Mobil versiya RU AZ
_




AZƏRBAYCAN » CƏMİYYƏT

ASCO-da 20 Yanvar faciəsinin 30 illiyi ilə bağlı tədbir keçirilib

18 Yanvar 2020, 13:53 (GMT +4)

Bakı, 18 yanvar, SalamNews. “Azərbaycan Xəzər Dəniz Gəmiçiliyi” QSC-də (ASCO) 20 Yanvar faciəsinin 30 illiyi ilə bağlı tədbir keçirilib.

Şəhidlərin xatirəsi bir dəqiqəlik sükutla yad edildikdən sonra çıxış edən ASCO-nun sədri Rauf Vəliyev bildirib ki, 30 il əvvəl, 1990-cı il yanvarın 19-dan 20-nə keçən gecə sovet ordusunun xüsusi təyinatlı cəza dəstələri, hərbi dəniz donanmasının və daxili qoşunların bölmələri dinc əhaliyə qarşı vəhşiliklər törədib, günahsız insanları qətlə yetirib, yaralayıb, yüzlərlə azərbaycanlı əlil olub, itkin düşüb.

Rauf Vəliyev bildirib ki, o dövrdə nəinki hadisələrə siyasi qiymət verilməyib, əksinə, səbəbkarların və günahkarların adları belə xalqa açıqlanmayıb. Hadisəyə ilk münasibətini bildirən Ümummilli lider Heydər Əliyev olub. Ulu öndər 1990-cı il yanvarın 21-də Azərbaycanın Moskvadakı daimi nümayəndəliyinə gələrək hadisəni humanizm və hüquqi dövlət quruculuğu prinsiplərinə zidd hesab etdiyini bildirib. Hadisələrə əsl hüquqi, siyasi qiymətin verilməsi də Heydər Əliyevin hakimiyyətə qayıdışından sonra mümkün olub. Dahi şəxsiyyət 20 Yanvar faciəsinin səbəblərinin, günahkarlarının aşkarlanması üçün yaradılan komissiyanın işini bərpa etməklə əsl həqiqəti üzə çıxarıb, xalqla birliyini bir daha təsdiqləyib.

Rauf Vəliyev Prezident İlham Əliyevin də Azərbaycanın müstəqilliyi uğrunda həlak olmuş şəhidlərimizin ailələrinə və sağlamlıqlarını itirmiş şəxslərə xüsusi qayğı ilə yanaşdığını vurğulayıb. Sədr onu da qeyd edib ki, müharibə veteranlarının, şəhid ailələrinin, əlillərin problemləri Birinci vitse-prezident Mehriban xanım Əliyevanın və onun rəhbərlik etdiyi Heydər Əliyev Fondunun da hər zaman diqqət mərkəzindədir.

ASCO sədri əlavə edib ki, 20 Yanvar, eyni zamanda, qürur, şərəf günümüzdür. Bu hadisələr zamanı şəhid olan oğul və qızlarımız Vətənin azadlığı, suverenliyi uğrunda göstərdikləri şücaətlə hər kəsə örnək olublar.

Rauf Vəliyev həmin günlərdə dənizçilərin göstərdiyi fədakarlıq və qəhrəmanlıqlardan da danışıb. Dənizçilər hadisə baş verən zaman və ondan sonrakı günlərdə daim xalqla həmrəy olublar. Gəmilərin gülləbaran edilməsi belə milli birliyə və qəhrəmanlıq tarixinin yazılmasına maneə ola bilməyib.

