Mobil versiya RU AZ
_




AZƏRBAYCAN » İDMAN

“Qızıl 10-luq” idman sorğusunun qaliblərini mükafatlandırılma mərasimi keçirilib

04 Mart 2020, 16:35 (GMT +4)

Bakı, 4 mart, SalamNews. Azərbaycan Mətbuat Şurasının inzibati binasında “Qızıl 10-luq ” idman sorğusunun qaliblərinin mükafatlandırılma mərasimi keçirilib.

Mərasimdə Azərbaycan Mətbuat Şurasının sədri Əflatun Amaşov, " Olimpiya dünyası " qəzetinin baş redaktorunun müavini, Əməkdar jurnalist Aslan Şirəliyev və “Olimpsport ” jurnalının baş redaktoru Ramin Allahverdiyev iştirak edib. Fəxri qonaqlar arasında idman ictimaiyyətinin tanınmış nümayəndələrindən üçqat dünya və Avropa çempionu Hacı Əliyev, üçqat Avropa çempionu, yığma komandanın kapitanı Cəbrayıl Həsənov, “Neftçi ” Klubunun veteran futbolçusu, Şimali Osetiyanın “Şöhrət ” ordeni laureatı Nazim Süleymanov, Bakı Dövlət Universitetinin hüquq elmləri doktoru, professor Mayis Əliyev, Xəzər televiziya kanalının jurnalisti Sənan Abdullayev və digər nüfuzlu şəxslər də yer alıblar.

OLİMPSPORT xəbər verir ki, tədbiri giriş sözü ilə açan Əflatun Amaşov əvvəlcə Azərbaycanın idman salnaməsindən qısa məlumat verdi. O bildirdi ki, son illər idman sahəsində medalların sayı durmadan artır. Əflatun Amaşov vurğuladı ki, idmançılarımızın hər bir uğuru dərhal dövlətimiz tərəfindən layiqincə qiymətləndirilir. Elə bu yaxınlarda “Neftçi” klubunun veteran futbolçusu İqor Ponomaryovun “Şöhrət” ordeni ilə təltif edilməsi bir daha onu göstərdi ki, idman sahəsində xidmətləri olmuş hər bir kəs dərhal dövlətimiz tərəfindən layiqincə qiymətləndirilir. Daha sonra Əflatun Amaşov hər il olduğu kimi ilin ən yaxşılarını seçmək üçün keçirilən idman sorğusunun da vacibliyindən danışaraq bildirdi ki, Azərbaycan mətbuatının idman sahəsində uğur qazanan şəxsləri qiymətləndirməsi eyni zamanda onların gələcək karyerasına əlavə stimul verəcək.

“Olimpiya dünyası” qəzetinin baş redaktorunun müavini Aslan Şirəliyev də nitq söyləyərək bildirdi ki, biz 11 ildir ki, Azərbaycan Mətbuat Şurası və «Olimpsport» jurnalı ilə əməkdaşlıq edirik. Bu müddət ərzində kifayət qədər uğurlu layihələr həyata keçirilib. Bununla da biz idman mətbuatı olaraq ölkə idmanına öz töhfəmizi vermişik.

«Olimpsport» jurnalının baş redaktoru, fəxri bədən tərbiyəsi və idman işçisi Ramin Allahverdiyev də çıxış edərək bildirdi ki, “Qızıl 10-luq ” idman sorğusunda qalib gələn hər bir kəs obyektiv olaraq bu ada layiq görülüb. O bildirib ki, ölkədə keçirilən idman sorğuları əsasən media qurumları tərəfindən həyata keçirilir və bu da onu göstərir ki, xalqımız medianın rəyinə inanır. Ramin Allahverdiyev 11 il əməkdaşlıq etdiyi və hər zaman dəstək aldığı Azərbaycan Mətbuat Şurasına və “Olimpiya dünyası ” qəzetinin rəhbərliyinə dərin təşəkkürünü bildirdi.

