Mobil versiya RU AZ
_




AZƏRBAYCAN » ELM VƏ TEXNOLOGİYA

AMEA alimlərinin sudan səmərəli istifadəyə dair Dövlət Proqramının layihəsi müzakirə olunub

21 Noyabr 2020, 11:15 (GMT +4)

Bakı, 21 noyabr, SalamNews. Azərbaycan Milli Elmlər Akademiyasının (AMEA) Rəyasət Heyətinin növbəti iclası keçirilib.

AMEA-dan SalamNews-a verilən məlumata görə, iclasda AMEA-nın prezidenti, akademik Ramiz Mehdiyev, AMEA-nın birinci vitse-prezidentləri, akademiklər İsa Həbibbəyli və İbrahim Quliyev, AMEA-nın vitse-prezidentləri, akademiklər - Tofiq Nağıyev, Dilqəm Tağıyev, İradə Hüseynova, Rasim Əliquliyev, akademiyanın akademik-katibi, AMEA-nın müxbir üzvü Əminağa Sadıqov və Rəyasət Heyətinin digər üzvü, akademik Gövhər Baxşəliyeva iştirak ediblər.

Əvvəlcə AMEA-nın prezidenti, akademik Ramiz Mehdiyev akademik Kamal Abdullayevə 70 illik yubileyi münasibətilə AMEA-nın Fəxri fərmanını təqdim edib.

Tədbiri AMEA-nın prezidenti, akademik Ramiz Mehdiyev açaraq iclasın gündəliyi barədə iştirakçılara məlumat verib.

Akademik-katib, AMEA-nın müxbir üzvü Əminağa Sadıqov yığıncağın gündəliyinə çıxarılan ilk məsələnin AMEA-nın Yer, Biologiya və Tibb Elmləri bölmələri tərəfindən hazırlanmış “Azərbaycanın su mənbələrinin qiymətləndirilməsi, qorunması və su ehtiyatlarından səmərəli istifadə edilməsinə dair 2021-2024-cü illər üzrə Dövlət Proqramı”nın layihəsi haqqında olduğunu bildirib.

Mövzu ilə bağlı çıxış edən akademik Ramiz Mehdiyev ölkə ərazisində mövcud olan su çatışmazlığı və su anbarlarında yaranmış vəziyyət nəzərə alınaraq, həmçinin su ehtiyatlarının artırılması, istehlakçıların içməli su və suvarma suyu ilə təchizatının yaxşılaşdırılması məqsədilə Prezident İlham Əliyev tərəfindən “Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında” 27 iyul 2020-ci il tarixli Sərəncam imzalandığını xatırladıb. Qeyd edib ki, Sərəncama əsasən, “Su ehtiyatlarından səmərəli istifadənin təmin edilməsinə dair 2020-2022-ci illər üçün Tədbirlər Planı” təsdiq edilib, Tədbirlər planının icrası ilə bağlı dövlət qurumlarına müvafiq tapşırıqlar verilib.

R.Mehdiyev Sərəncamdan irəli gələrək bu ilin avqust ayında AMEA Rəyasət Heyətinin iclasında ölkədə su təsərrüfatının vəziyyətinin yaxşılaşdırılması sahəsində geniş elmi tədqiqatların aparılmasına dair müzakirələrin keçirildiyini və akademiyada tanınmış alimlərdən ibarət İşçi Qrupunun yaradıldığını söyləyib. Diqqətə çatdırıb ki, prioritet istiqamətlərlə bağlı hazırlanmış təkliflər elmi bölmələrdə müzakirə edilərək müəyyənləşdirilib və yekunda “Azərbaycanın su mənbələrinin qiymətləndirilməsi, qorunması və su ehtiyatlarından səmərəli istifadə edilməsinə dair 2021-2024-cü illər üzrə Dövlət Proqramı”nın layihəsi hazırlanıb.

Sonra Dövlət Proqramı təqdim edilib. Bildirilib ki, Dövlət Proqramının layihəsi Ekologiya və Təbii Sərvətlər Nazirliyi, Fövqəladə Hallar Nazirliyi, Kənd Təsərrüfatı Nazirliyi, “Azərkosmos” Açıq Səhmdar Cəmiyyəti, “Azərsu” Açıq Səhmdar Cəmiyyəti, Azərbaycan Meliorasiya və Su Təsərrüfatı Açıq Səhmdar Cəmiyyəti ilə razılaşdırılıb.

