Mobil versiya RU AZ
_




AZƏRBAYCAN » İQTİSADİYYAT

KOBİA sahibkarlara çağırış edib

21 Mart 2020, 15:32 (GMT +4)

Bakı, 21 mart, SalamNews. Azərbaycan Respublikasının Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov sahibkarlara müraciət edib.

Bu barədə SalamNews-a KOBİA-dan məlumat verilib.

Müraciətdə deyilir ki, bu gün bütün dünya qlobal miqyasda koronavirus (COVID-19) infeksiyası ilə mübarizə aparır. Azərbaycan da ilk gündən Ümumdünya Səhiyyə Təşkilatı ilə əməkdaşlıq çərçivəsində ölkə vətəndaşlarının sağlamlığının qorunması, infeksiyanın yayılmasının qarşısının alınması və təsirlərinin minimuma endirilməsi istiqamətində müvafiq preventiv və profilaktik tədbirlər həyata keçirir.

Qlobal pandemiyaya çevrilmiş koronovirus insanların sağlamlığı ilə yanaşı, dünya iqtisadiyyatına da neqativ təsir göstərməkdədir. Azərbaycan da dünya iqtisadiyyatının bir hissəsidir və qlobal miqyasda baş verən proseslər ölkəmizə də təsirsiz ötüşmür.

Koronovirusla bağlı bütün dünyada, o cümlədən ölkəmizdə iqtisadi, mədəni və idman tədbirlərinin təxirə salınması, sərhədlərin bağlanması, turizm, ticarət, ictimai iaşə, sərnişin və yükdaşımaları sektorlarındakı durğunluq, eləcə də ölkəmizdə müxtəlif sahələrdə xüsusi iş rejiminin tətbiqi və əhalinin sosial təcrid olunması təbii olaraq, işgüzar fəallığı zəiflədir, iqtisadiyyatın müxtəlif sahələrinin inkişafına, eləcə də KOB subyektlərinə öz mənfi təsirini göstərir.

Bildiyiniz kimi, Azərbaycan Respublikasının Prezidenti daim, xüsusilə də ən çətin vaxtlarda hər bir Azərbaycan vətəndaşına öz diqqət və qayğısını əsirgəmir, sahibkarlıq və özəl sektorun inkişafına öz dəstəyini göstərir. Dövlət başçısının koronavirus pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların ölkə iqtisadiyyatına, makroiqtisadi sabitliyə, məşğulluq və sahibkarlıq subyektlərinə mənfi təsirinin azaldılması ilə bağlı martın 19-da imzaladığı Sərəncam və ayrılmış 1 milyard manat həcmində vəsait bunu bir daha əyani şəkildə sübut edir. Eyni zamanda, Prezident İlham Əliyevin tapşırığına uyğun olaraq, hazırda tətbiq edilən məhdudlaşdırıcı tədbirlər nəticəsində sahibkarların qarşılaşa biləcəyi itkilərin minimuma endirilməsi üçün hökumət tərəfindən müvafiq təkliflər paketi hazırlanır.

Azərbaycan Respublikasının Kiçik və Orta Biznesin İnkişafı Agentliyi də koronavirus infeksiyasının turizm, ictimai-iaşə, ticarət, yükdaşıma-logistika sektorlarına, xüsusilə də bu sahələrdə fəaliyyət göstərən kiçik və orta biznes (KOB) subyektlərinə təsirləri ilə bağlı müvafiq təkliflərin hazırlanması prosesində iştirak edir.

Müraciətdə bildirilir ki, koronavirus infeksiyasının kiçik və orta sahibkarlığa təsirinin müəyyənləşdirilməsi, yaranmış çətinliklərdən çıxış yollarının müzakirəsi, sahibkarların gözləntilərinin və təkliflərinin öyrənilməsi məqsədilə KOBİA tərəfindən 80-ə yaxın sahibkarın iştirakı ilə görüşlər keçirilib, 700-ə yaxın KOB subyekti arasında sorğular aparılıb. Bu görüşlərdə və sorğularda iştirak edən sahibkarlar, müddətli olaraq vergi və sosial müdafiə ödəmələrinin təxirə salınması, yaranan məşğulluq problemlərinə dəstək, kredit öhdəliklərinin və icarə xərclərinin ertələnməsi və digər gözləntilərdə olduğunu bildiriblər.