Fəxri qonaqlar arasında yer alan Bakı Dövlət Universitetinin hüquq elmləri doktoru, professor Mayis Əliyev də öz ürək sözlərini deyərək ilk dəfə idmançılarla tədbirdə olduğunu ifadə etdi. Professor Mayis Əliyev tədbirin təşkilatçılarından olan «Olimpsport» jurnalının baş redaktoru Ramin Allahverdiyevə vaxtilə dərs dediyini xatırlatdı və onun bugünkü uğuruna çox sevindiyini bildirdi.

Tədbirdə iştirak edən fəxri qonaqlardan veteran futbolçu Nazim Süleymanov da tədbirə dəvət edildiyi üçün təşkilatçılara dərin təşəkkürünü bildirdi. Nazim Süleymanov “Qızıl 10-luq ” idman sorğusunda qalib gələn iki yaxın dostu, Vəli Qasımov və Aslan Ağayevin uğurlarına çox sevindiyini bildirdi. Fürsətdən istifadə edən veteran futbolçumuz Nazim Süleymanov özü haqqında dərc olunan kitabı Azərbaycan Mətbuat Şurasının sədri Əflatun Amaşova təqdim etdi. Əflatun Amaşov da 80-ci illərin iki məşhur futbolçularından olan Nazim Süleymanov və Vəli Qasımovdan ürək dolu danışdı, onları mətbuat şurasının inzibati binasında görməyə çox sevindiyini bildirdi.

Xatırladaq ki, 55 illik yubileyi münasibətilə Nazim Süleymanov təşkilatçılar tərəfindən fəxri diplomla təltif olunub. Fəxri diplomu yubilyara Əflatun Amaşov təqdim edib.

Azərbaycan Mətbuat Şurası, "Olimpiya dünyası " qəzeti və "Olimpsport " jurnalının birgə təşkilatçılığı ilə keçirilən 2019-cu ilin “Qızıl10-luq” idman sorğusunun nəticələri açıqlanıb. Nəticələrə görə aşağıdakı nominantlar qalib adını qazanıb.

1. “İlin futbol adamı” - UEFA Avropa Liqası finalının səfiri, “Real Betis” klubunun və millinin veteran futbolçusu Vəli Qasımov

2. “İlin idmançısı” - Tokio Olimpiya Oyunlarına vəsiqə qazanmış atlet Nazim Babayev

3. “İlin məşqçisi” - qadınlardan ibarət güləş millimizin və üçqat Avropa çempionu Cəbrayıl Həsənovun məşqçisi, Aslan Ağayev
4. “İlin Hakimi” - “ I kateqoriya" üzrə güləş hakimi, Sədi Quliyev
5.“İlin idman jurnalisti” - “CBC SPORT” kanalının əməkdaşı Şəmsəddin Abbasov

6.“İlin pəhləvan güləşçisi” - Kəmər güləşi üzrə 2019-cu ilin dünya çempionu Tural Əliyev

7. “İlin gənclər və idman təbliğatçısı” - Tovuz Gənclər Evi
8. “İlin mətbuat katibi” - Gənclər və İdman Nazirliyinin mətbuat xidmətinin katibi Səmayə Məmmədova
9. “İlin idman mütəxəssisi - Azərbaycan Güləş Federasiyasının vitse-prezidenti, «Şöhrət» ordenli Elçin Cəfərov
10. ”İlin idman cəmiyyəti” - Daxili İşlər Nazirliyi İdman Cəmiyyəti


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

10 Aprel 2020, 16:58 (GMT +4)
KİV: Cənubi Koreya ABŞ-la İrana humanitar malların tədarükü məsələsini razılaşdırıb

10 Aprel 2020, 16:54 (GMT +4)
Türkiyə koronavirusla bağlı İsrailə tibbi ləvazimat satıb

10 Aprel 2020, 16:45 (GMT +4)
BNA: Yaşı 65-dən yuxarı olan sürücülər xəttə buraxılmır

10 Aprel 2020, 16:30 (GMT +4)
Prezident İlham Əliyevin təşəbbüsü ilə Türk Şurasının videokonfrans vasitəsilə fövqəladə Zirvə görüşü keçirilib

