Mobil versiya RU AZ
_




AZƏRBAYCAN » MEDİA

Fərdi jurnalist yazıları müsabiqəsinin qalibləri mükafatlandırılıb

23 İyul 2019, 10:34 (GMT +4)

Bakı, 23 iyul, SalamNews. Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) Azərbaycan Milli Mətbuatının yaranmasının 144-cü ildönümü münasibətilə keçirdiyi fərdi jurnalist yazıları müsabiqəsinin qalibləri mükafatlandırılıb.

SalamNews AZƏRTAC-a istinadla xəbər verir ki, mərasimdə əvvəlcə Azərbaycan Respublikasının dövlət himni səsləndirilib.

Aparıcılar Azərbaycan Milli Mətbuatının yaranmasından, “Əkinçi” qəzetinin, eləcə də o dövr mətbu nəşrlərinin cəmiyyətin inkişafında oynadığı mühüm roldan danışıblar. Qeyd olunub ki, Həsən bəy Zərdabinin rəhbərliyi ilə 1875-ci il iyulun 22-də fəaliyyətə başlayan və Azərbaycanda ilk milli mətbu orqanı olan “Əkinçi” öz ətrafında dövrünün qabaqcıl ziyalılarını birləşdirmişdi.

Diqqətə çatdırılıb ki, “Əkinçi” qəzeti ilə təməli qoyulan milli mətbuatımız müstəqilliyimizin bərpasından sonra özünün intibah dövrünü yaşayır. Ölkəmizdə kütləvi informasiya vasitələrinin sərbəst fəaliyyəti üçün əlverişli şərait yaradılıb, plüralizm, söz və mətbuat azadlığına mane olan senzura ləğv edilib, mətbuatın fəaliyyətini tənzimləyən qanunvericilik bazası formalaşdırılıb. Bildirilib ki, ümummilli lider Heydər Əliyevin milli mətbuata, jurnalistikaya göstərdiyi qayğı bu gün Prezident İlham Əliyev tərəfindən uğurla davam etdirilir.

Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli çıxış edərək KİVDF-nin fəaliyyət göstərdiyi ötən müddətdə dövlətin mətbuatın inkişafına göstərdiyi dəstəkdən söz açıb. Qeyd edib ki, Fond mütəmadi olaraq müsabiqələr təşkil edir. Budəfəki müsabiqə 2019-cu il iyunun 8-dən iyulun 12-dək Azərbaycan Respublikasında Kütləvi İnformasiya Vasitələrinin İnkişafına Dövlət Dəstəyi Konsepsiyasında əksini tapmış 19 istiqamət üzrə keçirilib. Müsabiqəyə 56 KİV-dən 142 yazı təqdim edilib. Yazılar ekspertlər tərəfindən qiymətləndirilib, ümumilikdə, 111 nəfər jurnalistin mükafatlandırılması haqqında qərar qəbul olunub.

Sonra Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov Azərbaycan Milli Mətbuatının 144 illiyi münasibətilə media işçilərini təbrik edib. Azərbaycan mediasının inkişafından danışan Əli Həsənov bildirib ki, mətbuatımızın 144 ilinin 27 ili müstəqillik dövrünə aiddir. Bu, bir reallıqdır ki, 27 illik tarixə malik müstəqil mediamız ölkəmizi dünyada layiqincə təmsil edir və bu istiqamətdə fəaliyyətini davam etdirəcək.

Müstəqil mediamızın inkişafında ulu öndər Heydər Əliyevin mühüm xidmətlərini xatırladan Əli Həsənov deyib ki, 1998-ci ildə Ümummilli Liderin Fərmanı ilə Azərbaycan mətbuatı üzərindən senzura strukturları, eləcə də medianı tənzimləyən dövlət qurumu olan Mətbuat və İnformasiya Nazirliyi ləğv olundu. Beləliklə, Azərbaycan mediasına özünü ictimai tənzimləyə bilməsi üçün şərait yaradıldı. Jurnalistlərin dəstəyi və iştirakı ilə Mətbuat Şurası təsis olundu. Bu Şura mətbuatın, o cümlədən jurnalistlərin problemlərini mütəmadi araşdırır, dövlət qarşısında təşəbbüslərlə çıxış edir və müvafiq olaraq, dövlət tərəfindən o təşəbbüslərin ən mütərəqqilərinə dəstək verilir. “Həsən bəy Zərdabi Azərbaycan milli mətbuatının təməlini qoymuşdusa, ulu öndər Heydər Əliyevin adı azad medianın banisi kimi tariximizə düşdü. Ümummilli Lider media ilə bağlı bütün tənzimləmə və senzura mexanizmlərini ləğv edərək Azərbaycanda azad mətbuat üçün lazımi şəraiti yaratdı. Ulu Öndərin 2003-cü ilə qədər bilavasitə özünün iştirakı ilə davam etdirilən media siyasəti həmin dövrdən etibarən Prezident İlham Əliyev tərəfindən dönmədən, ardıcıl, prinsipial şəkildə həyata keçirilir və medianın bugünkü inkişafında dövlətimizin başçısının xüsusi xidmətləri var”, - deyə Azərbaycan Respublikası Prezidentinin ictimai-siyasi məsələlər üzrə köməkçisi qeyd edib.

