Mobil versiya RU AZ
_




AZƏRBAYCAN » İQTİSADİYYAT

Dövlət Gömrük Komitəsi Çin şirkəti ilə əməkdaşlığa başlayır

12 Sentyabr 2019, 15:30 (GMT +4)

Bakı, 12 sentyabr, SalamNews.Bu gün Dövlət Gömrük Komitəsi (DGK) və "Huawei Tech. Azerbaijan" MMC arasında əməkdaşlığa dair niyyət protokolu imzalanıb.

Bu barədə SalamNews-a DGK-dan məlumat verilib.

Məlumata görə, imzalanma mərasimində Komitə sədrinin I müavini İsmayıl Hüseynov, digər müavin İqbal Babayev, müvafiq strukturların rəhbərləri, Çinin Azərbaycandakı səfirliyinin ticarət-iqtisadi məsələlər üzrə müşaviri Van Çunqan və "Huawei" şirkətinin təmsilçiləri iştirak ediblər.

Niyyət protokolunun imzalanmasında məqsəd DGK və "Huawei Tech. Azerbaijan" arasında informasiya-kommunikasiya texnologiyaları, telekommunikasiya, şəbəkə avadanlıqları və texnoloji innovasiyaların tətbiqi sahəsində qarşılıqlı dəstək və birgə layihələrin icra edilməsidir.

Mərasimdə çıxış edən İ.Hüseynov bildirib ki, Azərbaycan və Çin arasında qarşılıqlı əməkdaşlıq, o cümlədən iqtisadi əlaqələr inkişaf edir. İki ölkə arasındakı mövcud dostluq münasibətlərinə söykənən əməkdaşlıqdan danışan sədr müavini Çin ilə Azərbaycan arasında uğurlu iqtisadi əlaqələrin bariz nümunəsi olaraq ticarət dövriyyəsinin ildən-ilə artdığını qeyd edib.

Komitə sədrinin birinci müavini vurğulayıb ki, gömrük xidmətinin əsas istiqamətlərindən biri də sərhəd-gömrük buraxılış məntəqələrindən keçən mallara, nəqliyyat vasitələrinə və vətəndaşlara gömrük nəzarətini tətbiq etməklə sərhəd keçidini sürətləndirməkdir. Məhz bu balansı tənzimləmək üçün həm vətəndaşın rahatlığının, həm də ölkənin təhlükəsizliyinin təmin edilməsi məqsədilə yeni innovasiya yönümlü layihələrə böyük üstünlüklər veririk-deyə sözünə davam edən İ.Hüseynov İT texnologiyaları vasitəsilə gömrük prosedurlarının həyata keçirilməsi istiqamətində mühüm addımların atıldığını diqqətə çatdırıb.

Qarşılıqlı iqtisadi-ticari əlaqələrin prioritet istiqamətlərindən birinin nəqliyyat-tranzit sahəsi olduğunu qeyd edən Komitə sədrinin birinci müavini bu əlaqələrin daha da genişləndirilməsində DGK-nın maraqlı olduğunu vurğulayıb. Bildirilib ki, Azərbaycan Gömrük Xidməti gömrük hüquqpozmaları, eləcə də qaçaqmalçılıq hallarına qarşı tədbirlərin effektiv şəkildə aparılması üçün bu sahədə də hər zaman ən müasir informasiya texnologiyalarının tətbiqinə çalışır.

İ.Babayev Azərbaycan gömrük sistemində aparılan son islahatlar, xüsusilə informasiya texnologiyaların tətbiqi ilə bağlı məlumat verib. Bildirilib ki, Azərbaycan gömrük xidməti müasir texnologiyalar, gömrük nəzarəti prosesində tətbiq edilən ən yeni texniki vasitələrdən istifadə edir. İqbal Babayev qeyd edib ki, DGK müxtəlif texnologiyaları və innovativ həlləri mütəmadi qaydada araşdırır və onları müxtəlif dövlət proqramları çərçivəsində digər dövlət qurumları, biznes ictimaiyyəti, həmçinin beynəlxalq təşkilatlarla əməkdaşlıq edərək gömrük nəzarəti və gömrük rəsmiləşdirilməsi proseslərində tətbiq edir. Sədr müavini Azərbaycan gömrük sahəsində son illər innovasiya texnologiyalarının tətbiqi və gömrük xidmətinin müasirləşdirilməsi sahəsində mühüm nailiyyətlər əldə etdiyini diqqətə çatdırıb. "Huawei" şirkəti ilə imzalanan niyyət protokolunun gələcəkdə İT texnologiyalarının gömrük sahəsindəki tətbiqinə mühüm şərait yaradacağına ümidvar olduğunu da qeyd edib.

