İraqlı qız 5 ildən sonra ona təcavüz edən İŞİD-çi ilə qarşılaşıb (VİDEO)

Bakı, 9 dekabr, SalamNews, B.Samid. Yezidi kürdlərindən Əşvaq Hac-Hamdi adlı 19 yaşlı xanım vaxtilə ona və ailəsinin bir neçə üzvünə təcavüz etmiş İŞİD-çi ilə üz-üzə gəlib.

SalamNews xəbər verir ki, əl-Ərəbiyyə telekanalı 19 yaşlı xanım Əşvaq Hac-Hamdi barəsində sənədli verliş hazırlayıb.

Reportajda bildirilir ki, Əşvaq bir il öncə televizoru izləyərkən təsadüfən ona və ailənin 6 üzvünə təcavüz etmiş 18 İŞİD-çidən birini yəni Əbu-Hammam əl-Hayyanı terror təşkilatının əl-Bağuz bölgəsində təslim olma anlarında tanıyır.

Aparılan araşdırmadan və istintaqdan sonra İŞİD-çi etdiyi əməli etiraf edir və bundan sonra Əşvaq və atası cani ilə üzləşirlər.