İranın Qızıl Aypara Cəmiyyətinin sədri həbs edilib

Bakı, 4 dekabr, SalamNews, B.Samid. İranın Qızıl Aypara Cəmiyyətinin sədri istefa verdikdən bir neçə saat sonra həbs edilib.

SalamNews FarsNews-a istinadla xəbər verir ki, bu barədə İranın Məhkəmə Hakimiyyəti mənbələri məlumat veriblər.

Bildirlib ki, Qızıl Aypara Cəmiyyətinin sədri Əli-Əsğər Peyvəndi həbs edilib.

O ötən gün şəxsi məsələlərə görə istefasını prezident Həsən Ruhaniyə təqdim etmişdi.

Qeyd edək ki, İranda Məhkəmə Hakimiyyətinin rəhbərliyi dəyişdikdən sonra ölkədə korrupsiya məsələlərilə bağlı bır sıra məmurlar həbs edilib.