Mobil versiya RU AZ
_




AZƏRBAYCAN » İQTİSADİYYAT

DGK sədri ÜGT-yə üzv dövlətlərin gömrük xidməti rəhbərlərinə müraciət edib

03 Oktyabr 2020, 12:31 (GMT +4)

Bakı, 3 oktyabr, SalamNews.Dövlət Gömrük Komitəsinin (DGK) sədri, Ümumdünya Gömrük Təşkilatının (ÜGT) Avropa Regionu üzrə sədr müavini Səfər Mehdiyev Azərbaycan Silahlı Qüvvələrinin işğal altındakı ərazilərimizin azad olunması istiqamətində həyata keçirdiyi əks-hücum əməliyyatları çərçivəsində ölkəmizin haqlı mövqeyini beynəlxalq ictimaiyyətin diqqətinə çatdırmaq üçün ÜGT-nin Baş katibinə, ÜGT Şurasının sədrinə, sədr müavinlərinə, Avropa Komissiyasının Vergi və Gömrük İttifaqının Baş direktoruna, ÜGT üzv dövlətlərin gömrük xidməti rəhbərlərinə müraciət ünvanlayıb.

Bu barədə SalamNews-a Komitədən məlumat verilib.

52 ölkənin təmsil olunduğu ÜGT-nin Avropa Regionuna rəhbərlik edən Azərbaycan gömrük xidmətinin göndərdiyi məktubda deyilir ki, artıq 30 ilə yaxındır Ermənistan Azərbaycan Respublikasının Dağlıq Qarabağ bölgəsini və ətraf 7 rayonunu işğal altında saxlayır. İşğal nəticəsində 1 milyondan artıq azərbaycanlı qaçqın və məcburi köçkün vəziyyətinə düşüb. Ermənistan işğal etdiyi ərazilərdə azərbaycanlı əhaliyə qarşı etnik təmizləmə siyasəti aparır.

Məktubda bildirilir ki, 1993-cü ildə BMT-nin Təhlükəsizlik Şurası Ermənistan silahlı qüvvələrinin Azərbaycanın işğal edilmiş bütün ərazilərindən dərhal, tam və qeyd-şərtsiz çıxarılmasını tələb edən 4 qətnamə qəbul etsə də, qarşı tərəf bu qətnamələrə məhəl qoymur. Əksinə, Ermənistan beynəlxalq hüququ kobud şəkildə pozaraq işğal olunmuş ərazilərdə cinayətkar və qondarma rejim yaradıb, qanunsuz fəaliyyət, o cümlədən qanunsuz məskunlaşdırma siyasəti aparır.

Müraciətdə o da bildirilir ki, ATƏT-in Minsk Qrupunun vasitəçiliyi ilə uzun sürən danışıqlar nəticə verməyib və Ermənistanın məqsədi işğala əsaslanan hazırkı status-kvonu qorumaq və işğal edilmiş ərazilərin ilhaqına nail olmaqdır. Ölkəmizin konstruktiv mövqeyinə zidd olaraq, Ermənistan rəhbərliyi təxribatçı bəyanat və addımları ilə danışıqlar prosesinə maneə yaradır, hətta bu ölkənin müdafiə naziri Azərbaycanı "yeni ərazilər uğrunda yeni müharibə" ilə hədələyir.

Daha sonra müraciətdə qeyd olunur ki, bu il sentyabrın 27-də Ermənistan Azərbaycana qarşı növbəti hərbi təcavüzə başlayıb və Azərbaycan Ordusu qarşı tərəfin hücumunu dəf etmək, öz mülki əhalisini qorumaq üçün cavab tədbirləri görməyə məcbur olub.

Məktubda xüsusi vurğulanır ki, istər münaqişənin ilk illərində, istərsə də hazırda hərbi əməliyyatlar Azərbaycanın beynəlxalq səviyyədə tanınmış sərhədləri çərçivəsində aparılır.

Ermənistan silahlı qüvvələrinin hücumları nəticəsində bu günə qədər aralarında ikisi məktəbli olmaqla 19 mülki şəxs həlak olub, 55 mülki şəxs isə yaralanıb.

Komitə sədri müraciətində onu da diqqətə çatdırıb ki, regionda dayanıqlı sülhün bərqərar olması üçün Ermənistan ordusu Azərbaycanın işğal olunmuş ərazilərindən çıxarılmalı və məcburi köçkünlərin təhlükəsiz şəraitdə öz doğma yurdlarına qayıtmaları üçün şərait yaradılmalıdır. Ermənistan-Azərbaycan münaqişəsi Azərbaycan Respublikasının ərazi bütövlüyü və suverenliyi çərçivəsində həll edilməlidir.

"Biz beynəlxalq ictimaiyyəti BMT Təhlükəsizlik Şurasının qətnamələrinə uyğun olaraq Azərbaycanın haqlı mövqeyini dəstəkləməyə çağırırıq", - deyə müraciətin sonunda vurğulanıb.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

DGK: Siqaret və dərmanların qanunsuz dövriyyəsinin qarşısı alınıb

DGK bəyan olunmayan məhsulların ölkəyə keçirilməsinin qarşısını alıb

DGK elektron xidmətlərinin sayını artıracaq

DGK: 200 kiloqram heroinin ölkəyə keçirilməsinin qarşısı alınıb

DGK: Altı ayda dəniz nəqliyyatı ilə 470,8 min ton yük daşınıb

DGK sədri İspaniyanın müvəqqəti olaraq Qərb altqrupunda təmsil olunmasını təklif edib