10 Aprel 2020, 16:15 (GMT +4)
İspaniyada nazir bir ay davam edən xəstəlikdən sonra koronavirusa qalib gəlib 

10 Aprel 2020, 16:10 (GMT +4)
Jurnalistlər üçün ilk dəfə onlayn mətbuat konfransı təşkil edilib (FOTO)

10 Aprel 2020, 15:45 (GMT +4)
9108 Çağrı Mərkəzi gücləndirilmiş rejimdə fəaliyyət göstərir (FOTO)

10 Aprel 2020, 15:44 (GMT +4)
Rusiyada daha 97 koronavirus xəstəsi sağalıb 

10 Aprel 2020, 15:43 (GMT +4)
Əfqanıstanda koronavirusa yoluxanların sayı artıb, Taliban da qabaqlayıcı tədbirlərə başlayıb

10 Aprel 2020, 15:26 (GMT +4)
Ötən gün Bakıda avtobusla 424 mindən çox sərnişin daşınıb (STATİSTİKA)

10 Aprel 2020, 15:23 (GMT +4)
Tacikistan xarici vətəndaşlar üçün sərhədi bağlayıb

10 Aprel 2020, 15:17 (GMT +4)
Bakıda evdən oğurluq edən şəxs tutulub

10 Aprel 2020, 15:00 (GMT +4)
Azercell “Abunəçi bilgilərinin dəqiqləşdirilməsi” xidmətini təmənnasız təqdim edir

10 Aprel 2020, 14:57 (GMT +4)
Tramp: ABŞ-da koronavirusun yayılması pik həddə çatıb

10 Aprel 2020, 14:48 (GMT +4)
KOBİA sosial təşəbbüsə qoşulub (FOTO)

10 Aprel 2020, 14:41 (GMT +4)
Səbaildə vətəndaşların maarifləndirilməsi ilə bağlı nəzarət gücləndirilib

10 Aprel 2020, 14:25 (GMT +4)
Rusiyada koronavirusa yoluxma hallarının sayı 12 minə çatıb

10 Aprel 2020, 14:24 (GMT +4)
İranda koronavirusa yoluxanlardan yarıdan çoxu sağalıb

10 Aprel 2020, 14:19 (GMT +4)
Azərbaycan “Quru limanlar haqqında” Hökumətlərarası Sazişə qoşulub

10 Aprel 2020, 14:14 (GMT +4)
Formula 1 Azərbaycan Qran-Prisinin könüllüləri “Könüllü qonşu” aksiyasına qoşulublar

10 Aprel 2020, 13:56 (GMT +4)
“Naxçıvan” Əlahiddə Əməliyyat Briqadasının yaradılmasının 25 ili tamam olur

10 Aprel 2020, 13:47 (GMT +4)
Səudiyyə OPEK+ ölkələrinin tarixi razılaşmasının ilk maneəsini açıqlayıb

10 Aprel 2020, 13:30 (GMT +4)
BDU-da tədrisin məsafədən təşkili uğurla davam etdirilir

10 Aprel 2020, 13:16 (GMT +4)
Azərbaycanda sabaha gözlənilən hava proqnozu açıqlanıb

10 Aprel 2020, 13:10 (GMT +4)
ÜST rəhbəri hesabat üçün ABŞ Senatına çağrılıb

10 Aprel 2020, 13:01 (GMT +4)
“Kapital Bank” POS-terminallar üzrə xidmət haqqını ləğv edib

10 Aprel 2020, 12:49 (GMT +4)
İran koronavirusla bağlı sosial təcrid və izolyasiyaya elektron şəkildə nəzarəti bərpa edəcək

10 Aprel 2020, 12:46 (GMT +4)
Putin DİN və Rusiya qvardiyasına koronavirusla bağlı təlimat verib

10 Aprel 2020, 12:37 (GMT +4)
Kreml Putinin Tramp və Salmanla söhbətinin təfərrüatlarını açıqlayıb

10 Aprel 2020, 12:26 (GMT +4)
Zaqatalada karantin rejimini pozan şəxsdə narkotik vasitə aşkarlanıb

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66