Moskvada qanunsuz odlu silah gəzdirən azərbaycanlı tutulub

Bakı, 13 noyabr, SalamNews. Rusiyada paytaxt polisi odlu silahın qanunsuz dövriyyəsində şübhəli bilinən şəxsi saxlayıb.

SalamNews-un xəbərinə görə, bu barədə "Moskva" agentliyi hüquq-mühafizə orqanlarındakı mənbəyə istinadən xəbər verir.

Bildirilir ki, Semenovskaya sahilində polis dörd Azərbaycan vətəndaşının olduğu avtomobili dayandırıb.

"Avtomobildə baxış keçirilərkən oturacağın altında "Makarov" tapançasına bənzər iki cisim, həmçinin 20-yə yaxın güllə tapılıb.

1985-ci il təvəllüdlü sürücü  Dağıstan sakininin üzərində qeydiyyatda olan "Audi A6" markalı avtomobilin sənədləri təqdim edib.

Axtarış zamanı sürücünü üzərində də silah tapılıb", məlumatda deyilir.