DGK: Meyvə-tərəvəz idxalı artıb

DGK: Keçən ay dəmir yolu ilə 225 milyon dollarlıq yük daşınıb

DGK: Alüminium və ondan hazırlanan məmulatların ixracı azalıb

DGK mayda ölkəyə gətirilən avtomobillərin sayını açıqlayıb

DGK: Keçən ay avtomobil nəqliyyatı ilə ölkədən 147,1 min ton yük göndərilib

DGK: Tomat ixracı artıb

DGK: Ölkəyə qanunsuz gətirilən siqaretlər müsadirə olunub

DGK: "Samur" postundan keçən yük avtomobillərinin sayı artıb

DGK: Ermənistanla ölkəmiz arasında hər hansı ticarət əlaqəsindən söhbət gedə bilməz

DGK sədri Ümumdünya Gömrük Təşkilatının videokonfransına qatılıb

DGK-də vətəndaşların qəbulunda müəyyən məhdudiyyətlər olacaq

DGK və Caspian European Club-un birgə işçi qrupunun növbəti iclası keçirilib

DGK: Yanvarda əczaçılıq məhsullarının idxalı artıb

DGK narkotik vasitələrin realizə edilməsinin qarşısını alıb

30 Noyabr 2020, 18:06 (GMT +4)
AMB depozit hərracında 200 mln. manat cəlb edib

30 Noyabr 2020, 17:57 (GMT +4)
Argentina şirkətləri İİTKM ilə əməkdaşlıq edəcək

30 Noyabr 2020, 17:40 (GMT +4)
TƏBİB qəzada ölən tələbələrlə bağlı məlumat yayıb

30 Noyabr 2020, 17:35 (GMT +4)
Koronavirus: Azərbaycanda sutkalıq yoluxma və sağalma sayı açıqlanıb

30 Noyabr 2020, 17:19 (GMT +4)
İsrail Livanın hava məkanını pozaraq Beyrut səmasında uçuşlar həyata keçirib

30 Noyabr 2020, 17:15 (GMT +4)
DİN Biləsuvarda avtomobilin kanala aşması faktı ilə bağlı məlumat yayıb

30 Noyabr 2020, 17:13 (GMT +4)
FHN-in Laçındakı inzibati binasının lövhəsi hazırdır

30 Noyabr 2020, 17:02 (GMT +4)
Anadolu Agentliyi Füzuli rayonunun ermənilər tərəfindən məhv edilmiş tarixi abidələrindən reportaj hazırlayıb

30 Noyabr 2020, 16:42 (GMT +4)
“Qarabağ”ın baş məşqçisi Qurban Qurbanov koronavirusa yoluxub

30 Noyabr 2020, 16:24 (GMT +4)
Şuşanın gəzməli-görməli yerləri haqqında video çarx hazırlanıb

30 Noyabr 2020, 16:10 (GMT +4)
Zaqatalada qanvermə aksiyası keçirilib (VİDEO)

30 Noyabr 2020, 15:47 (GMT +4)
Erməni təxribatı nəticəsində 93 mülki vətəndaş həlak olub, 410-u xəsarət alıb

30 Noyabr 2020, 15:38 (GMT +4)
İranda koronavirusdan ölənlərin sayı 48 mini keçib

30 Noyabr 2020, 15:37 (GMT +4)
ANAMA: 27 sentyabrdan indiyədək 727 ədəd PHS, 4 330 ədəd piyada əleyhinə, 1 110 ədəd tank əleyhinə mina aşkarlanıb

30 Noyabr 2020, 15:28 (GMT +4)
Dillər Universitetində Çin arzusu Günü qeyd olunub

30 Noyabr 2020, 15:10 (GMT +4)
Bərdədə evini tərk edən COVİD-19 xəstələri barədə tədbirlər görülüb

30 Noyabr 2020, 14:51 (GMT +4)
Tərtərlə Suqovuşanı birləşdirən yol yaxın günlərdə istifadəyə veriləcək

30 Noyabr 2020, 14:37 (GMT +4)
ANAMA işğaldan azad olunmuş ərazilər təmizlənməyənə qədər vətəndaşları həmin ərazilərə getməməyə çağırıb

30 Noyabr 2020, 14:20 (GMT +4)
Aqrar Kredit və İnkişaf Agentliyi 11 ayda 65 milyon manat kredit verib

30 Noyabr 2020, 14:13 (GMT +4)
“Dərs vaxtı”nın 2000-ci buraxılışı efirə gedib

30 Noyabr 2020, 14:12 (GMT +4)
İran nüvə aliminin terrora məruz qalmasının yeni detallarını açıqlayıb

30 Noyabr 2020, 14:05 (GMT +4)
İndiyədək Azərbaycanda 238 xəstəyə immun plazma köçürülüb

30 Noyabr 2020, 13:40 (GMT +4)
Tələbə universitetə bərpa olunması üçün rektora müraciət edib

30 Noyabr 2020, 13:39 (GMT +4)
İsrail baş naziri Misirə səfər edir

30 Noyabr 2020, 13:24 (GMT +4)
Ağcabədidə evi tərk edən 11 COVID-19 xəstəsi müəyyən edilib

30 Noyabr 2020, 13:11 (GMT +4)
Bu il AKİA xətti ilə verilən aqrar kredit və güzəştlərdən 5623 fermer və sahibkar yararlanıb

30 Noyabr 2020, 13:00 (GMT +4)
Azərbaycanda sabaha gözlənilən hava şəraiti açıqlanıb

30 Noyabr 2020, 12:50 (GMT +4)
Rusiyada COVID-19 xəstələrinin sayı 3 milyona yaxınlaşıb

30 Noyabr 2020, 12:45 (GMT +4)
BANM-in 9 yaşı tamam olur

30 Noyabr 2020, 12:30 (GMT +4)
Təhsil naziri qəzada həlak olan tələbələrin yaxınlarına başsağlığı verib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66