İranda koronavirusa yoluxanların sayı bir milyonu keçib, 700 min sağalıb

Bakı, 3 dekabr, SalamNews, B.Samid. İranda son sutkada 13,922 nəfərin koronavirusa yoluxması qeydə alınıb və bu rəqəm ümumilikdə 1 milyonu keçib.

SalamNews İSNA-a istinadla xəbər verir ki, bunu İranın Səhiyyə Nazirliyinin mətbuat katibi Sima Sadat-Lari deyib.

Bildirilib ki, ölkədə son 24 saat ərzində 13,922 nəfərin koronavirusa yoluxması qeydə alınıb və bu rəqəm ümumilikdə 1,003,494-a çatıb.

Əlavə edilib ki, İranda son sutkada koronavirusdan 358 nəfərin ölümü qeydə alınıb və bu rəqəm ümumilikdə 49,348-ə çatıb.

Bu ölkədə indiyədək 6 milyon 325 min insan koronavirusla bağlı testlərdən keçib və yoluxanlardan təqribən 700 mini sağlıb.

İranın Səhiyyə mənbələrinin məlumatına görə hazırda ölkədə 5,824 koronavirus xəstəsinin vəziyyəti kritikdir.