Suriyada qruplaşmaların nəzarətində olan bölgədə neft anbarına aviazərbələr endirilib (VİDEO)

Bakı, 11 yanvar, SalamNews, B,Samıd. Suriyanın Hələb əyalətinin şimal-şərqində qruplaşmaların nəzarətində yerləşən Tarhin qəsəbəsi ərazisində neft anbarına hava zərbələri endirilib.

SalamNews əl-Aləmə istinadla xəbər verir ki, ötən gecə əl-Bab şəhəri ətrafında Tarhin qəsəbəsində yerləşən neft çənlərinin saxlanıldığı məkana hava zərbələri endirilib.

Hava zərbələri naməlum PUA-lar tərəfindən endirilib.

Bu hücumun Rusiya və ya ABŞ koalisiyasına aid PUA-lar tərəfindən həyata keçirildiyi ehtimal edilir.

Hava zərbələri şiddətli partlayışlar və yanğınlara səbəb olub.

Mərkəzi Londonda yerləşən “Suriya İnsan Hüquqları Müşahidə Qrupu”nun məlumatına görə ötən ayın 20-də də həmin məkana naməlum PUA-lar tərəfindən aviazərbələr endirilib.