Mobil versiya RU AZ
_




AZƏRBAYCAN » CƏMİYYƏT

Azərbaycanda icbari tibbi sığorta sahəsində görülən son yeniliklər açıqlanıb

20 Fevral 2020, 11:41 (GMT +4)

Bakı, 20 fevral, SalamNews. Bu gün Yeni Azərbaycan Partiyasının İcra Katibliyində İcbari Tibbi Sığorta üzrə Dövlət Agentliyinin (Agentlik) İdarə Heyətinin sədri Zaur Əliyev mətbuat konfransı keçirib.

SalamNews-un məlumatına görə, mətbuat konfransında Agentliyin sədri bildirib ki, cari ilin fevral ayının 15-dək icbari tibbi sığortanın tətbiq edildiyi 23 regiondakı tibb müəssisələrinə 381 482 nəfər, 607 063 müraciət etmişdir. Bu müraciətlər üzrə 1 321 592 tibbi xidmət göstərilmişdir.

Ən çox vətəndaşın müraciət etdiyi regionlar Mingəçevir (76 992), Yevlax (48 325), Xaçmaz (43 030), Şəki (42 896) və Qəbələdir (42 874). Ən çox tibbi xidmət göstərən tibb müəssisələri Mingəçevir şəhər Mərkəzi Xəstəxanası (244 747), Yevlax rayon Mərkəzi Xəstəxanası (108 376), Ağdaş rayon Mərkəzi Xəstəxanası (92 151), Xaçmaz rayon Mərkəzi Xəstəxanası (72 757) və Şəki rayon Mərkəzi Xəstəxanasıdır (84 350).

Z.Əliyev bildirib ki, tibb müəssisələrinin resurslarından və kadr potensialından səmərəli istifadəni təmin etmək, fəaliyyətlərini optimallaşdırmaq və əhalinin müxtəlif növ tibbi yardıma əlçatanlığını təmin etmək məqsədilə respublikanın inzibati ərazi vahidləri üzrə tibbi ərazi bölmələri yaradılmışdır. Hazırda icbari tibbi sığortanın tətbiqi 5 tibbi ərazi bölməsini əhatə edir: “Həmin tibbi ərazi bölmələri üzrə müraciət sayına gəldikdə, deyə bilərəm ki, fevralın 15-dək ən çox Şəki – Zaqatala tibbi ərazi bölməsinə müraciət edilib. Şəki – Zaqatala üzrə 169 204, Bərdə – Yevlax üzrə 149 683, Quba – Xaçmaz üzrə 124 350, Göyçay – Kürdəmir üzrə 83 562 və Dağlıq Şirvan üzrə 80 264 müraciət qeydə alınıb”.

Ən çox müraciət edilən xəstəliklərə gəldikdə, fevralın 15-dək müraciətlərin böyük əksəriyyəti yuxarı tənəffüs yollarının dəqiqləşdirilməmiş kəskin infeksiyası xəstəliyi ilə bağlı olub. Bu xəstəlik üzrə 12 182 müraciət qeydə alınıb. Ən çox müraciət edilən xəstəliklər sırasında ümumi tibbi baxış (7189), yüksək qan təzyiqi (6215), digər ümumi baxışlar (5372), insulindən asılı olmayan şəkərli diabet (5231) və s. xəstəliklər yer alır.

Yanvar ayı ərzində ümumilikdə 242 nəfər həyati vacib-dəyəri yüksək olan əməliyyatlardan yararlanıb. Bahalı əməliyyatlar arasında, koronar damarlara stendlərin tətbiqi (76 əməliyyat), kardiologiya/ürək-damar cərrahiyyəsi (60 əməliyyat), oftalmologiya (42 əməliyyat), urologiya (24 əməliyyat), nevrologiya/neyrocərrahiyyə (23 əməliyyat) üzrə əməliyyatlar çoxluq təşkil edir.

Agentlik sədrinin sözlərinə görə, görülən tədbirlərdən biri də səhiyyə işçilərinin əməkhaqlarına tətbiq edilən əlavələrlə bağlıdır. Yeni Qaydaya əsasən tibb işçisinin əməkhaqqına tutduğu vəzifədən, stajından və xidməti fəaliyyətinin qiymətləndirilməsindən asılı olaraq müəyyən edilən vəzifə (tarif) maaşı, əmək şəraitinə görə ödənilən əlavələr, həvəsləndirici əlavələr və Əmək Məcəlləsində nəzərdə tutulmuş digər ödənişlər daxildir.