Sədr qeyd edib ki, şəhidlərin xatirəsi hər zaman əziz tutulur, daim anılır, adları əbədiləşdirilir. O, ASCO-nun təşəbbüsü və dəstəyi ilə 20 Yanvar faciəsi zamanı dənizçilərin göstərdiyi qəhrəmanlıqlara həsr olunmuş bədii filmin çəkilməsini də bunun bariz nümunəsi olduğunu deyib. Bildirib ki, gələn il təqdimatı nəzərdə tutulan ekran işi faciəni ilk dünya ictimaiyyətinə çatdıran, sovet imperiyasının törətdiyi qırğın və vəhşiliyin qarşısını almağa çalışan dənizçilərimiz haqqında aydın fikir formalaşdıracaq. Sədr qeyd edib ki, bədii film tanınmış yerli və xarici aktyorlarının iştirakı ilə təcrübəli mütəxəssislər tərəfindən çəkilir. Filmin quruluşçu rejissoru Əməkdar incəsənət xadimi Elxan Cəfərov, bədii rəhbəri və eyni zamanda baş rollardan birini canlandıran Xalq artisti Fəxrəddin Manafovdur. Filmdə əsas rollarından birini də Xalq artisti Rasim Balayev canlandıracaq. Ekran işinin quruluşçu operatoru Avropanın aparıcı mütəxəssislərindən biri latviyalı Qint Berzinş, quruluşçu rəssamı isə Gürcüstanın tanınmış incəsənət xadimi Mamuka Esadzedir.

Çıxışının sonunda Sədr bütün yaradıcı heyətə uğurlar arzulayaraq ortaya keyfiyyətli işin çıxacağından əminliyini ifadə edib.

Sonra Qanlı Yanvar hadisələrinin canlı şahidi, veteran dənizçi Ağalar İbrahimov həmkarlarının şücaətindən və qəhrəmanlığından iftixarla danışıb. Bildirib ki, o günlər dənizçilər dünyanın diqqətini Bakıdakı qanlı faciəyə yönəltmək üçün gəmilərdən hər saat “SOS” siqnalı veriblər. Bununla da, dənizçilər həyatlarını riskə ataraq Bakı buxtasında imperiya ordusu ilə qeyri-bərabər mübarizəyə qalxıb. Həmin dövrdə əksər gəmilərimiz ciddi zədə alıb, bəzi gəmilərdə mindən çox güllə, mərmi izləri olub.

Daha sonra filmin yaradcı heyətinə söz verilib.

Filmin quruluşçu rejissoru, Əməkdar incəsənət xadimi Elxan Cəfərov deyib ki, 20 Yanvar hadisələri zamanı dənizçilərin düşmənə qarşı birlik nümayiş etdirməyi qürurverici məqamlardandır. Dənizçilər çətin vəziyyətə düşsələr də, hər tərəfə məlumat ötürüblər. Quruluşçu rejissor qeyd edib ki, bədii filmin məqsədi də 20 Yanvarda dənizdə yaşanan hadisələri, dənizçilərin göstərdiyi qəhrəmanlıqları geniş auditoriyaya çatdırmaq, bu tarixi gələcək nəslə doğru-düzgün ötürməkdir.

O, filmin istehsalat prosesindən də danışıb. Bildirib ki, artıq bədii və rejissor ssenariləri hazırdır. Ssenari tarixi araşdırmalar nəticəsində üzə çıxan arxiv sənədlər, şahidlərin və ekspertlərin söylədiyi faktlar əsasında hazırlanıb.

Quruluşçu rejissor qeyd edib ki, ekran əsəri təkcə 20 Yanvar faciəsinin ağrı-acılarını özündə əks etdirməyəcək, həm də Azərbaycan xalqının, dənizçilərin göstərdiyi bu qəhrəmanlığı, vətənə sevgisindən yaranan müqavimət hərəkatının miqyasını dünyaya çatdırmağa kömək edəcək.

Elxan Cəfərov qəhrəman dənizçilərə həsr olunmuş filmin çəkilməsinə dəstək olduğu üçün ASCO rəhbərliyinə təşəkkürünü bildirib.

Xalq artisti Fəxrəddin Manafov bildirib ki, 20 Yanvar hadisəsi tariximizə ən faciəli günlərdən biri və eyni zamanda qəhrəmanlıq səhifəsi kimi daxil olub. 20 Yanvar qətliamı böyük qəddarlıqla törədilməsinə baxmayaraq, xalqın yenilməzliyini, Vətənə, torpağa sədaqətini, azadlığa qovuşmaq istəyini sübut edib.