Koronavirus infeksiyası ilə bağlı ev şəraitində qalmağa üstünlük verən vətəndaşların gündəlik ərzaq və qida ehtiyaclarının qarşılanması, eləcə də mövcud vəziyyətdən ictimai iaşə və ticarət sektorlarının daha az təsirlənməsi məqsədilə KOBİA təchizatçı, pərakəndə satış və logistika şirkətləri ilə də müxtəlif görüşlər keçirib. Artıq bir sıra sahibkarlıq subyektləri çatdırılma xidməti ilə bağlı təkliflərlə Agentliyə müraciət ediblər. KOBİA bu təşəbbüslərə səlahiyyətləri çərçivəsində dəstək verəcəkdir.

Sevindirici haldır ki, KOBİA-nın koronavirus infeksiyasının KOB-lara mümkün təsirlərinin azaldılmasına biznes tərəfdaşlığı platforması çərçivəsində dəstək göstərilməsi barədə çağırışına qısa müddətdə bir sıra banklar müsbət cavab verdi. Artıq müxtəlif banklar tərəfindən bank əməliyyatları, xarici pul köçürmələri ilə bağlı KOB-lara güzəştlər olunur.

Ölkə sahibkarlarının belə vaxtlarda səylərini və təşəbbüslərini birləşdirməsi, bir-birinə dəstək olması, sosial məsuliyyətini anlaması vacibdir. Sahibkarları ölkə vətəndaşlarının sağlamlığının qorunması məqsədilə müxtəlif sektorlarda tətbiq edilən məhdudlaşdırıcı qərarların məsuliyyətini daha yaxşı anlamağa, iqtisadiyyatın, xüsusilə də sahibkarlığın inkişafı naminə dövlətimizlə həmrəy olmağa səsləyirik. Qoyulan qaydalara ciddi əməl etməklə, ən əsası isə dövlətimizlə həmrəy olmaqla sahibkarlıq sektoru mövcud vəziyyətdən daha tez, dövlətimizin dəstəyi ilə isə az itki ilə çıxacaqdır.

Müraciətdə vurğulanır ki, dövlətimizin başçısının 19 mart tarixli Fərmanı ilə Koronavirusla Mübarizəyə Dəstək Fondu yaradılıb. Bu fondun vəsaitlərinin formalaşması mənbələri sırasında dövlət büdcəsi ilə yanaşı, fiziki və hüquqi şəxslərin könüllü ödəmələri də yer almışdır. Fürsətdən istifadə edərək, dövlətimizə həmrəylik əlaməti olaraq sahibkarları könüllülük və sosial məsuliyyət prinsipləri əsasında Koronavirusla Mübarizəyə Dəstək Fonduna dəstək göstərməyə çağırırıq. Bir olaq, dəstək olaq!

 


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

KOBİA özünüməşğulluq proqramına cəlb edilənlərə dəstək verir

Dünyanın tanınmış layihəsi KOBİA-nın dəstəyi ilə həyata keçiriləcək

KOBİA sahibkarları sənaye parklarında və məhəllələrində işləməyə çağırıb

QHT-lərə Dövlət Dəstəyi Şurası və KOBİA qalib QHT-lərlə onlayn görüş keçirib (FOTO)

KOBİA ölkə regionlarına xarici investisiyaların cəlb olunmasına dəstək göstərir

Nazirlik: 300-dək vətəndaş KOBİA-nın dəstəyindən istifadə edib

KOBİA: Yeni güzəştli kreditləşdirmə mexanizmləri KOB-ların maliyyələşdirilməsi üçün əlavə imkanlar yaradır

KOBİA: Üç yeni biznes assosiasiyası yaradılıb

KOBİA-nın dəstək göstərdiyi müəssisə tütün tədarükünə başlayıb

KOBİA sahibkarlara müraciət edib

KOBİA onlayn maarifləndirmə tədbirlərinə başlayıb

KOBİA-nın dəstəyi ilə yaradılmış müəssisələrdə istehsala başlanılıb

KOBİA-ya mart-aprel aylarında 1 300-dən çox müraciət daxil olub

KOBİA qanvermə aksiyasına qoşulub

KOBİA “Könüllünün öz/əl kitabı”nı nəşr edib

KOBİA-nın dəstəyi ilə yeni layihənin icrasına başlanıb (FOTOLAR)

KOBİA və Caspian European Club ilk onlayn B2G forum təşkil edib

KOBİA sosial təşəbbüsə qoşulub (FOTO)