V.Çunqan isə iki ölkə arasındakı iqtisadi münasibətlərdən bəhs edərək Azərbaycanın Çinin ənənəvi dostu və tərəfdaşı, mühüm nəqliyyat dəhlizi üzərində yerləşən strateji ölkə olduğunu bildirib. Vurğulanıb ki, son illər Azərbaycan və Çin arasında münasibətlər sağlam və sabit şəkildə inkişaf edir, iqtisadiyyat, ticarət, enerji, humanitar və digər sahələrdə qarşılıqlı faydalı əməkdaşlıq günü-gündən dərinləşir. Diplomat Prezident İlham Əliyevin həyata keçirdiyi siyasət nəticəsində Azərbaycanda fəal investisiya mühitinin formalaşdığını, xarici investisiyaların cəlb edilməsi istiqamətində atılan mühüm addımları yüksək qiymətləndirib.

"Huawei" şirkətinin Avropa və Asiya üzrə nümayəndəliyinin rəhbəri Janq Jijian təmsil etdiyi təşkilat haqqında ətraflı məlumat verərək şirkətinin hədəfləri, gələcək məqsədləri barədə danışıb. Yeni texnologiyaların tətbiqi ilə bağlı şirkətin gördüyü işlər haqqında məlumat verən Janq Jijian Azərbaycan gömrük xidməti ilə əməkdaşlıqdan məmnun olduqlarını bildirib. Şirkət nümayəndəsi DGK-nın İT sahəsində əldə etdiyi nailiyyətləri də yüksək qiymətləndirib.

Sonda tərəflər niyyət protokolunu imzalayıblar. Sənədə İ.Hüseynov və "Huawei Tech. Azerbaijan"ın rəhbəri Lu Canlin imza atıb.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

DGK sədri ÜGT-yə üzv dövlətlərin gömrük xidməti rəhbərlərinə müraciət edib

DGK: Siqaret və dərmanların qanunsuz dövriyyəsinin qarşısı alınıb

DGK bəyan olunmayan məhsulların ölkəyə keçirilməsinin qarşısını alıb

DGK elektron xidmətlərinin sayını artıracaq

DGK: 200 kiloqram heroinin ölkəyə keçirilməsinin qarşısı alınıb

DGK: Altı ayda dəniz nəqliyyatı ilə 470,8 min ton yük daşınıb

DGK sədri İspaniyanın müvəqqəti olaraq Qərb altqrupunda təmsil olunmasını təklif edib

DGK: Meyvə-tərəvəz idxalı artıb

DGK: Keçən ay dəmir yolu ilə 225 milyon dollarlıq yük daşınıb

DGK: Alüminium və ondan hazırlanan məmulatların ixracı azalıb

DGK mayda ölkəyə gətirilən avtomobillərin sayını açıqlayıb

DGK: Keçən ay avtomobil nəqliyyatı ilə ölkədən 147,1 min ton yük göndərilib

DGK: Tomat ixracı artıb

DGK: Ölkəyə qanunsuz gətirilən siqaretlər müsadirə olunub

DGK: "Samur" postundan keçən yük avtomobillərinin sayı artıb

DGK: Ermənistanla ölkəmiz arasında hər hansı ticarət əlaqəsindən söhbət gedə bilməz

DGK sədri Ümumdünya Gömrük Təşkilatının videokonfransına qatılıb

DGK-də vətəndaşların qəbulunda müəyyən məhdudiyyətlər olacaq

DGK və Caspian European Club-un birgə işçi qrupunun növbəti iclası keçirilib

DGK: Yanvarda əczaçılıq məhsullarının idxalı artıb

28 Oktyabr 2020, 14:34 (GMT +4)
Baş Prokurorluq: Ermənilərin Bərdəni raket atəşinə tutması nəticəsində 3 nəfər həlak olub, bir neçə nəfər yaralanıb