“Tibbi Ərazi Bölmələrini İdarəetmə Birliyinin tabeliyində olan bütün tibb işçilərinə aylıq maaşları verilib. Əməkhaqlarına əlavələrin tətbiqi isə vaxt tələb edir. İcbari tibbi sığorta səhiyyə sahəsində aparılan əhəmiyyətli islahatdır. Azərbaycan səhiyyə sistemində ilk dəfədir ki, səhiyyə işçilərinin əməyi xidməti fəaliyyətin iqtisadi və kəmiyyət göstəricilərinə görə qiymətləndirilir. Gələcəkdə səhiyyə işçilərinin əməyinin keyfiyyət göstəricisinə görə də qiymətləndirilməsi nəzərdə tutulur. Hazırda tibb müəssisələrinin mühasibatlıq və maliyyə şöbələri bonus və əlavələrin hesablanması üzərində çalışırlar. Agentlik də tibb müəssisələrinə bu istiqamətdə öz dəstəyini göstərir. Yaxın zamanda səhiyyə işçiləri əməkhaqlarına əlavələrini də alacaqlar”, - deyə Agentlik sədri bildirib.

Növbəti yeniliklərdən biri də Agentliyin “Sığortaolunanın Tibbi Kabineti” adlı yeni elektron xidmətinin “myGov” portalına inteqrasiya olunması ilə bağlıdır. Artıq vətəndaşlar tibb müəssisələrində icbari tibbi sığorta çərçivəsində onlara göstərilən xidmətləri “MyGov” portalından sözügedən tibbi kabinetə daxil olaraq izləyə biləcəklər.

Z.Əliyev sonda bildirib ki, əhalinin səhiyyə sistemindən gözləntilərinin bir il ərzində qarşılanması mümkün deyil: “Bunun üçün müəyyən vaxt tələb olunur və bu proses mərhələlərlə öz həllini tapacaq. Bir çox ölkələrdə icbari tibbi sığortanın tətbiqi müəyyən müddət ərzində reallaşmışdır.

İcbari tibbi sığortanın tətbiqindən sonra da xəstəxanalarda həmin həkimlər çalışacaq, həmin tibbi xidmətlər göstəriləcək. Sadəcə olaraq səhiyyə sisteminin icbari tibbi sığortaya keçidində yeni mexanizmlərin və qaydaların tətbiqi müsbət dəyişikliklərə səbəb olacaq. Tibb müəssisələrinin maddi-texniki bazasının gücləndirilməsi, göstərilən elektron xidmətlərin genişləndirilməsi, tibb müəssisələrində tətbiq olunan keyfiyyət standartları, səhiyyə işçilərinin təlimlərə cəlb edilməsi, əməkhaqlarına tətbiq edilən əlavələr – bütün bunlar hamısı göstərilən tibbi xidmətlərin keyfiyyətinə bilavasitə təsir etmiş olacaq. Bu islahatın uğurla həyata keçirilməsi ölkəmizdə səhiyyə sistemini köklü sürətdə dəyişəcək və əhalinin tibbi xidmətlərə əlçatanlığını artıracaq”.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Gələn ilin yanvarın 1-dən icbari tibbi sığorta haqlarının toplanmasına başlanılacaq

İşəgötürənlər işçilərinin icbari tibbi sığortalanmasını təmin edəcək

Nazirlər Kabineti icbari tibbi sığorta ilə bağlı qərarın izahını verib

Prezident: İcbari Tibbi Sığorta Agentliyinin və TƏBİB-in fəaliyyətini yüksək qiymətləndirirəm

İcbari Tibbi Sığorta üzrə Dövlət Agentliyinə 97 milyon manat ayrılıb

İcbari tibbi sığortanın II mərhələdə tətbiqi iyulda həyata keçiriləcək

İcbari Tibbi Sığorta üzrə Dövlət Agentliyi vətəndaş qəbulunu dayandırıb

İcbari Tibbi Sığorta üzrə Dövlət Agentliyinin elektron xidməti “myGov” portalına inteqrasiya olunub

Müvəqqəti qeydiyyatı olan şəxslər icbari tibbi sığortadan necə yararlana bilər? (AÇIQLAMA)

İcbari Tibbi Sığorta üzrə Dövlət Agentliyi KİV-lərə müraciət edib

İcbari Tibbi Sığorta üzrə 242 nəfər dəyəri yüksək olan əməliyyatlardan yararlanıb

Culfada icbari tibbi sığorta tətbiq edilib, işçilərin maaşları artırılıb

İcbari Tibbi Sığorta üzrə Dövlət Agentliyinin 3 filialı fəaliyyətə başlayıb

Ekspert: İcbari tibbi sığortanın tətbiqi 2020-ci ilin ən böyük sosial islahatlarından biri olacaq

İcbari Tibbi Sığorta üzrə Dövlət Agentliyi vətəndaşlara müraciət edib

Azərbaycan müasir icbari tibbi sığorta sisteminin tətbiqinə hazırdır

İcbari tibbi sığorta sistemində sahibkarların rolu müzakirə olunacaq

“Azərbaycanda icbari tibbi sığorta sisteminin tətbiqinə dəstək” tvinninq layihəsinin təqdimatı olub