KOBİA əl dezinfeksiya edici vasitə istehsalına dəstək göstərib

KOBİA-nın dəstəyi ilə onlayn supermarket yaradılıb

23 Sentyabr 2020, 10:15 (GMT +4)
Makron ABŞ-ın İrana qarşı yeni sanksiya planının əleyhinə olduğunu bildirib

23 Sentyabr 2020, 10:10 (GMT +4)
SOCAR AQŞ Beynəlxalq Akkreditasiyaya layiq görülüb

23 Sentyabr 2020, 10:00 (GMT +4)
FHN Akademiyasında abituriyentlər üçün toplanış elan olunub

23 Sentyabr 2020, 09:58 (GMT +4)
Ərdoğan: Peyvənd bəşəriyyətin ümumi istifadəsinə verilməlidir

23 Sentyabr 2020, 09:45 (GMT +4)
Ermənistan silahlı qüvvələri atəşkəs rejimini 49 dəfə pozub

23 Sentyabr 2020, 09:36 (GMT +4)
Putin və Makronun Navalnı haqqında etdikləri söhbətin məzmunu məlum olub

23 Sentyabr 2020, 09:31 (GMT +4)
Səudiyyə Ərəbistanı gələn aydan ümrə ziyarətlərinə icazə verəcək

23 Sentyabr 2020, 09:30 (GMT +4)
Azərbaycan və Ukrayna Prezidentləri arasında telefon danışığı olub

23 Sentyabr 2020, 09:20 (GMT +4)
Azərbaycanda daha 10 şagirddə koronavirus aşkarlanıb

23 Sentyabr 2020, 09:04 (GMT +4)
ABŞ bizi nə müzakirəyə məcbur edə bilər nə də müharibəyə – Həsən Ruhani

22 Sentyabr 2020, 18:00 (GMT +4)
Bu il daha iki DOST Mərkəzi açılacaq

22 Sentyabr 2020, 17:50 (GMT +4)
DİM: Gözdən əlil abituriyentlər üçün 20 plan yeri ayrılıb

22 Sentyabr 2020, 17:38 (GMT +4)
“Bakcell” “Xəzəri qoruyaq” şüarı ilə keçirilən təmizlik aksiyasına qoşulub

22 Sentyabr 2020, 17:30 (GMT +4)
Avropa İttifaqı və Ədliyyə Nazirliyi ilk mediatorları təltif edib

22 Sentyabr 2020, 17:27 (GMT +4)
Moskvada Azərbaycan Parlamentinin sədri ilə Rusiya Federasiya Şurası rəhbərinin görüşü başlayıb

22 Sentyabr 2020, 17:25 (GMT +4)
Livanın cənubunda şiddətli partlayış baş verib, yaralananlar var (VİDEO)

22 Sentyabr 2020, 17:20 (GMT +4)
Rusiyada "Su-30" qırıcısı qəzaya uğrayıb

22 Sentyabr 2020, 17:10 (GMT +4)
DTX vətəndaşlara müraciət edib

22 Sentyabr 2020, 17:07 (GMT +4)
Əhmədiyyə Cəbrayılova həsr olunmuş sənədli film çəkilib

22 Sentyabr 2020, 16:45 (GMT +4)
Birinci vitse-prezident Uşaq İncəsənət Məktəbinin açılışında iştirak edib

22 Sentyabr 2020, 16:44 (GMT +4)
Amerikalı jurnalist İstanbulda müəmmalı şəraitdə ölüb

22 Sentyabr 2020, 16:35 (GMT +4)
Pandemiya sınağı: təhsil və təhlükəsizlik - FOTOREPORTAJ

22 Sentyabr 2020, 16:34 (GMT +4)
İraq karantin qaydalarının yenidən sərtləşdirilməsi xəbərdarlığını verib

22 Sentyabr 2020, 16:12 (GMT +4)
Tanınmış jurnalist koronavirusa yoluxub

22 Sentyabr 2020, 16:11 (GMT +4)
Almaniya Bundestaqına bomba üzrə mütəxəssislər cəlb edilib

22 Sentyabr 2020, 16:04 (GMT +4)
«Torqovı»da geyim mağazası yanıb (FOTO)

22 Sentyabr 2020, 15:52 (GMT +4)
Ankara AB-ni qərəzli mövqedən çəkinməyə çağırıb

22 Sentyabr 2020, 15:49 (GMT +4)
Lənkəranda yeni çay brendinin istehsalına başlanılıb

22 Sentyabr 2020, 15:43 (GMT +4)
Operativ Qərargah: Virusdan ölənlərin sayı 578 nəfərə çatıb

22 Sentyabr 2020, 15:40 (GMT +4)
AÇG və “Şahdəniz”dən 545 milyon ton neft-kondensat ixrac edilib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66