|
DGK: Siqaret və dərmanların qanunsuz dövriyyəsinin qarşısı alınıb21 Avqust 2020, 12:45 (GMT +4) Bakı, 21 avqust, SalamNews.Baş Gömrük İdarəsinin "Qırmızı Körpü" gömrük postunda üç fakt üzrə siqaret və dərman preparatlarının gömrük nəzarətindən gizlədilərək ölkə ərazisinə keçirilməsi cəhdinin qarşısı alınıb.
Bu barədə SalamNews-a Dövlət Gömrük Komitəsindən (DGK) bildirilib.
Məlumata görə, Gürcüstan istiqamətindən gələn "Mercedes-Benz 1840", "Mercedes-Benz Axor" və "Volvo" markalı yük nəqliyyat vasitələri saxlanılıb.
Gömrük baxışı zamanı nəqliyyat vasitələrində gömrük nəzarətindən gizlədilən, ümumilikdə 3800 ədəd müxtəlif markalı siqaretlər və 176 həb müxtəlif adda dərman preparatları aşkarlanıb.
Faktlarla bağlı araşdırma aparılır.
|
RU
AZ