AMEA-nın Yer və Biologiya və Tibb Elmləri bölmələri tərəfindən hazırlanmış Dövlət Proqramının həyata keçirilməsinin respublikamızda ilk dəfə olaraq su mənbələrinin hər bir qrupuna aid olan su obyektlərinin əsas kəmiyyət, keyfiyyət göstəriciləri və ekoloji şəraitinin qiymətləndirilərək müxtəlif mənşəli su ehtiyatları haqqında müasir tələblərə cavab verən kompleks məlumat bazasının yaranmasına imkan verəcəyi qeyd edilib.

Sonra Rəyasət Heyətinin qərarı ilə Dövlət Proqramının layihəsi qəbul edilib və təsdiq olunması üçün Azərbaycan Respublikasının Nazirlər Kabinetinin qarşısında vəsatət qaldırılması qərara alınıb.

İclasda müzakirə edilən məsələlər ətrafında akademik Dilqəm Tağıyev, akademik Rasim Əliquliyev, akademik İradə Hüseynova, AMEA-nın müxbir üzvü Əminağa Sadıqov, akademik Gövhər Baxşəliyeva, AMEA-nın müxbir üzvü Bəxtiyar Məmmədov, professor Elton Məmmədov, hüquq elmləri doktoru Habil Qurbanov, hüquq üzrə fəlsəfə doktoru Rasim Ağasiyev və digərləri müvafiq təkliflərlə çıxış ediblər.

Sonda AMEA-nın prezidenti, akademik Ramiz Mehdiyev çıxış edərək qeyd edib ki, bu gün Azərbaycan elminin prioritet inkişaf istiqamətləri üzrə tədqiqatlar daha da genişləndirilməli və bu yöndə Rəyasət Heyəti tərəfindən alimlərə zəruri dəstək verilməlidir. Elmin bəşəriyyətin gələcəyini müəyyənləşdirən başlıca faktorlardan olduğunu vurğulayan Akademiya rəhbəri AMEA-nın elmi müəssisə və təşkilatlarının fəaliyyətini dövrün tələblərinə uyğun, müasir texnologiyalardan istifadə etməklə qurmasının əhəmiyyətini bildirərək müvafiq tapşırıqlarını çatdırıb.





Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

AMEA-da gənc alim və mütəxəssislərin elmi-tədqiqat işlərinin müsabiqəsi keçirilib (FOTO)

AMEA-nın 5 institutunun direktoru vəzifələrinə təsdiqlənib

AMEA Coğrafiya İnstitutunun direktoru, akademik Ramiz Məmmədov vəfat edib

AMEA-nın 400-dən çox yaşlı əməkdaşı COVID-19-a qarşı peyvənd olunub

AMEA-da siyasi partiyalarla bağlı yeni şöbə yaradılır

AMEA Yüksək Texnologiyalar Parkı milli kosmetik məhsulların istehsalına dəstək verəcək (FOTO)

AMEA Botanika İnstitutunun əməkdaşı “Gənclər mükafatı”na layiq görülüb

AMEA-da İnkubator və Texnologiya Transferi Mərkəzi yaradılıb

AMEA prezidentinin Nadir Şah haqda kitabı Moskvada nəşr edilib

Əli Abbasova AMEA-da yeni vəzifə verilib

AMEA-da birinci vitse-prezident vəzifələri ləğv olunaraq yalnız bir vitse-prezident vəzifəsi təsis olunub

AMEA-nın institutlarında yeni vəzifələr yaradılıb 

YUNESKO torpaqşünas alimin tədqiqatları ilə bağlı AMEA prezidentinə müraciət edib

AMEA Botanika İnstitutunda Elmi Şuranın növbəti iclası keçirilib

AMEA-nın Geologiya və Geofizika İnstitutu və “AzerGold" QSC arasında işgüzar görüş olub

AMEA-nın prezidenti Fransanın ölkəmizdəki səfiri ilə görüşüb

AMEA-nın yaradılmasının 75 illiyi münasibətilə kitab və buklet hazırlanacaq

AMEA-nın şöbə müdiri vəfat edib

AMEA-da iş saatı dəyişdirilib

AMEA-da iki yeni mərkəz yaradılır

29 İyul 2021, 16:14 (GMT +4)
Şəhid ailələri və qazilərə vahid məkandan xidmət göstərəcək qurumlar üzrə Əlaqələndirmə Komissiyasının ilk iclası keçirilib