İcbari Tibbi Sığorta üzrə Dövlət Agentliyi yeni ünvana köçüb

Dövlət Agentliyi: Bu islahatlar icbari tibbi sığorta sistemi ilə uzlaşdırılmalıdır

19 Yanvar 2021, 13:10 (GMT +4)
Qarabağ Dirçəliş Fondunun saytı yaradılacaq

19 Yanvar 2021, 12:57 (GMT +4)
BMT İsrailin işğal edilən ərazilərdə yeni massiv salmasını kəskin qınayıb

19 Yanvar 2021, 12:53 (GMT +4)
“Qarabağ Dirçəliş Fondunun” Nizamnaməsi və strukturu təsdiqlənib

19 Yanvar 2021, 12:51 (GMT +4)
Bloomberg: Bayden ABŞ-ın Rusiyadakı səfirindən bir müddət vəzifədə qalmağı xahiş edib

19 Yanvar 2021, 12:45 (GMT +4)
MN: Vətən müharibəsindən qayıdan 2 240 şəxsin müraciətinə baxılıb

19 Yanvar 2021, 12:30 (GMT +4)
Azərbaycanda müşahidə olunan faktiki hava açıqlanıb

19 Yanvar 2021, 12:26 (GMT +4)
ÜST Çini epidemiyanın ilk günlərində tədbir almamasına görə tənqid edib

19 Yanvar 2021, 12:15 (GMT +4)
Ötən il 1 ton 873 kq narkotik vasitə qanunsuz dövriyyədən çıxarılıb

19 Yanvar 2021, 12:15 (GMT +4)
Nazirlik: Kiberdələduzlar “Azərpoçt”un internet səhifəsinə oxşar saxta saytlar yaradır

19 Yanvar 2021, 12:06 (GMT +4)
Azərbaycan və İranın birgə iqtisadi komissiyasının 14-cü iclası keçirilib (FOTO)

19 Yanvar 2021, 12:00 (GMT +4)
Cinayət törətməkdə şübhəli bilinən 39 nəfər saxlanılıb

19 Yanvar 2021, 11:54 (GMT +4)
"Brent" markalı xam neftin qiyməti bahalaşıb

19 Yanvar 2021, 11:45 (GMT +4)
20 Yanvara həsr olunmuş xüsusi dərslər keçiriləcək

19 Yanvar 2021, 11:30 (GMT +4)
Azərbaycan Prezidenti indoneziyalı həmkarına başsağlığı verib

19 Yanvar 2021, 11:24 (GMT +4)
Rusiyada xizək federasiyasının prezidenti qar uçqunu altında qalaraq ölüb

19 Yanvar 2021, 11:15 (GMT +4)
Ağcabədidə qeydiyyatı olmadan fəaliyyət göstərən çörək sexi bağlanıb (FOTO)

19 Yanvar 2021, 11:12 (GMT +4)
Qətər körfəz ərəb dövlətlərini İranla danışıqlara başlamağa çağırıb

19 Yanvar 2021, 11:07 (GMT +4)
CNN: Tramp ABŞ prezidenti olaraq vida nitqini hazırlayıb

19 Yanvar 2021, 11:00 (GMT +4)
Goranboyda polisə qarşı zor tətbiq edən şəxsə cinayət işi başlanılıb

19 Yanvar 2021, 10:45 (GMT +4)
DYP hava şəraiti ilə bağlı sürücülərə müraciət edib

19 Yanvar 2021, 10:30 (GMT +4)
ABŞ-da COVID-19-a yoluxanların sayı 24 milyonu keçib

19 Yanvar 2021, 10:30 (GMT +4)
Azərbaycan nefti bahalaşıb

19 Yanvar 2021, 10:26 (GMT +4)
Suriyanın şərqində ABŞ Ordusuna məxsus helikopter qəzaya uğrayıb

19 Yanvar 2021, 10:15 (GMT +4)
Xaçmaz KOB evində ötən il sahibkarlara 21 minə yaxın xidmət göstərilib

19 Yanvar 2021, 10:00 (GMT +4)
“Azəriqaz”: Qaz sızmalarının aradan qaldırılmasına diqqət artırılıb

19 Yanvar 2021, 09:48 (GMT +4)
ABŞ həbsdə saxladığı İŞİD silahlılarını Suriya Ordusuna hücum üçün hazırlaşdırır – Rəsmi Dəməşq

19 Yanvar 2021, 09:45 (GMT +4)
Bakıda köşk yanıb

19 Yanvar 2021, 09:30 (GMT +4)
Ceyhun Bayramov TÜRKSOY-un baş katibi ilə görüşüb

19 Yanvar 2021, 09:26 (GMT +4)
Ermənistanda yeni səhiyyə naziri təyin edilib

19 Yanvar 2021, 09:14 (GMT +4)
İraq Ordusunun mövqelərinə hava zərbələri endirilib, ölənlər var - KİV

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66