin Kadırovu Avropada ən böyük məscidin açılması münasibətilə təbrik edib

23 Avqust 2019, 17:13 (GMT +4)
Qəbələdə meşə yanır, əraziyə FHN-in helikopteri və təyyarəsi cəlb edilib

23 Avqust 2019, 17:06 (GMT +4)
Zelenski Minskdən dəstək istəyib - Lukaşenko

23 Avqust 2019, 16:53 (GMT +4)
İraqlı müctəhid ABŞ qüvvələrinə qarşı fətva verib: Onları ölkədə saxlamaq haram və müdafiəyə qalxmaq lazımdır

23 Avqust 2019, 16:43 (GMT +4)
Azərbaycanda istilik təchizatı sisteminin səmərəliliyinin artırılması mövzusunda İşçi Qrupun iclası keçirilib

23 Avqust 2019, 16:33 (GMT +4)
Türkiyə suriyalı qaçqınlarla bağlı forum keçirməyi təklif edib

23 Avqust 2019, 16:20 (GMT +4)
Kolleclərə qəbul olunan abituriyentlərin qeydiyyatı bu gün başa çatır

23 Avqust 2019, 16:07 (GMT +4)
İran xarici işlər naziri Fransa prezidenti ilə görüşüb

23 Avqust 2019, 15:59 (GMT +4)
Bu il Bakıda 1500-dən artıq yol nişanı yenilənib

23 Avqust 2019, 15:55 (GMT +4)
İdlibdəki vəziyyət Türkiyənin təhlükəsizliyini təhdid edir - Ərdoğan

23 Avqust 2019, 15:48 (GMT +4)
Zaqatalada quldurluq edən şəxslər saxlanılıblar (FOTO)

23 Avqust 2019, 15:35 (GMT +4)
Bu il 750-dək məcburi köçkün özünüməşğulluq proqramına cəlb olunub

23 Avqust 2019, 15:21 (GMT +4)
Masallıda 6 otaqlı ev yanıb

23 Avqust 2019, 15:13 (GMT +4)
Hava hücumundan müdafiə vasitələri döyüş atışları icra edib

23 Avqust 2019, 15:04 (GMT +4)
Çeçenistanda Avropanın ən böyük məscidi açılıb

23 Avqust 2019, 14:57 (GMT +4)
Sepah Fars Körfəzində təhlükəsizlik məqsədilə 7+1 koalisiyasının yaradılmasını istəyib

23 Avqust 2019, 14:56 (GMT +4)
DGK maşında 67 ədəd mobil telefon və dərman preparatları aşkarlayıb (FOTO)

23 Avqust 2019, 14:46 (GMT +4)
Gənclər və İdman naziri vətəndaşlarla görüşüb

23 Avqust 2019, 14:17 (GMT +4)
Kiyev Krımın geri qaytarılması ilə bağlı sərt mövqedə dayanır - Zelenski

23 Avqust 2019, 13:53 (GMT +4)
Suriya Ordusu Türkiyənin post patrul mövqeyini mühasirəyə alıb (FOTO)

23 Avqust 2019, 13:48 (GMT +4)
Dövlət Komitəsinin nümayəndələri əsgərlərlə görüşüb (FOTO)

23 Avqust 2019, 13:34 (GMT +4)
Zelenski Ukrayna ilə Rusiya arasında mübadilə ehtimalını şərh edib

23 Avqust 2019, 13:27 (GMT +4)
Azərbaycanda sabahın hava proqnozu açıqlanıb

23 Avqust 2019, 13:10 (GMT +4)
Çinli otuz il beynində on santimetrlik qurd ilə yaşayıb

23 Avqust 2019, 13:07 (GMT +4)
Allahşükür Paşazadə Çeçenistana gedib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66
12