28 Oktyabr 2020, 14:25 (GMT +4)
Naxçıvan iqtisadiyyatı cüzi böyüyüb

28 Oktyabr 2020, 14:13 (GMT +4)
ABŞ Belarusdakı etirazçılara dəstəyini yeniləyib

28 Oktyabr 2020, 14:06 (GMT +4)
Hikmət Hacıyevdən Bərdəyə bugünkü hücumla bağlı açıqlama verib

28 Oktyabr 2020, 14:02 (GMT +4)
MN: Bərdə şəhəri "Smerç”lə vurulub, ölən və xəsarət alanlar var

28 Oktyabr 2020, 14:00 (GMT +4)
MN: Azərbaycan Ordusu mülki əhalini heç vaxt hədəf almır

28 Oktyabr 2020, 13:48 (GMT +4)
Ceyhun Bayramov İran prezidentinin xüsusi elçisi ilə görüşüb

28 Oktyabr 2020, 13:30 (GMT +4)
Azərbaycanda sabaha gözlənilən hava şəraiti açıqlanıb

28 Oktyabr 2020, 13:20 (GMT +4)
Prezident İlham Əliyev Türkiyə Prezidenti Rəcəb Tayyib Ərdoğana məktub göndərib

28 Oktyabr 2020, 13:06 (GMT +4)
Yeni Susay-Xınalıq avtomobil yolunda tikinti işləri davam etdirilir

28 Oktyabr 2020, 13:00 (GMT +4)
Pərviz Şahbazov: Ermənistan Azərbaycanın enerji təhlükəsizliyini təhdid edir

28 Oktyabr 2020, 12:45 (GMT +4)
Azərbaycanda daha 13 dövlət əmlakı özəlləşdirilib

28 Oktyabr 2020, 12:30 (GMT +4)
Daxili İşlər Nazirliyi yenidən terror təhlükəsi ilə bağlı xəbərdarlıq edib

28 Oktyabr 2020, 12:28 (GMT +4)
İngiltərədə COVID-19 xəstələrinin sayı son gündə təxminən 23 min nəfər artıb

28 Oktyabr 2020, 12:15 (GMT +4)
Prezident İlham Əliyev Rusiyanın "İnterfaks" agentliyinə müsahibə verib

28 Oktyabr 2020, 12:00 (GMT +4)
Müdafiə Nazirliyi rəsmi sosial şəbəkə hesablarının siyahısını yayımlayıb

28 Oktyabr 2020, 11:52 (GMT +4)
ÜST son həftə ərzində koronavirusa yoluxmada rekord artım qeydə alıb

28 Oktyabr 2020, 11:50 (GMT +4)
MN: Düşmənin xeyli sayda hərbi texnikası və canlı qüvvəsi məhv edilib (VİDEO)

28 Oktyabr 2020, 11:40 (GMT +4)
Dövlət Turizm Agentliyinin səlahiyyətləri artırılıb

28 Oktyabr 2020, 11:26 (GMT +4)
MN: Düşmən Tərtəri raket atəşinə məruz qoyub

28 Oktyabr 2020, 11:22 (GMT +4)
Baş Prokurorluq: Ermənistanın mülki əhalini atəşə tutması nəticəsində ölənlərin sayı 69-a çatıb

28 Oktyabr 2020, 11:20 (GMT +4)
Gürcüstanda son sutkada 1.731 nəfər koronavirusa yoluxub

28 Oktyabr 2020, 11:05 (GMT +4)
Müdafiə Nazirliyi: Ordumuza məxsus PUA vurulmayıb

28 Oktyabr 2020, 11:00 (GMT +4)
Məhərrəm Əliyev: Ali Baş Komandan tarixi ədaləti uğurla və qətiyyətlə bərpa edir

28 Oktyabr 2020, 10:51 (GMT +4)
ABŞ-da polis şiddətinə qarşı etirazlar davam edir

28 Oktyabr 2020, 10:45 (GMT +4)
Azərbaycan nefti 42 dollara qədər bahalaşıb

28 Oktyabr 2020, 10:30 (GMT +4)
Dünyada son bir həftə ərzində koronavirusa rekord yoluxma aşkarlanıb

28 Oktyabr 2020, 10:22 (GMT +4)
Tramp Dağlıq Qarabağda atəşkəsin pozulmasına reaksiya verib

28 Oktyabr 2020, 10:15 (GMT +4)
Azərbaycan və Türkiyənin XİN başçıları cəhbədəki son vəziyyəti müzakirə ediblər

28 Oktyabr 2020, 10:05 (GMT +4)
MN: Ermənistan Tovuz, Gədəbəy, Daşkəsən, Qubadlı və Ağcabədini atəşə tutub

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66