29 İyul 2021, 16:03 (GMT +4)
Gəncədə mağazadan oğurluq edən şəxs saxlanılıb

29 İyul 2021, 15:52 (GMT +4)
Əfqanıstanın Nuristan əyalətində sel daşqınları azı 60 nəfərin ölümünə səbəb olub

29 İyul 2021, 15:44 (GMT +4)
Bu il övladlığa uşaq götürmək üçün daxil olan müraciətlərin sayı açıqlanıb

29 İyul 2021, 15:40 (GMT +4)
Çempionlar Liqasında ötən mövsümün ən yaxşı qolu müəyyənləşib - (VİDEO)

29 İyul 2021, 15:34 (GMT +4)
Kreml Ermənistan-Azərbaycan sərhədində vəziyyətin gərginləşməsinə münasibət bildirib

29 İyul 2021, 15:30 (GMT +4)
Xocalı rayonu ərazisində yeni hərbi hissənin açılışı olub - VİDEO

29 İyul 2021, 15:20 (GMT +4)
Prezident Milli Hematologiya və Transfuziologiya Mərkəzinin təmirinə 600 min manat ayırıb

29 İyul 2021, 15:16 (GMT +4)
"Fənərbaxça" Niderland klubu ilə heç-heçə edib - (VİDEO)

29 İyul 2021, 15:10 (GMT +4)
Ağcabədidə tapılan yeni doğulmuş körpə ilə bağlı prokurorluq tərəfindən zəruri tədbirlər görülüb

29 İyul 2021, 15:00 (GMT +4)
Jurnalist Rafiq Hacıyev vəfat edib

29 İyul 2021, 14:57 (GMT +4)
Peskov: Azərbaycanla əlaqələrimizə dəyər veririk

29 İyul 2021, 14:53 (GMT +4)
UEFA reytinqində Azərbaycanın mövqeyi dəyişməyib

29 İyul 2021, 14:50 (GMT +4)
İranda koronavirusdan ölənlərin sayı 90 mini ötüb

29 İyul 2021, 14:40 (GMT +4)
Azərbaycan Ordusu ilə Oklahoma Ştatı Milli Qvardiyası arasında əməkdaşlıq müzakirə edilib

29 İyul 2021, 14:30 (GMT +4)
Azərbaycanlı gənc BP-nin “Xalis sıfır” təqaüdçüsü seçilib

29 İyul 2021, 14:27 (GMT +4)
Gürcüstanda 2 796 yeni koronavirusa yoluxma faktı qeydə alınıb

29 İyul 2021, 14:23 (GMT +4)
Konfrans Liqası: "Qarabağ", "Sumqayıt" və "Keşlə" cavab oyununa çıxır

29 İyul 2021, 14:20 (GMT +4)
Goranboyda narkotik yetişdirən şəxs saxlanılıb 

29 İyul 2021, 14:10 (GMT +4)
Erməni silahlı dəstəsinin üzvlərinin hər biri 6 il azadlıqdan məhrum edilib

29 İyul 2021, 13:58 (GMT +4)
Bərdədə karantin qaydalarının pozulduğu mərasimlər aşkarlanıb

29 İyul 2021, 13:48 (GMT +4)
Rusiya Talibanın hücumları fonunda Əfqanıstanla sərhədə Su-25 qırıcıları göndərib

29 İyul 2021, 13:41 (GMT +4)
Azərbaycanda fermerlərə 3290 texnika təhvil verilib

29 İyul 2021, 13:31 (GMT +4)
Bayden Obamanı Trampla səhv salıb

29 İyul 2021, 13:24 (GMT +4)
Xocalıda silah-sursat aşkarlanıb

29 İyul 2021, 13:11 (GMT +4)
Şeyxə hücum edən fitnəkarlar

29 İyul 2021, 13:09 (GMT +4)
Tokio-2020: Boksçumuz Məhəmməd Abdullayev mübarizəni dayandırıb

29 İyul 2021, 13:00 (GMT +4)
Sabahın hava proqnozu açıqlanıb

29 İyul 2021, 12:51 (GMT +4)
Suriya ilə İordaniya arasında daha bir sərhəd gömrük keçidi açılır

29 İyul 2021, 12:50 (GMT +4)
Yol qəzalarında daha 3 nəfər ölüb

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66