Mətbuatımızın bugünkü reallığının Azərbaycan dövlətinin mediaya, jurnalistlərə dəstəyinin tam şəffaflaşdırılması, sistemləşdirilməsi və ardıcıl olaraq həyata keçirilməsindən ibarət olduğunu vurğulayan Əli Həsənov deyib: “2008-ci ildə Prezident İlham Əliyevin Sərəncamı ilə “Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası” qəbul olundu, sonra o konsepsiyanı reallaşdıracaq KİVDF yaradıldı. O gündən bu günə qədər Fond bilavasitə jurnalistlərin iştirakı ilə özünün Müşahidə Şurasını formalaşdıraraq Azərbaycan dövləti, Azərbaycan Prezidenti tərəfindən ayrılan yardımları media ictimaiyyətinə çatdırır, mətbuatımızın ictimailəşmiş problemlərini təhlil edir, araşdırır, dövlət qarşısında bu və ya digər təkliflərlə çıxış edir və o təkliflərə də dövlət tərəfindən dəstək verilir. Bu müddətdə Azərbaycan mediasına 50 milyon manata yaxın yardım göstərilib. Qəzetlərimiz bilavasitə və qismən dövlət tərəfindən maliyyələşdirilib. Qəzetlərin uzun müddət yaranmış borcları dövlət tərəfindən ödənilib, ayrı-ayrı sahələr üzrə dotasiyalar verilib. Azərbaycan dövləti hesab edir ki, bu gün mətbuat dövlətin himayəsində və qayğısında olmalıdır. Mətbuat mədəniyyətin bir hissəsidir, onun əsas sahələrindən biridir. Əgər dövlət bu gün özünün milli-mənəvi simasını, milli-mənəvi varlığını nümayiş etdirən teatrına, ədəbiyyatına, şairinə, yazıçısına, teatr xadiminə, rəssamına dəstək göstərir, yardım edirsə, nəyə görə bu yardım mediaya göstərilməməlidir. Buna görə də mediamızın inkişafı Azərbaycan dövlətinin inkişafına tam adekvatdır. Azərbaycan dövləti mədəniyyət xadimlərinə də, idmançılara da, jurnalistlərə də ev verir, onların sosial həyatının yaxşılaşdırılması istiqamətində addımlar atılır. Buna qarşı qısqanclıq, buna qarşı hər hansı fikir formalaşdırmaq, düşünürəm ki, sağlam məntiqin, sağlam düşüncənin nümunəsi deyil. Siz jurnalistlər yaxşı bilirsiniz ki, bunların heç biri təmənna daşımır, bunların heç biri sizin yaradıcılıq imkanlarınızı məhdudlaşdırmır və məhdudlaşdıra da bilməz”.

Əli Həsənov sonda müsabiqədə qalib gələn jurnalistləri təbrik edərək, Milli Mətbuat Günü münasibətilə media işçilərinə xoş arzularını çatdırıb.

Daha sonra müsabiqənin qaliblərinə mükafatlar təqdim edilib.

Mətbuat Şurasının sədri Əflatun Amaşov çıxış edərək Həsən bəy Zərdabi yolunun davamçıları olan Azərbaycan jurnalistlərini milli mətbuatımızın 144 illiyi münasibətilə təbrik edib, “Əkinçi”dən bəri keçən mətbuatımızın tarixinə qısa nəzər salıb, ölkəmizdə jurnalistlərə göstərilən dövlət qayğısının önəmini vurğulayıb.

Daha sonra jurnalistika sahəsində xüsusi xidmətlərinə görə Mətbuat Şurasının mükafatları sahiblərinə təqdim olunub.

Tədbir bədii hissə ilə davam edib.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

KİVDF-nin yeni rəhbəri kimdir? - Dosye

KİVDF-yə yeni İcraçı direktor təyin edilib

“Azərenerji” və KİVDF fərdi jurnalist yazıları müsabiqəsi elan edib

ƏƏSMN və KİVDF birgə müsabiqə elan edib

KİVDF maliyyə yardımı müsabiqəsinin şərtlərinə yeni əlavə edib

KİVDF-nin Müşahidə Şurasının növbəti iclası keçirilib

KİVDF-nin Müşahidə Şurasının növbəti iclası keçirilib

KİVDF 33 qəzetə pul ayırıb (SİYAHI)

“Azərenerji” və KİVDF fərdi jurnalist yazıları müsabiqəsi elan edib

KİVDF-nin Müşahidə Şurasının növbəti iclası keçirilib

Ev alan jurnalistlərin tam siyahısı PA-dan nə vaxt deyilsə, o vaxt dərc ediləcək - KİVDF

Vüqar Səfərli yenidən KİVDF-nin icraçı direktoru təyin edilib

Əmək və Əhalinin Sosial Müdafiəsi Nazirliyi və KİVDF birgə müsabiqə elan ediblər

Mətbuat Şurası KİVDF-nin Müşahidə Şurasının üzvlüyünə namizədlərini müəyyənləşdirib

