BMT TŞ Liviya üzrə yeni xüsusi nümayəndə təyin edib

Bakı, 16 yanvar, SalamNews. BMT Təhlükəsizlik Şurası  slovakiyalı diplomat Yan Kubişin BMT Baş Katibinin Liviya üzrə xüsusi nümayəndəsi vəzifəsinə namizədliyini təsdiqləyib.

SalamNew -un xəbərinə görə, bu barədə TASS-a qurumdakı diplomatik mənbə məlumat verib.

"Bu məsələ ilə bağlı etirazlar bu gün saat 17:00-a qədər ​​qəbul edilirdi, etiraz daxil olmayıb, bu səbəbdən qərar qəbul edilmiş sayılır", məlumatda deyilir.

Qeyd edək ki, yeni təyinata qədər Kubiş BMT-nin Livan üçün xüsusi koordinatoru vəzifəsini icra edib.