Fəxrəddin Manafov o ağır günlərdə dənizçilərin göstərdiyi qəhrəmanlıqlardan da danışaraq çəkiləcək filmin əsas qayə və məramında da bu fədakarlığın dayandığını bildirib. Xalq artisti qeyd edib ki, əsas hadisələr faciə zamanı yaradılmış 7 nəfərdən ibarət Kapitanlar şurasının ətrafında cərəyan edəcək. Həmin 7 nəfəri canlandıran obrazların dilindən baş verənlərin əsl mahiyyəti aydın olacaq.

Fəxrəddin Manafov 20 Yanvar hadisələrinə işıq salmaq, tariximizi qorumaq, dənizçilərin qəhrəmanlıqlarını gələcək nəslə çatdırmaq məqsədilə çəkilən filmə dəstək göstərdiyi üçün ASCO rəhbərliyinə təşəkkürünü bildirib, ortaya uğurlu ekran işinin qoyulacağını deyib.

Sonda “Azərbaycan Xəzər Dəniz Gəmiçiliyi” QSC-nin dənizçilərinin 30 il əvvəl 20 Yanvar faciəsi günlərində göstərdikləri şücaət və qəhrəmanlığından bəhs edən sənədli film nümayiş olunub.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

ASCO koronavirusa qarşı zəruri profilaktik tədbirlər görür

ASCO açıq müsabiqə elan edib

ASCO-nun yeni gəmisi “Akademik Xoşbəxt Yusifzadə” adlandırılacaq

ASCO-da Həştərxan vilayətinin nümayəndə heyəti ilə görüş keçirilib

ASCO-da “Bonus Siyasəti” ilə bağlı tədbir keçirilib

ASCO bu il dəniz və quruda formalaşmış 42 min tona yaxın çirkab məişət-təsərrüfat suyunu kənarlaşdırıb

ADDA-ya yüksək balla qəbul olmuş 42 tələbəyə ASCO-nun vəsaiti hesabına əlavə təqaüd veriləcək

Gələcəyin dənizçiləri ASCO-nun loqosunu canlandırıblar

ASCO-da Avstraliya və Çin şirkətlərinin nümayəndələri ilə görüş keçirilib

“ASCO-Dənizçi” Moskvada mini-futbol turnirində ikinci yeri tutub

ASCO-nun “Xəzər” Yelkənli Qayıqlar İdman klubuna yeni qayıqlar alınıb (FOTO)

ASCO-nun gəmiləri “Pirşağı Tullantı Sutəmizləyici Qurğusu”nun tikintisi üzrə işlərini başa çatdırıblar