Mədəniyyət və Turizm Nazirliyi KİVDF ilə birgə müsabiqə elan edib

KİVDF-nin keçirdiyi müsabiqənin qalibləri mükafatlandırılıb

KİVDF yeni müsabiqə elan edir

KİVDF jurnalistlər üçün növbəti müsabiqə elan edib

KİVDF jurnalistləri mükafatlandırıb

KİVDF-nin Müşahidə Şurasının növbəti iclası keçirilib

08 Aprel 2020, 16:10 (GMT +4)
"Twitter" qurucusu COVID-19 ilə mübarizə aparmaq üçün 1 milyard dollar bağışlayıb

08 Aprel 2020, 16:07 (GMT +4)
Gənclərlə iş sahəsində çalışan təlimçilərə müraciət edilib

08 Aprel 2020, 15:57 (GMT +4)
Azərbaycanda ünvanlı yardım alan ailələrin sayı artıb

08 Aprel 2020, 15:37 (GMT +4)
Sahibkarlara veriləcək ödənişlərin qaydaları açıqlanıb

08 Aprel 2020, 15:33 (GMT +4)
ABŞ ÜST-ün maliyyələşdirilməsini dayandıra bilər

08 Aprel 2020, 15:21 (GMT +4)
Azərbaycan Beynəlxalq Bankı özünüməşğulluq proqramına qoşulub

08 Aprel 2020, 15:17 (GMT +4)
 “Aşıq Şəmşir”  Mədəniyyət Ocağı İctimai Birliyi anım mərasimi təşkil edib

08 Aprel 2020, 15:04 (GMT +4)
İran XİN rəhbəri Azərbaycan və ermənistanlı həmkarları ilə telefonla danışıb

08 Aprel 2020, 14:53 (GMT +4)
İtaliyada epidemioloji vəziyyətdə yaxşılaşma müşahidə edilir

08 Aprel 2020, 14:40 (GMT +4)
TƏBİB koronavirusun qanla yoluxması məsələsinə aydınlıq gətirib

08 Aprel 2020, 14:25 (GMT +4)
İranda koronavirusdan ölənlərin sayı 3,993-ə çatıb

08 Aprel 2020, 14:23 (GMT +4)
Karantin rejimi üçün saxta jurnalist vəsiqəsi hazırlayanlar həbs edilib

08 Aprel 2020, 14:18 (GMT +4)
Çin hökuməti yanvar ayının sonundan ilk dəfə Uxandan çıxmağa icazə verib 

08 Aprel 2020, 14:00 (GMT +4)
Azərbaycanda sabaha gözlənilən hava proqnozu açıqlanıb

08 Aprel 2020, 13:45 (GMT +4)
Daha bir ərəb ölkəsi koronavirusa görə yüzlərlə məhbusu azad edib

08 Aprel 2020, 13:43 (GMT +4)
EIA "Brent" nefrinin ucuzlaşacağını proqnozlaşdırır

08 Aprel 2020, 13:31 (GMT +4)
İctimai şuraya üzvlərin seçilməsi təxirə salınıb

08 Aprel 2020, 13:17 (GMT +4)
Azərbaycan Ordusunda snayperlərin hazırlığı yoxlanılır

08 Aprel 2020, 13:16 (GMT +4)
WSJ: ABŞ BVF-nun koronavirusla mübarizə məqsədilə İrana ayırdığı 5 milyard dollar vəsaiti blok edəcək

08 Aprel 2020, 12:54 (GMT +4)
İsrail Pasxa bayramı ərəfəsində koronavirus qadağalarını sərtləşdirib

08 Aprel 2020, 12:53 (GMT +4)
Rusiyada son sutka ərzində 1175 koronavirusa yoluxma halı qeydə alınıb

08 Aprel 2020, 12:46 (GMT +4)
"Nar" səyyar xidmət göstərməyə başlayıb

08 Aprel 2020, 12:39 (GMT +4)
Azərbaycanda onlayn sosial etibarnamənin tətbiqinə başlanılıb

08 Aprel 2020, 12:25 (GMT +4)
RF Federal Xidməti: Rusiya Azərbaycan ilə aviasiya təchizatı ilə bağlı danışıqlara hazırdır

08 Aprel 2020, 12:13 (GMT +4)
Tramp Əfqanıstan sülh sazişilə Nobel mükafatını əldə etmək istəyir - NBC

08 Aprel 2020, 12:04 (GMT +4)
Koronavirusla mübarizəyə həsr edilmiş rəsm müsabiqəsi elan olunub

08 Aprel 2020, 11:51 (GMT +4)
Ronaldinyo girov qarşılığında həbsxanadan çıxıb

08 Aprel 2020, 11:45 (GMT +4)
Azərbaycan nefti bahalaşıb

08 Aprel 2020, 11:30 (GMT +4)
Sabah Milli Məclisin iclası keçiriləcək

08 Aprel 2020, 11:27 (GMT +4)
Həsən Ruhani Beynəlxalq Valyuta Fondundan 5 milyard dollar kreditin verilməsini istəyib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66