İranda bir günə 406 koronavirus xəstəsi dünyasını dəyişib

Bakı 27 noyabr, SalamNews. B.Samid. İranda son sutkada koronavirus xəstələrindən 406 nəfəri həyatını itirib və ölənlərin ümumi sayı 47,095-ə çatıb.

SalamNews İSNA-a istinadla xəbər verir ki, bunu İranın Səhiyyə Nazirliyinin mətbuat katibi Sima Sadat-Lari deyib.

Bildirilib ki, ölkədə son sutkada koronavirus xəstələrindən 406 nəfəri həyatını itirib və ölənlərin ümumi sayı 47,095-ə çatıb.

Əlavə edilib ki, ölkədə son 24 saat ərzində 14,051 nəfərdə koronavirus aşkarlanıb və bu rəqəm ümumilikdə 922,397-ə çatıb.

İranda indiyədək 6 milyona yaxın insan koronavirusla bağlı testlərdən keçib və testlərin cavabı müsbət olanlardan 640 mini sağalıb.