ASCO-nun xarici sularda üzən “Şair Vaqif” gəmisi əsaslı təmir edilib

ASCO küləkli hava ilə bağlı təhlükəsizlik tədbirlərini gücləndirib

ASCO-da “Təhlükəsizlik Günü” keçirilib

ASCO-da ABŞ rəsmiləri ilə görüş keçirilib

“Satti” üzən qazma qurğusu ASCO-nun gəmiləri vasitəsilə Azərbaycana yedəklənib

ASCO “TransCaspian 2019” sərgisində təmsil olunur

ASCO 26-cı Beynəlxalq Xəzər Neft və Qaz sərgisində iştirak edir

ASCO iki açıq müsabiqə elan edib

20 Fevral 2020, 18:33 (GMT +4)
İsmayıl Vəliyev Neftçala RİH başçısı vəzifəsindən azad edilib

20 Fevral 2020, 18:08 (GMT +4)
AzTU ilə Sumqayıt Texnologiyalar Data Mərkəzi əməkdaşlıq müqaviləsi imzalayıb

20 Fevral 2020, 17:47 (GMT +4)
Təhsil Nazirliyi və Baş Prokurorluq birgə məlumat yayıb

20 Fevral 2020, 17:43 (GMT +4)
“Könüllü Başlanan Uğurlu Yol” layihəsi başa çatıb

20 Fevral 2020, 17:41 (GMT +4)
Türkiyə Almaniyada baş vermiş terror aktını pisləyib

20 Fevral 2020, 17:25 (GMT +4)
TƏBİB-in İdarə Heyətinin sədri Elmi-Tədqiqat İnstitutlarının rəhbərləri ilə görüşüb

20 Fevral 2020, 17:20 (GMT +4)
Türkiyə Ordusu İdlibdə Suriya Ordusunun mövqelərinə hücuma keçib

20 Fevral 2020, 17:10 (GMT +4)
Ərdoğan: Türkiyə Almaniyadakı terror hücumunun araşdırılmasını yaxından izləyir

20 Fevral 2020, 17:08 (GMT +4)
Gömrük əməkdaşları daha bir uğurlu əməliyyat keçirib (VİDEO)

20 Fevral 2020, 16:52 (GMT +4)
Azərbaycanda bir neçə qida əlavəsinin satışı və istifadəsi qadağan edilib (SİYAHI)

20 Fevral 2020, 16:51 (GMT +4)
Türkiyə AB-nin altı ölkəsinin vətəndaşları üçün viza rejimini sadələşdirib

20 Fevral 2020, 16:45 (GMT +4)
ATU daha bir əməkdaşlığa imza atıb

20 Fevral 2020, 16:38 (GMT +4)
İsrail Ermənistanın bu ölkədə səfirlik açmaq planını alqışlayıb

20 Fevral 2020, 16:38 (GMT +4)
Avstraliyada sərnişin qatarı relsdən çıxıb

20 Fevral 2020, 16:30 (GMT +4)
Bakıda yerli şirkətlərin məhsullarından ibarət sərgi keçirilir

20 Fevral 2020, 16:24 (GMT +4)
Azərbaycan taekvondoçusu Helsinqborqda qızıl medal qazanıb

20 Fevral 2020, 16:05 (GMT +4)
Merkel Hanaudakı atışma səbəbiylə Halleyə ziyarətini ləğv edib

20 Fevral 2020, 16:02 (GMT +4)
Bakı metrosu koronavirusa görə dezinfeksiya ediləcək

20 Fevral 2020, 15:54 (GMT +4)
Azərbaycanda 4-cü dəfə Satış Forum keçirilib (FOTOLAR)

20 Fevral 2020, 15:51 (GMT +4)
Türkiyə-Azərbaycan oyunu Alanyadakı Oba stadionunda keçiriləcək

20 Fevral 2020, 15:40 (GMT +4)
Avstraliya Çindən gələnlərin ölkəyə giriş qadağasını uzadıb

20 Fevral 2020, 15:26 (GMT +4)
“Azərişıq” ASC-nin sədri Şamaxıda vətəndaşları qəbul edəcək

20 Fevral 2020, 15:20 (GMT +4)
Mayk Pompeo bölgəyə səfəri çərçivəsində Səudiyyə kralı ilə görüşüb

20 Fevral 2020, 15:18 (GMT +4)
Maduro ABŞ-ın sanksiyaları səbəbiylə milli neft sənayesində fövqəladə vəziyyət elan edib

20 Fevral 2020, 15:17 (GMT +4)
Azərbaycan və İtaliya Prezidentlərinin geniş tərkibdə görüşü olub

20 Fevral 2020, 15:11 (GMT +4)
Memarlıq və İnşaat Universitetində Karyera sərgisi təşkil olunub

20 Fevral 2020, 15:00 (GMT +4)
DTX Neftçalada keçirilən əməliyyatla bağlı açıqlama yayıb

20 Fevral 2020, 14:57 (GMT +4)
Bakıda maliyyə və texnologiyalar sərgisi keçiriləcək

20 Fevral 2020, 14:43 (GMT +4)
Azərbaycanda aqrar məsləhət xidmətlərinin gücləndirilməsinə dair layihənin təqdimatı keçirilib

20 Fevral 2020, 14:32 (GMT +4)
ABŞ-da Azərbaycan İnnovasiyalar Evinin açılış mərasimi keçirilib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66