ABŞ-da son sutkada 187 mindən çox COVİD-19-a yoluxma aşkar edilib

Bakı, 20 noyabr, SalamNews. ABŞ-da son sutkada koronavirusa yoluxma hallarının sayı 187 mindən çox artıb, bu da yeni rekord göstəricidir, iki mindən çox insan ölüb.

SalamNews -un məlumatına görə, bu barədə federal və yerli hakimiyyət orqanlarının, habelə KİV-lərin və digər mənbələrin məlumatlarını ümumiləşdirən Con Hopkins Universiteti xəbər verir.

Universitetin məlumatına görə, son 24 saat ərzində ABŞ-da 187.833 yeni yoluxma hadisəsi qeydə alınıb, daha 2015 xəstə ölüb.