Hizbullah, HƏMAS, Husilər və sair hərəkatlar Qüds günü ilə bağlı birgə bəyanat veriblər (VİDEO)

Bakı, 21 may, SalamNews, B.Samid. Livanın “Hizbullah” təşkilatı, Fələstinin HƏMAS, Yəmənin “Ənsarullah”, İraqın “Əsaib Əhlil-Haqq” və sair hərəkatlar ramazanın son cüməsinə təsüdüf edən Qüds günü ilə bağlı birgə mesaj veriblər.

SalamNews xəbər verir ki, Hizbullah təşkilatının baş katibi Həsən Nəsrullahın, Yəmənin “Ənsarullah” hərəkatının lideri Əbdül-Məlik əl-Husinin, HƏMAS-ın siyasi ofisinin rəhbəri İsmail Həniyyənin, Fələstinin “İslami Cihad Hərəkatı”nın baş katibi Ziyad Nəxxalənin, İraqın Haşd-Şabi Qüvvələrinin tərkibində olan “Əsaib Əhlil-Haqq” hərəkatının lideri Qesy Xəzəli və bölgədə mövcud olan digər siyasi hərəkatların liderlərinin eyni zamanda Qüds günü ilə bağlı mesajları yayımlanıb.

Bu mesajda tərəflər İsrailə və ona hərtərəfli dəstək verən ABŞ-ın siyasətinə qarşı mübarizəni əvvəlkindən daha aktiv şəkildə davam etdirəcəklərini, Qüds və sair işğal edilmiş torpaqların azadlığı uğrunda hərəkatı intensiv şəkildə davam etdirəcəklərini bildiriblər.