Eyfel qülləsi dekabr ayında ziyarətçilər üçün açılacaq

Bakı, 2 dekabr, SalamNews. Oktyabr ayının sonunda bağlanan Eyfel Qülləsi ilk ziyarətçilərini 16 dekabrda qəbul edəcək.

SalamNews xəbər verir ki, bu barədə turistik məkanın rəsmi saytında məlumat verilib.

"16 dekabr 2020-ci il tarixindən etibarən Eyfel Qülləsinin açılışını elan etməkdən məmnunluq duyuruq. Biletlərinizi dərhal onlayn sifariş edin", məlumatda deyilir.

Qüllə turistlər üçün Paris vaxtı ilə 10:30-dan 18:30-a qədər açıq olacaq.

Ziyarətçiləri mümkün qədər ən yaxşı şəraitdə qarşılamaq üçün ən sərt sanitariya tədbirləri görüləcək.