İran Hind okeanın şimalında və Oman dənizində hərbi təlimlər keçirir (VİDEO)

Bakı, 14 yanvar, SalamNews, B,Samıd. İran Ordusunun Dəniz qüvvələri ötən gündən başlayaraq, Oman dənizinin şimalında və Hind Okeanının şimalında hərbi təlimlər keçirir.

SalamNews İSNA-a istinadla xəbər verir ki, “İqtidar – 99” adı altında keçirilən bu hərbi təlimlərdə Dəniz qüvvələrinin müxtəlif hərbi gəmilərinin, sualtı qayıqların fəaliyyəti və müxtəlif növ torpedo və kruiz raketləri nümayiş etdirilib.

Hərbi təlimlərin ikinci günündə sualtı qayıqlardan torpedo raketləri və hərbi gəmilərdən hədəfi dəqiq vuran kruiz raketləri atılıb.

Bu hərbi təlim son iki həftədə İranın üçüncü irimiqyaslı hərbi təlimidir.

İran Silahlı Qüvvələri ötən həftədə ölkənin PUA və raket arsenalını nümayiş etdirmək məqsədilə hərbi təlimlər keçirmişdi.